ammusconàu , agt Definition nau prus che àteru de animale, chi est immalaidau de muscone, sa musca tzerrigadora chi betat sa cria in is nàrigas e faet a iscrafíngiu forte e istúrridos Etymon srd.
ammusinzàre , vrb: ammusungiae Definition imbrutare de musinzu, imbrutare Synonyms e antonyms abbotinare, acadhotzai, acardangiai, aligae, imbratare, insodrigai, musucare Etymon srd.
ammussàre , vrb: mussare Definition aprontare is carradas samunandhodhas cun sa mussa Etymon srd.
ammussiàu ammossiàu
ammussolài , vrb Definition bocare su murru, primmare Synonyms e antonyms abbrodhiare, abbudhai, acubare, ammurredhare, ammurrionai, annicare, pirmare Etymon srd.
ammustadúra , nf Definition su ammustare Etymon srd.
ammustài , vrb: ammustare Definition
catzigare, istrecare o mòlere s’àghina po fàere su mustu; aciúnghere mustu; piscare sa binatza a istrégiu (cofa) po che lassare iscolare su mustu innanti de dha prentzare
Etymon
srd.
Translations
French
fouler le raisin
English
to press grapes
Spanish
pisar la uva
Italian
pigiare l'uva
German
die Trauben pressen.
ammustajonàu , agt Definition chi est o istat a mustajone, che unu mamutzone Synonyms e antonyms abbabballocadu, abbabbiocatu, abballalloadu, ammammalucadu Sentences in iscola no podemu abarrai cincu oras ammustajonara!
ammustàre ammustài
ammustatzàdu , pps, agt Definition de ammustatzare; nau de s'ispiga malàida, chi portat granos annepidaos créschios chi parent corredhos (o mustatzos) Etymon srd.
ammustatzàre , vrb Definition magiare una ferramenta (es. marrones, picos) aciunghendhodhi un’orrugu de ferru Etymon srd.
ammustèlchere, ammustèrchere , vrb: ammustrèchere,
ammustrèschere,
amustèrchere,
mustrèchere* Definition
pèrdere is atuamentos po calecunu dispraxere mannu, cropu malu, orruta manna o àteru (ma fintzes de s’errisu); abbasciare, menguare su fogu
Synonyms e antonyms
abbadherigare,
acidentare,
ammortie,
desfallire,
dilmagiare,
disimainai,
ildimajare,
imbortighinare,
intostai,
istenteriai,
sdemmaniai
| ctr.
atuare
Sentences
li at bénnidu unu dolore chi si trofijaiat che telpe e finas si est ammustélchidu! ◊ si bidet chi mi che so ammustérchidu ca dai su momentu no mi ammento prus de nudha ◊ sa pitzinna si fit ammusterchindhe de su prantu
Translations
French
s'évanouir
English
to faint
Spanish
desmayarse
Italian
cadére in delìquio
German
in Ohnmacht fallen.
ammustiadúra , nf Definition su ammustiai, su imbrutare Synonyms e antonyms imbrutamentu Etymon srd.
ammustiài , vrb: ammustiare Definition fàere o essire mústiu, unu pagu coment'e sicandhosiche po mancamentu de abba, nau de erbas e cosas deasi (mescamente segadas) Synonyms e antonyms acalabiare, acalamai, addormicare, allacanae, allartzanai, allizare, calaginare, carigai Sentences su laore si fit totu ammustiadu de su sicore 2. li piaghet su casu ammustiadu Etymon srd.
ammustiài 1 , vrb Definition imbrutare cun css. muga o brutore, cun mustu Synonyms e antonyms ammammungiai, ammustionai, imbratare | ctr. innetiare, limpiai, samunare Etymon srd.
ammustiàre ammustiài
ammustigionàre , vrb Definition nau de s’orrobba, atzirbisonare, fàere a piegas de dónnia betu ponendhodha male Synonyms e antonyms acarrongiai, afrascillonai, aggrunciare, aggruncipire, arruntzai, atripitzare, frongire.
ammustijinàdu , agt Definition fatu coment'e mústiu, fintzes cédiu po farta de abba, nau de erba o birdura segada Synonyms e antonyms allacanadu, acalamau, allizadu, ammortiginau, ammustiau Etymon srd.
ammustionài , vrb Definition imbrutare cun css. muga o brutore Synonyms e antonyms ammammungiai, ammustiai 1, imbratare | ctr. innetiare, limpiai, samunare Sentences s'est totu ammustionau papendi Etymon srd.
ammústra ammòsta