Ditzionàriu in línia
de sa limba e de sa cultura sarda

gàva , nf: caba* Definition logu, in pitzu, in su terrenu, inue si bogat pedra, terra o àteru materiale Synonyms e antonyms bocadorju

gavàciu , agt: govàciu Definition nau de unu, chi est fatu a sa grussera (nau po sa manera de fàere, po su naturale, po su pagu ischire, po sa manera de bestire), o chi est fatu grussu (nau de sa carena) Synonyms e antonyms gaurru, gavaurru, grosseri, intrudhadu, iscalabradu, marranzone | ctr. compridu / iltrízile Sentences est una mertza de medianeris chi at traíxiu e béndiu sa Sardigna a is prus gavàcius de is istràngius (A.Cannas)◊ no eus istudiau e feus sa figura de is govàcius Scientific Terminology ntl Etymon spn. gabacho Translations French grossier, mal dégrossi English rough Spanish grosero, tosco Italian grossolano, rózzo German grob.

gavàglia , nm: cavàglia* Synonyms e antonyms bísaru Scientific Terminology psc, scomber scombrus.

gavàgna , nf: cavagna* Definition genia de istrégiu mannu, cofa Sentences fit cun su labiolu in conca e una gavagnedha in manu Scientific Terminology stz.

gavàrdu , agt: cobardu*, govardu, guvaldu, guvardu Definition chi o chie sentit sa bregúngia; chi dhi paret bregúngia e fintzes chi tenet pagu coràgiu o face, chi si dha timet Synonyms e antonyms bergungiosu, cocode, frigonzosu / bovo, gosilànimu, timecaca, vile | ctr. assudu, coragiosu, ifaciadu Sentences sa criadura istat guvarda in iscola ◊ sunt orfanedhos pensosos e guvardos ◊ candho benit zente a domo, babbu restat guvardu paret chi no los connoscat 2. sas befes no cheres aggradèschere pro no bènnere govardu in custu mundhu ◊ istracos de latrangas furisteras revudant d'esser chedhas de guvardos ◊ a cara in terra, mazados, guvardos, no amus ogros pro abbaidare! Scientific Terminology ntl Translations French embarrassé, couard, pudique English craven, clumsy, modest Spanish vergonzoso, cobarde Italian impacciato, codardo, verecóndo German verlegen, feig, schamhaft.

gavaúrru , agt Synonyms e antonyms gaurru, gavàciu, grosseri.

gavellósu , agt Synonyms e antonyms bergungiosu Scientific Terminology ntl Etymon itl. cavilloso.

gavéllu , nm: gravellu 1, grivellu Definition donniunu de is ses orrugos de linna chi, intraos apare, fissaos cun bullones e cun sa teza, cumponent su cricu de s’orroda a ràgios de su carru, inue incàsciant is ràgios Synonyms e antonyms crivetu, oliveta Etymon itl. gavelli.

gavèssa , nf Definition sa conca, nau a disprétziu a unu po su fàere chi tenet cun pagu giudítziu Sentences bella gavessa zughet, cussu, mih!…

gavèta : gaèta

gavetòne , nm Definition istrégiu de abba chi si betat a brulla a pitzu de ccn.

gavía , nf Synonyms e antonyms dinai, moneda Sentences su chi piscu, a duas, tres gavias de mancu, no fait mancu "Tzi"!

gaviggaví , nm Definition genia de pigione chi portat coment'e unu chirrionedhu in conca tirau apalas: corr'in cúcuru, lèpuri o tèpuri de argiola Synonyms e antonyms pibiaghena, piliache, pizaena, tzintziriena Scientific Terminology pzn, vanellus vanellus Etymon srd. Translations French vanneau English lapwing Spanish avefría Italian pavoncèlla German Kiebitz.

gavína , nf Definition un’arratza de cau marinu / portai cambas de gavina = zúghere ancas fines Scientific Terminology pzn, larus canus Translations French goéland English sea mew Spanish gaviota cana Italian gavina German Sturmmöwe.

Gavínu Gabínu

gavisàre , vrb rfl Synonyms e antonyms aggajare 1, allegrare, frogare, gosae, prexai Translations French se réjouir English to rejoice Spanish alegrarse, regocijarse Italian rallegrarsi German sich freuen.

gavísu , nm Synonyms e antonyms contentu, gàviu, gosa.

gàviu , nm Definition cuntentesa, prexu Synonyms e antonyms contentu, gavisu, gosa.

gavorràna , nf Definition gava, miniera Sentences narant ca cussu tenit una gavorrana de prata (P.Doneddu).

gàxu , nm Synonyms e antonyms cuntentesa, allegria.