Ditzionàriu in línia
de sa limba e de sa cultura sarda

allutinédhu , agt Definitzione chi est allutau, allutu meda Sinònimos e contràrios arrascuitu, ispabillu, prontudu, sciscitu, spiscinetu | ctr. abbabballocadu, abbabbiocatu, abballalloadu Frases allutinedhu est!… Ètimu srd. Tradutziones Frantzesu alerte Ingresu lively, very attentive Ispagnolu avispado, listo Italianu mólto attènto, vispo Tedescu sehr aufmerksam, lebhaft.

arreputzàdu , agt Sinònimos e contràrios alleporedhau, alleporizadu, incaboniscau, ingrigliadu Frases die cun die lu bido prus arreputzadu (G.Ruju) Tradutziones Frantzesu ragaillardi, vif Ingresu lively, jaunty Ispagnolu vivo, vivaracho Italianu ringalluzzito, vivace Tedescu eitel, lebhaft.

bagliúgulu , agt Definitzione chi est giau a su giogu, a sa brulla Sinònimos e contràrios brullanu, fruscinedhu, ispabillu, sbrillau Frases est unu pitzinnu bagliúgulu Terminologia iscientìfica ntl Tradutziones Frantzesu vif, amusant Ingresu lively Ispagnolu juguetón Italianu vivace, scherzóso Tedescu lebhaft, munter.

fangotéri , agt, nm Definitzione chi o chie istat sèmpere tocandho, imbrutandho, sèmpere in mesu, faendho cosas de pagu giudu, prus che àteru nau de pipiu Sinònimos e contràrios formijatu, fragnóculu, fruscinedhu, mintirotu, tocaredhu Ètimu srd. Tradutziones Frantzesu fouineur Ingresu lively child Ispagnolu que hurga Italianu frùgolo Tedescu unruhig, unruhiger Mensch.

feurràciu , agt: feurratzu 1 Definitzione nau de ccn., chi est briosu, sanu e forte mancari béciu, o de ebrúgiu, de erba, chi est bella, créscia meda; nau de cosa de papare chi faet coment'e prupa grussa, chi est tuvuda, passada, asciuta che linna de feurra Sinònimos e contràrios arrudu, ferruatzu, losanu | ctr. allacanadu, malandhadu Frases est unu becitedhu feurratzu, forti che ollastu ◊ est feurràcia cust'arruca, própriu bella! Tradutziones Frantzesu guilleret Ingresu lively Ispagnolu avispado, ágil Italianu arzillo Tedescu rüstig.

formijàtu , agt, nm Definitzione ifadosu che frommiga, chi o chie istat sèmpere tocandho, imbrutandho, giaendho ifadu, sèmpere in mesu Sinònimos e contràrios fangoteri, fragnóculu, fruscinedhu, mintirotu, tocaredhu Terminologia iscientìfica ntl Ètimu srd. Tradutziones Frantzesu fouineur Ingresu lively child Ispagnolu vivaracho Italianu frùgolo Tedescu störend, Störenfried.

fruscinédhu , agt, nm Definitzione nau de piciochedhu chi istat sèmpere a su move move, chi no istat mai firmu Sinònimos e contràrios bagliúgulu, piberudu / fangoteri, fragnóculu, mintirotu, sbrillau, tocaredhu Frases a pipia tui fias fruscinedha meda Tradutziones Frantzesu vif, animé, petit diable Ingresu lively (child) Ispagnolu vivaz, niño travieso Italianu vivace, frùgolo Tedescu lebhaft, Wildfang.

prontúdu , agt Definitzione chi tenet prontu, atza meda, fintzes a tropu Sinònimos e contràrios assudu, acudiosu, agudígliu, atreviu, atzilosu, isprontiu, trempista Frases prontudu, dh'iat nau: - Marranu! ◊ su prontudu est unu chi no si atuldit e risponnet cun prontesa Terminologia iscientìfica ntl Ètimu srd. Tradutziones Frantzesu vif, effronté Ingresu lively, cheeky Ispagnolu osado, descarado Italianu vivace, sfacciato Tedescu lebhaft, frech, unverschämt.

sbeliàu , pps, agt: isbelliau Definitzione de sbeliai; nau de unu piciochedhu, chi est pentzandho totu a su giogu e a s'ispàssiu, chi no faet atentzione a sa faina chi est faendho, a su chi dhi funt naendho, ca est pentzandho in àteru, a giogare Sinònimos e contràrios avagliaradu, disabbutu, isàbbitu, isagherau, isoncu / cdh. svariatu Frases ses tropu sbeliau, piciochedhu: is cosas chi iscrínt is giornalis no funt po tui! Tradutziones Frantzesu distrait, loufoque vif (pop.) Ingresu absent-minded, lively Ispagnolu despistado Italianu distratto, svampito, vivace Tedescu zerstreut, abgelenkt, lebhaft.

sciscítu , nm Definitzione piciochedhu abbistu, scadrallutu Sinònimos e contràrios spiscinetu Tradutziones Frantzesu vif, alerte Ingresu lively and witty child Ispagnolu chico avispado, listo Italianu ragazzo vispo e spiritóso Tedescu munterer und witziger Junge.

spiscinètu , agt Definitzione foedhandho de piciochedhu, chi est abbistu, pibirudu, chi foedhat chentza bregúngia Sinònimos e contràrios allutinedhu, ispabillu Frases ma càstia custus piciochedhus de oi a spiscinetus chi funt: a is tempus mius fustis drommius! ◊ spiscinetu, totu afródhiu e conca modhi est, cussu! Tradutziones Frantzesu plein de vivacité Ingresu lively Ispagnolu avispado Italianu vispo Tedescu munter.