Ditzionàriu in línia
de sa limba e de sa cultura sarda

abbíllu , agt Definizione chi est ischidau, atentu, chi cumprendhet deretu / èssiri abbillu = a s'abbizu, a s'avértida Sinonimi e contrari abbistu, acatadu, atinadu, bigiagi, ischidadu, ispabillu, schidu, speltu Frasi est abarrau abbillu fintzas a mesunoti ◊ notesta no mi dromu: ses abbilla tui puru? 2. est acostendu s'ora chi dognunu cun ogu abbillu si mirit aintru de sèi etotu ◊ a mei no mi dha fais, ca seu abbillu! ◊ no ia a tenni de mi chesciai chi fiat prus abbillu po no si fàiri imbovai 3. mancu is fillus de Salomoni, po cantu abbillus, dhus ant bistius aici Etimo srd. Traduzioni Francese éveillé, adroit, habile Inglese wide-awake Spagnolo despabilado Italiano svéglio, avveduto Tedesco aufgeweckt, umsichtig.

abbístu , agt: abbristu, arbistu, avistu Definizione chi ischit, connoschet, cumprendhet in lestresa, chi tenet isperiéntzia, chi si acatat: est prus de cabosu Sinonimi e contrari abbillu, acatadu, àciu, cabosu, ischidadu, ispabillu, sapidu, schidu, speltu | ctr. ballalloe, tontu Frasi issa est bella, sàpia che abba, abbista e trabballante! ◊ Francu est un'Autori atentzionosu, iscípidu e abbistu ◊ pro locura a mi crere tantu abbistu fia ispintu ◊ sa maista nos’at tzerriau po nosi nàrrede de dhu mandhare a is iscolas mannas, ca su piciochedhu est abbistu ◊ tue ses malignu, no abbistu, ca malignidade no est abbistesa! ◊ si fint aizu abbistos, si tiant abbizare comente su chi ant fatu est errore ◊ est arbistu in dogni cosa ◊ merxani no si aspetàt unu caboni tanti abbistu! Terminologia scientifica ntl Etimo itl. avvisto Traduzioni Francese adroit, habile Inglese shrewd Spagnolo avisado Italiano avveduto, accòrto, intelligènte Tedesco umsichtig.

abbizàghe , agt Definizione chi istat abbillu, chi si acatat de totu Sinonimi e contrari abbizósicu, abixanti Frasi fit un'ómine abbizaghe e inzeniosu chi podiat agghejare e disatinare ispantamundhos e carravàulas, bentureris e malintragnados (T.Pinna) Etimo srd. Traduzioni Francese qui s'aperçoit de toute chose Inglese weary person ?? Spagnolo perspicaz Italiano che si accorge facilménte di tutto Tedesco umsichtig.

abbizósicu, abbizósu , agt Definizione chi est de abbizu, chi si acatat de totu, chi istat a s'avértida, a origas allutas, atentu po bíere o intèndhere totu Sinonimi e contrari abbizaghe, avillante / abbistu, billanti Frasi tenzo unu cane abbizósicu ◊ tue, fizu de su pópulu, ses semper abbizósicu ◊ su sindhacau bi fit, ma fit abbizósicu solu pro fàchere pacare sa tèssera! ◊ mancari abbizósicu in medas fainas, no ischio nemmancu cantu fachiat tres punzos de casu a mesupetza s'unu ◊ su cane miu prus abizosu si est dau a zannire coment'e pesàndheche a sirvone Etimo srd. Traduzioni Francese éveillé, adroit, diligent Inglese awake, weary person ready ?? Spagnolo avisado Italiano désto, accòrto, sollécito Tedesco aufgewegt, umsichtig, rasch.

acatàdu , pps, agt: acatau 1 Definizione de acatare 1; chi si acatat, chi istat atentu de si acatare de totu Sinonimi e contrari abbillu, abbistu, ischidadu, schidu, speltu / abbizadu, sapidu Terminologia scientifica ntl Traduzioni Francese avisé Inglese shrewd Spagnolo que se ha dado cuenta, listo, avisado Italiano accòrto Tedesco umsichtig.

apióta , avb: apiotu Definizione a piotu, a s'apiotu, manera de andhare mautu mautu, abbellu abbellu de no si giare a intèndhere Frasi apiotu apiotu is duendas sunt essias ◊ sos duos pisedhos si l'ispiseint a s'apiotu ◊ sa mama ch'esseit a s'apiotu pro no ndhe ischidare sa pitzinna Traduzioni Francese en tapinois Inglese squatting Spagnolo con sigilo Italiano quatto, in mòdo circospètto Tedesco sacht, umsichtig.

atensionàu , pps, agt: atentzionadu, atintzionadu Definizione de atensionare; chi istat atentu, chi giaet o est giaendho atentzione a is cosas Sinonimi e contrari abbistu, acabadu, apricau, atensionosu, cabosu / cdh. atintziunatu | ctr. disabbutu, isàbbitu, isagherau, sbeliau 2. est unu pisedhu atentzionadu ◊ iscusidimí ca non seu atentzionada! ◊ ti fatzo a ischire chie est s'atintzionadu chi mi che at furadu sos prochedhos ◊ fit atentzionau mascamente a s'ora de tucare Terminologia scientifica ntl Traduzioni Francese attentif Inglese careful Spagnolo atento, diligente Italiano attènto, avveduto Tedesco aufmerksam, umsichtig.

cautelósu , agt Definizione chi si movet o chi faet is cosas cun atentzione meda, cunsiderandho bene is cosas innanti de dhas fàere Sinonimi e contrari arrechetau, cauteladu, gudrebi, sudhítzigu Frasi fiat sempri cautelosa cun is istràngius e asseliada ◊ sa virtudi nosí fait cautelosus in dógnia cosa po chi no siaus ingannaus Terminologia scientifica ntl Etimo spn. Traduzioni Francese circonspect, prudent Inglese cautious, prudent Spagnolo cauteloso, prudente Italiano circospètto, prudènte Tedesco umsichtig, vorsichtig.

sudhítzigu , agt Definizione chi tenet sudhu, pidinu, chi est timendho po calecuna cosa chi dhi podet capitare Sinonimi e contrari cautelosu, sudhidu Frasi brinchitendhe sudhítzigu e ciulendhe arriveit su puzone a su nidu Traduzioni Francese circonspect Inglese wary Spagnolo circunspecto Italiano circospètto Tedesco umsichtig.