murrédhu , nm Definition pilloni annapau, de noti, de su tiàulu o sóriche càmpinu o pinnàdigu, genia de animaledhu múrinu chi essit solu a denote (no biet in sa lughe): assimbígiat unu pagu a is pigiones ca portat coment'e alas e andhat a bólidu, ma est unu mammíferu e faet su fedu che custos Synonyms e antonyms alaepedhe, arratapignata, cincidedhu, satzamurredhu, terriolubedhe Scientific Terminology anar.
murrédhu 1 , nm Definition cuadhu murru.
murréri , nm Definition giogadore a sa murra Synonyms e antonyms murrajolu Etymon srd.
murriadrósu, murriadróxu , nm: ammurriadroxu,
murrinadroxu Definition
parte de sa die candho su sole si ch'est intrau o est acanta a essire
Synonyms e antonyms
immurinadorzu,
inchinadorzu,
interinada,
intríchinu,
irmurinada,
iscuricada,
iscurigadolzu
| ctr.
abbréschida
Sentences
est aproviau a su murrinadroxu ◊ in su murriadroxu de sa vida ogus de nébida càstiant pubas chi adítziu s'iscerant (D.Maccioni)◊ de s'ora de sa nea a su murrinadroxu
Scientific Terminology
sdi
Etymon
srd.
Translations
French
crépuscule
English
twilight
Spanish
crepúsculo
Italian
crepùscolo
German
Dämmerung.
murriàle murràbi
murriàna , nf Definition su si ammurrionare, costumare a bogare su murru, a murrungiare Synonyms e antonyms morrugnu Sentences mi ndi andu etotu: candu passat sa murriana torru! (A.Simbula)
murriàrbu , agt Definition nau de animale (boe), chi portat su murru de intina bianca Etymon srd.
murriàrxu , agt Definition its Sentences po una natzioni murriarxa comenti est sa sarda si podit cuai isceti sa luna.
murriàu , agt Definition (nau de sa die) iscurosu ca est iscurigau, irmurinadu / a dí murriada = candho at iscurigau Etymon srd.
murribbiàncu , agt Definition nau de figumorisca, metzana, in colore malu Etymon srd.
murribístu , agt, nm Definition
chi o chie portat is murros pistaos, ma nau in cobertantza de chie no tenet bregúngia peruna e faet a face manna
Synonyms e antonyms
agudientziosu,
caricotu,
discaradu,
facesola,
iscaressidu,
scundiu,
segagaras,
sfaciu
Etymon
srd.
Translations
French
effronté
English
impudent (person)
Spanish
descarado
Italian
sfrontato
German
frech,
Frechling.
murridúra , nf Definition su múrriri; a logos, murru bocau, annicadura Synonyms e antonyms mossigadura, mossu / nechidonzu Sentences cust'erba est mera profetosa po sa murridura de scraponi Etymon srd.
murrighíle , nm Definition in cara, su tretu de is murros Synonyms e antonyms bruncu, fruncu, murru, nuncu, mutzichile, runcu 1 Surnames and Proverbs smb: Murrighile, (Murrichile) Etymon srd.
murrileporínu , nm Definition chie portat is lavras a bisura de lèpere, difetosas de naschia, isperradas Etymon srd.
murrilóngu , agt Synonyms e antonyms ammurrionadu, pirmatu Etymon srd.
murrinadróxu murriadrósu
murrinài , vrb Definition nau de sa die, cumenciare a iscurigare; nau de frutuàrios, cumenciare a cambiare colore po còere, coendho Synonyms e antonyms ammurratzare, ilmurinare, incrinare, interighinare, interinare, murinai* / imbarjare | ctr. abbrèschere, ispanigai Sentences nci at ancora duas cannas de soi e a si ndi andai candu est murrinendi!
murrinàu , pps, agt Definition de murrinai; nau de frutuàriu, imbarzadu, cambiandho colore coendho Synonyms e antonyms ammurinau.
murrinighédhu , agt Definition nau de animale, chi portat is murros de intina niedha Etymon srd.