A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

ghirlàndha , nf: grigliandha, grillandha 1 Definition corona manna de frores Synonyms e antonyms gilandra 1 Sentences bidesi una grillandha de violas Etymon itl. ghirlanda.

ghiròe, ghiròne, ghiròni ghilòne

ghironàdu ghirionàdu

ghirónzu , nm Synonyms e antonyms ghirada, recuia, torrada Sentences isse viet sa morte coment'e unu tramudonzu, unu ghironzu a bidha Etymon srd.

ghírra , nf: chirra* Definition logu ammontau, genia de acorru, po dhue pònnere angiones o crabitos abbandha de is mamas / giúghere mala ghirra = promítiri mali, cumentzai a fai a biri de èssi malus Synonyms e antonyms adile, àrula, cerina Surnames and Proverbs smb: Ghirra Scientific Terminology pst.

ghirrisonàu , agt: agghirrisonau Definition fatu a crispione, totu intrau apare, trobedhau Synonyms e antonyms abberrisonadu, crabionosu, trobojadu Sentences pessamentos ghirrisonaos ghíghinant e contipizant sos mermos de su corpus Etymon srd. Translations French embrouillé English tangled Spanish enredado, enmarañado Italian intricato German verworren, verwickelt.

ghirrisòne , nm, agt Definition crispione, cambu de linna totu abberrisonadu, ispinosu, arrasposu, male fatu; nau de ccn., gherristu? Synonyms e antonyms arrasolu, barasone, barrasolu, càlamu, carrasprone, cribionatzu, ghirghisone, rasitu, raspisone, tupisone Sentences sos ghirrisones de tiria ne sont iscinne briscos e mudados de grogu 2. cudhu nurache est totu iscalabrau ca ómines ghirrisones che ndhe ant ghetau sa midade Etymon srdn. Translations French broussailles English brushwood Spanish zarzal Italian sterpame German Gestrüpp.

ghírta , nf Definition murrúngiu mannu fatu a boghes, e a bortas fintzes a cropos Synonyms e antonyms aciociada, aciocu, atachizu, bria, certu / abbétia, reota, tricata.

ghirtalédhu , agt Definition chi dhi praghet a brigare Synonyms e antonyms briànciu, brigantinu, reoteri, ténchinu Scientific Terminology ntl.

ghírtalu , agt, nm Definition chi est sèmpere brigandho, chi tenet una manera de fàere pagu bona, chi est fatu a sa grussera, arestosu, chi est totu bestiu male Synonyms e antonyms briànciu, brigantinu, reoteri, ténchinu / mecianu / scurumu Sentences sa bidha no los cheret custos ghírtalos ◊ si brias ca lu cheres tue ses unu ghírtalu, si brias ca ti ant intzullau àteros ses unu tzullu! Translations French récalcitrant, litigieux English quarrelsome (man) Spanish pendenciero Italian riottóso, litigióso German zänkisch.

ghírtalu 1, ghírtzari, ghírtzaru , nm Definition una genia de erba che a sa letítera (una calidade, Lathyrus latifolius) Scientific Terminology rba, Vicia villosa.

ghirtàre , vrb Synonyms e antonyms briare, certai.

ghírtzoru , nm Synonyms e antonyms basolugadhinu, faiseta 1, pabasolu, pisibisi, pisu 3 Scientific Terminology rba, Vicia sativa Translations French vesce English vetch Spanish veza, garrobilla Italian véccia nera German Saatwicke.

ghíru , nm Definition genia de pigionedhu de unu coloredhu orrúbiu coment'e de aràngiu in su petus e in su gúturu Synonyms e antonyms barbarrúbia, brinchidhi, brinci, chilisi, cridhi, dhodhi, grisoni, grisoti, iscalzurúgiu, petiruju, princiotu, tintillu, tradhera, tzichi Scientific Terminology pzn.

ghíru 1 ghíri 1

ghísa , nf Definition calidade de ferru chi giughet prus carbóniu (ma dipendhet de comente est trebballau puru), prus tostau ma prus fàcile a si orrugare atrotigandhodhu Scientific Terminology mtl.

ghísa 1 , nf, nm: gisa, ghisu 1 Definition coment'e…, de sa matessi manera de… Synonyms e antonyms disa, manera, zisa Sentences andhaiat a ghisu de tzintzigorru ◊ li picat unu tochedhu de coro a ghisa de si che l'essiret de petorras! ◊ mi at nuscatu e at intesu s’arrastu a ghisa de cane de catza ◊ si dh'at posta in tzugu a ghisu de issarpa Etymon ctl., spn. Translations French manière, façon English manner Spanish guisa Italian guisa German Art, Weise.

ghisàda , nf Definition bagna fata po cundhire macarrones cun petza segada a piticu, fríssia unu pagu, e cun is tamatas segadas a orrugos Synonyms e antonyms ghisadu* Scientific Terminology mng.

ghisàdu , pps, agt, nm: ghisatu, ghisau Definition de ghisare; ammesturau, nau de una genia de papare fatu cun petza a cassola; cundhimentu puru, bagna, fatu cun petza Synonyms e antonyms cansola, ghisada Sentences at fatu macarrones cun ghisadu de petza de procu ◊ po ghisau coxinas tui etotu su mangiucu chi ti tenit in pei 2. cun late e sàmbene ghisadu a sos viadores dadu Surnames and Proverbs smb: Ghisau Scientific Terminology mng Etymon ctl., spn. Translations French ragoût, fricassée English sauce, stew, fricassee Spanish guisado Italian intìngolo, spezzatino, fricassèa German Soße, Ragout, Frikassee.

ghisài, ghisàre , vrb Definition aprontare papares; in cobertantza, cumbinare o imbentare un’ingannu Synonyms e antonyms cochinare / trassai 2. sirena, ses cambiada: ghísami, edducas, su fele! Etymon ctl., spn. guisar Translations French cuisiner English to cook Spanish cocinar Italian cucinare German kochen, anzetteln.