A | B | C | D | E | F | G | H | I | J | L | M | N | O | P | R | S | T | TZ | U | V | X | Z

mabòni , nm: melone, meloni, meroni Definition genia de erba chi faet a cambu longu istérriu in terra, a fògias mannas, e bogat una genia de frutu mannu, pruposu, de papare cruo, grussu e druche, a genias fragosu meda, unu pagu longu o tundhatzu puru, cun su corgiolu a parte de fora ispartziu a fitas de su tenaghe a su culàciu: in mesu est apenas buidu e dhue portat su sèmene (a/c.: in calecunu logu narant meloni a sa síndria)/ calidades de melone: arreciau, de zerru, de olia, frantzesu, muscadedhu, muscau Synonyms e antonyms poponi Idioms csn: melon'e punta = s'úrtimu chi cumprit, prus che àteru isaboriadu, metzanu; melonedhu burdu o aresti = cugúmini aresti, burdu, de àinu, zenia de erba velenosa chi assemizat a su cugúmene (Ecballium elaterium) Sentences síndria e meloni baratu portaus! ◊ sentza de cust'àcua no iaus a fai tanti meloni, foràstiu, cugúmini e crocoriga! ◊ oe sos ómines che sont gullindhe dae s'ortu sos úrtimos melones de irverru Surnames and Proverbs smb: Melone, Meloni Scientific Terminology frt, Cucumis melo Translations French melon English melon Spanish melón Italian melóne German Zuckermelone.

macabbèo, macabbéu , nm Definition foedhu chi narant unu pagu a disprétziu, prus che àteru persona pagu abbista Synonyms e antonyms baliodha, bucalloto, gingiorre, macacu, macareu Sentences macabbeo, no ischis fàghere unu zero cun sa tatza! ◊ aite si che leat cudha macabbea, ca nachi est bella?!◊ est unu pisedhone macabbeo, mesu castigadu

macàcu , agt, nm Definition chi o chie est unu pagu macu, ma nau prus che àteru po arrennegu, po tzacu Synonyms e antonyms machilloto, machisóngiu, macoco, macotu, tontorrone, trantziu Sentences e tue, macacu, ti lassas leare in ziru gai?!

macadòri , nm: macatore, mucadore, mucadori, mucaroi, mucatore, muncadoi, muncadore, muncadori, muncaroi Definition pinzos de orrobba de pònnere in conca is féminas (o fintzes a betare in palas), cuadrau ma addopiau cun duos bicos impare a manera de arresurtare a triàngulu, orrolau e fintzes acupintu, arricamau: is duos bicos chi abbarrant abbandha si podent acapiare asuta de s'abra, tra sa barra de asuta e su gúturu; pannighedhu piticu de pònnere in busciaca po frobbire pagu cosa (suore, nasu) Synonyms e antonyms tiagiola / mancaloru, mucadoredhu Sentences dha bio sempre in crésia a mucadore liau e a conca fritia! ◊ si pinnicant sos bicos de su mucatore in conca pro si ojare dae su sole ◊ tengu mucaroi mannu, piticu e mucaroi de ciugu ◊ nanchi mi comporao sa bunnedha, sas iscarpas e su macatore… 2. unus cantu giogadoris pigant is cuatru càbudus e is orus de su mucadori tenendidhu isténdiu e s'unu cun s'àteru cumandant: Tira! Indulli! Scientific Terminology bst Etymon ctl., spn. mocador Translations French foulard, mouchoir, pochette English handkerchief Spanish pañuelo Italian fazzolétto German Kopftuch, Schultertuch.

macài , cng: macari, mancai, mancari, mancaris, mancarri Definition cng. cuncessiva = fintzes si: si manígiat cun su cong. presente e cun s'indicativu (presente o passau, e po tempus passau fintzes chentza predicau, arrisparmiandho deosi su chi s'itl. narat cun congiuntivu imperfetu)/ mancai siat!… = bell'e aici, mancai ti dh'apa nau, mancai dhu iscípias (sighis a fai coment'e a prima): si narat avertindho, e agiummai ammeletzandho, a unu, ma a bortas si narat fintzes in su sensu de própiu, de abberu, meda Synonyms e antonyms ancus, belle, cuntantu Sentences no si cherfeint tratennere a bustare, mancari mamma e babbu los aiant pregados che santos ◊ mancari chi no pigaiant a su palcu, sas féminas ant comintzadu a connòschere sa poesia paris cun sos ómines (M.Canu)◊ dhui nd'at de tremi e de fai oratzioni mancai siat unu bremi ◊ cussa domu si agataiat ancora, mancai isciarrocada ◊ a génuru no dh'ollu mancai si artzit a celu! ◊ mancari ricu, cussu no bogaiat mai unu sodhu! ◊ no ti dao nudha, mancari crebes! ◊ mancai piticarradhedhu iscidiat bèni ca de s'orcu no fadiat a si fidai ◊ sa buca no mi dha tupais, mancai mi gheteis a galera! 2. funt abbillus e asuta asuta si dha timint e, mancai siat, no aturant trancuillus, no arribbit puru cancua sceda lègia 3. at fatu un'iscutinada de abba mancari bella, difatis est totue currindhe Etymon itl. macari Translations French bien que, même si, quand bien même English although Spanish aunque Italian ancorchè, sebbène, quantùnque German auch wenn, obwohl, obgleich.

