Ditzionàriu in línia
de sa limba e de sa cultura sarda

allutinédhu , agt Definizione chi est allutau, allutu meda Sinonimi e contrari arrascuitu, ispabillu, prontudu, sciscitu, spiscinetu | ctr. abbabballocadu, abbabbiocatu, abballalloadu Frasi allutinedhu est!… Etimo srd. Traduzioni Francese alerte Inglese lively, very attentive Spagnolo avispado, listo Italiano mólto attènto, vispo Tedesco sehr aufmerksam, lebhaft.

apidinàdu , agt: pidinadu Definizione chi tenet su pidinu, pentzamentu de fàere is cosas, chi dhue pentzat Sinonimi e contrari apinnicadu, apremuradu, aténdiu, impedinadu, pedinosu, pinnicosu | ctr. trascuradu Terminologia scientifica ntl Etimo srd. Traduzioni Francese empressé Inglese attentive Spagnolo entregado Italiano premuróso Tedesco aufmerksam.

apremuràdu , agt Definizione chi tenet premura, coidadu Sinonimi e contrari apinnicadu, aténdiu, impedinadu, pidinosu, pinnicosu | ctr. discoidosu, trascuradu Frasi àteras fadas sestant e cosint su reale mantu e lu portant apremuradas a su Nignu Terminologia scientifica ntl Etimo srd. Traduzioni Francese empressé Inglese thoughtful Spagnolo atento Italiano premuróso Tedesco aufmerksam.

atensionàu , pps, agt: atentzionadu, atintzionadu Definizione de atensionare; chi istat atentu, chi giaet o est giaendho atentzione a is cosas Sinonimi e contrari abbistu, acabadu, apricau, atensionosu, cabosu / cdh. atintziunatu | ctr. disabbutu, isàbbitu, isagherau, sbeliau 2. est unu pisedhu atentzionadu ◊ iscusidimí ca non seu atentzionada! ◊ ti fatzo a ischire chie est s'atintzionadu chi mi che at furadu sos prochedhos ◊ fit atentzionau mascamente a s'ora de tucare Terminologia scientifica ntl Traduzioni Francese attentif Inglese careful Spagnolo atento, diligente Italiano attènto, avveduto Tedesco aufmerksam, umsichtig.

atensionósu , agt: atentzionosu Definizione chi istat atentu, chi faet atentzione faendho is cosas, chi dhas atendhet e contivígiat a dovere Sinonimi e contrari atensionau, contipizosu | ctr. disabbutu, isàbbitu, isagherau, sbeliau Frasi cheret chi siant atentzionosos pro no fàghere dannu ◊ tentandhe sas vacas fimus atentzionosos ca su mere za fit cosa de ndhe li pèrdere una!…◊ candho sos chi istimamus si che morint, a totus benit su dúbbiu de no èssere istados atentzionosos cun issos (L.Pusceddu) Terminologia scientifica ntl Etimo srd. Traduzioni Francese attentif, soucieux Inglese attentive Spagnolo atento Italiano attènto Tedesco aufmerksam.

aténtu , agt, nm: tentu 1 Definizione chi giaet atentzione; su atuare, su èssere pentzandho a una cosa, iscurtandho e abbaidandho totu cun precisione Sinonimi e contrari atenscione | ctr. disatentu Modi di dire csn: dare a. = donai atentzioni, pentzai, castiai; avb.: a s'a. = donendi o fendi atentzioni; èssere dadu atentu = èssi aténdiu, castiau, contivigiau Frasi ista bene atentu, pischizone, no ti lasses incantare de unu tilingione! ◊ atentu a su chi naras! ◊ a pesare, su pane za pesat, ma istae atentas a no s'imbischidare! ◊ it'errore, fizas mias, istae atentas a sos ómines! 2. passo deretu sentza ti dare atentu ◊ est dendhe atentu a sas anzones ◊ diant atentu no si ndhe pentant! ◊ ànima discoidada, inginugadí cun atentu! ◊ su coru miu est de malu atentu ◊ puru dendhe atentu, ti fuis, o vida! ◊ dae atentu a cussas vucas de pípera, fartzos che a Giuda! 3. l'at abbaidadu a s'atentu e poi che l'at furadu totu ◊ istai a s'atentu po ndi bogai cussus bremis! Traduzioni Francese attentif Inglese careful Spagnolo atento Italiano attènto Tedesco aufmerksam.

billànti , agt Definizione chi est o istat atentu, chi est bigiandho Sinonimi e contrari abbilleri, abbillu, abixanti, atensionau, atensionosu, ispabillu Frasi su pastori depit èssi billanti a dónnia sciumbullu Traduzioni Francese vigilant Inglese watchful Spagnolo vigilante Italiano vìgile Tedesco aufmerksam.

penciamentósu , agt: pensamentosu, pentzamentosu, pesciamentosu, pessamentosu Definizione nau de ccn., chi dhue pentzat a is cosas, chi est pentzandho (fintzes in su sensu de tímere ccn. cosa), chi tenet coidu Sinonimi e contrari abiolau, apensamentau, apinnicadu, impedinadu, impensamentau, orioladu, pensativu, pistichinzosu / ttrs. pinsamentosu | ctr. iscontipizau, trancuillone Frasi isse istaiat pessamentosu, sériu che chie ischit fatos e doveres suos ◊ pensamentosu, candho chircas tribàgliu, mustras su coro in amargura ◊ est pentzamentosu ca no iscít comenti fai ◊ est pensamentosu pro su chi li est capitadu ◊ fai bèni e bai in galera… dèu totu penciamentosa po tui e mi arrispundis mali puru! Terminologia scientifica ntl Etimo srd. Traduzioni Francese pensif, soucieux Inglese thoughtful Spagnolo pensativo, cuidadoso Italiano pensieróso, premuróso Tedesco nachdenklich, gedankenvoll, aufmerksam.