A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

murriólu , nm Definition min. de murru, murru, bruncu piticu, istrintu.

murriòne , nm Definition bruncu de linna, mescamente unu crispione; sa punta de s'iscala de su carru Synonyms e antonyms arrasolu, barasone, ghirrisone, raspisone, tupisone Etymon srd. Translations French rejet, rejeton, brindille, petit bois, ronce English knotty branch Spanish tocón Italian brónco German Klotz.

murriòne 1, murriòni , agt, nm Definition chi o chie istat ammurrionau, primmau Synonyms e antonyms primmagiolu, primmósigu Scientific Terminology ntl Etymon srd.

murriòri , nm Definition su èssere de colore murru Synonyms e antonyms murràntzia Etymon srd.

múrriri , vrb Definition pigare infetzione, nau po móssigu de bobboi (ispogiadedhu, errighina, píbera, arana o àteru) Sentences su pistilloni murrit sa pedhi candu dha tocat ◊ is conillus mi nci ant papau su perdusèmini e no est torrau a cresci prus, parit ca dh'ant múrridu ◊ su scraponi mi at múrriru e fin'a s'ossu mi est dóliru.

múrriru múrridu

murrisútile , agt Definition nau prus che àteru de animale a murru longu, chi portat murru prus fine de àteros Etymon srd.

murrócula marrócula

murròla , nf Synonyms e antonyms bríglia, frenu, murrabi.

murrósu , nm Definition maladia chi pigat sa pedhe de angiones e crabitos e faet a bubburuchedhas e a fruschedhas Scientific Terminology mld.

múrru , nm Definition su tretu de sa conca in s'oru de sa buca, is lavras (naendho de gente si narat prus su pl.); parte de calecuna cosa chi essit meda a sa parte de ananti (fintzes tretu de unu logu a ispuntone)/ min. murrigedhu Synonyms e antonyms bruncu, fruncu, murrighile, mutzichile, nuncu, runcu 1 / làbara Idioms csn: su m. de su porcu, is murrus, sos murros de una pessone, su m. de una màchina, de unu càmiu; murrus isperraus de su frius = laras trapadas; frunziri is murrus = afíere sas laras coment'e atuturèndhelas; murrus de coradhu o de ceréxia = laras rujas; èssere a m. bocau, chin su m., cun su m. che súrbile = èssere primmadu, ammurrionadu, fai murrus grussus; lassare a unu a murros assutos = papaisí totu, pigaindi sa parti sua puru; colare in murros ccn. cosa a unu = darendheli, fagherebbila assazare; fai murrus trotus = fai buchiadas trotas; àere malu m. cun ccn. = èssiri a iscórriu, in disacórdiu; fàghere m. malu a unu = donaidhi a biri de no èssiri prexaus, de no ndi tènniri prexeri, de no dhu bòlliri, nàrriri cosa coment'e po certu; pistare sos murros a unu = pigai a bussinadas; serrare o segare sas naes a murru = a mutzu, pudare s'àrbure dae rughes, a isconcadura, lassendhe petzi su truncu Sentences si ti ségudo pipendhe ti frigo su fogu in murros! ◊ fróbbidi sos murros, murri brutu! ◊ sas berbeghes tzacant su murru a sa pica a bufare ◊ po pigai sa cumunioni at postu sa língua unu pagu avantzada asuba de is murrus 2. Malunedhu Curustu, sendhe chi est ricu e sanu, est semper chin su murru ◊ lassa su murru: alligra, innorobbona! ◊ faiat is murrus pariat unu margiani tentu a lassu! ◊ li ant fatu murru malu e no bi est torradu ◊ sa pisedha at bidu su malu murru in domo de sa sogra e si est posta abbandha ◊ tra issos bi at malu murru ◊ si est allogadu ca in famíllia bi aiat malu murru 3. de cussu muntone de milliardos mancu in murros nos ndhe colant a nois! Surnames and Proverbs smb: Murru Scientific Terminology crn Etymon ltn. murru Translations French museau, figure, gueule English mug Spanish morro Italian muso, grugno German Maul, Schnauze.

múrru 1 , agt Definition chi est coment'e in colore de chinisu: si narat mescamente de pilos, de intinas de animales candho su pilu est de colores ammesturaos, parte de unu colore e parte biancu incanindho; si narat fintzes de frutuàriu cumenciandho a còere, a inniedhigare coendho / figu murra = una creze de figu chi assemizat a sa figu cana de colore e de fatura (tundhatza), ma est premedia (e de duas bias), prus abbosa, prus madura e prus gustosa; bíderendhe murras e bajas = de dónnia colori, provai cosas (e malis) de dónnia genia Synonyms e antonyms chijinatu, cinixali, múrinu / imbarjau, murrinau Sentences gei no as a bolli chi filla tua fetzat pius murrus in domu?!◊ gei no aspetas a fai pius murrus, no! ◊ po chi portis sa conca murra, lah no ti acontessat de arregolli surra! Scientific Terminology clr Etymon ltn. murinus Translations French gris English grey Spanish gris Italian grìgio German grau.

murruciríu , agt Definition its, imbarzendhe?, murrinau? Sentences dhoi at una mata de olia murruciria.

murrúda , nf Definition genia de pische de mare Synonyms e antonyms múlmura, mummuloni, mumungioni Scientific Terminology psc, lithoniathus mormyrus Etymon ctl. morruda.

murrúda 1 , nf Definition genia de pische nau deosi po su murru: assimbígiat a s'isparedha o sàragu, portat ispertiadas largas a istúturu, de colore diferente, in is costaos, e innanti est fémina ma apustis essit mascu Scientific Terminology psc, puntazzo puntazzo Translations French sar à museau pointu English charax (fish) Spanish sargo picudo Italian càrace a muso acuto German Fisch, der zu der Meerbrassen Familie gehört.

murrúdu , agt Definition nau de ccn., chi portat is murros chi essint meda, is lavras grussas Synonyms e antonyms bruncudu Etymon srd. Translations French qui a les lèvres épaisses English muzzled Spanish morrudo Italian ceffuto German vorspringende Lippen habend.

murrugàu , agt Definition nau de mascu brebeghinu, chi portat is corros chi pagu pagu si bient, pagu isvilupaos Synonyms e antonyms muciugau.

murrúgnu morrúgnu

murrugòni , nm Definition corru de mascu segau curtzu, a mugru.

murrumbàlla, murrummàlla , nf: murumballa Definition pulidura de linna, sa chi si faet apraniandho, allisandho a prana; cosa chi no serbit, a istrobbu, de fuliare Synonyms e antonyms allisadura, aplanadura, berrumballa*, pilibili, pulidura.