macallòne , agt, nm Synonyms e antonyms machilloto, macotu, scilivrau Etymon srd.

macànica , nf: mecànica, matànica Definition genia de frenu de is carros e fintzes una genia de manúbbriu po ghiare su cadhinu, giogandho; parte de s'isciéntzia física chi istúdiat su movimentu o su istare de is cosas; totu su chi pertocat su funtzionamentu de is màchinas / zai l'apo cumpresa sa macànica! = apo cumpresu coment'est fatu, comente funtzionat Synonyms e antonyms frenu, maltinica 1, martingala Sentences aiat imparatu a manitzare sa mecànica canno su carru fit in pénnita e tropu gàrriu ◊ giraia sas carrelas cun su cricu a macànica Etymon itl.p mecànica Translations French mécanique, mécanisme English mechanics, mechanism Spanish freno, torno, mecánica Italian meccànica German (Wagenbremse), Mechanik, Getriebe, Mechanismus.

macaràciu , agt Synonyms e antonyms bagliúgulu, brullanu, fruscinedhu, ispabillu / macacu, macotu 2. macaràcios, non prangiais ca ciai torrat lunis ci benit, sa maistra! Translations French plaisant, amusant English joking Spanish bromista Italian scherzóso German scherzhaft, lustig.

macarédhu , agt, nm Definition min. de macu, machillotu.

macaréu , nm Synonyms e antonyms macabbeo, macacu.

macàri macài

macarína , nf: macherina, machirina, mecherina Definition genia de armadiedhu in is muros de is barracos de pedra (o fintzes in sa domo, in is tumbas antigas iscavadas in s'orroca) tanti po arrimare calecuna cosa; oru, atza de orrocas artas, fintzes su tretu prus artu de is teuladas, s'oru inue, totu, s'undha de su mare tocat sa terra Synonyms e antonyms acajolu, colomberi, magarita / pinnacutza, rundha Sentences sos duos sodhitos los aviat postos in sa macherina de su muru.

macariótu , nm Synonyms e antonyms machilloto, machisóngiu, macone Sentences macariotos sunt cudhos chi lis daent su votu a pessones gai!

macarixòne , agt, nm Synonyms e antonyms machilloto, machisóngiu, macone.

macarronàda , nf: marraconada Definition unu bellu papare de macarrones; nau in cobertantza, tontesa, fata de tontos, de gente pagu abbista Synonyms e antonyms cicionada, ciusonada Sentences sa meri tenit sa marraconada pronta, cuncordada cun petza de caboniscu Scientific Terminology mng Etymon srd. Translations French bon plat de macaroni English dish of macaroni (abundant) Spanish atracón de macarrones Italian maccheronata German Makkaroni-Essen, Dummheit.

macarròne, macarròni , nm: mancarrone, marracone, marraconi Definition css. genia de pasta (prus che àteru sicada) po còere a budhiu e papare agiummai sèmpere piscada e cundhia; nau in cobertantza: a) tontatzu, bovo, chi o chie si lassat ingannare, b) sa piscita de is piciochedhos / calidades de m.: m. curtzos (es. malloredhos o de pódhiche, de irmatadura o tundhos o cravaos, zogas, pinninos, berrinas), m. longos (es. findeus, de busa o de ferritu, alisanzas), de brou (suchitu o freguedha); macarrones ascaos = m. tundhos fatos cun sa símula Idioms csn: macarrones chin casu furriau, o m. furriados = m. de burte, zenia de mànigu fatu cun macarrones sucutados, cundhidos cun casu friscu a meda e morigados paris in su fogu; macarrones = cunnemari, orciada 1, zenia de animales de mare, chi sunt coment'e surcados e daent s'idea de sos macarrones; lassare o abbarrare che macarrones chentza casu = lassare a unu o abbarrare comente própiu no s'ispetaiat, male; ndhe amus bidu de macarrones fumendhe!… = àteru e che su chi nades bois ndhe amus bidu, de cosa!, ndhe amus bidu meda menzus!; nd'at biu fumu de macarronis!… = tenet isperiéntzia meda; èssere pesados che macarrone ischiadu = cun totu sas comodidades, tratados bene meda Sentences ant fatu macarrones de busa e macarrones cravaos ◊ de is màchinas su pani ndi essit fatu a túturus a usu de marraconis ◊ apu fatu macarronis incasaus cun bagna de tomatas 2. seu innòi che marraconi sentza casu! ◊ su piciochedhu portat su pantalone iscorriau, est cun su macarrone in campu! ◊ issa tenit otanta annus e fumu ’e macarronis nd'at biu prus de tui ca ses giovanedhu Surnames and Proverbs smb: Maccarone Scientific Terminology mng Etymon itl. Translations French macaroni, nigaud English macaroni Spanish macarrón Italian maccheróne German Makkaroni (Pl.), Trottel.

macasínu , nm: magasinu, mangasinu Definition logu, a bortas mannu, in sa domo o aterue po chistire provistas o pònnere àteru, fintzes cun cosa a bèndhere Synonyms e antonyms camasinu Sentences in mangasinu dhui manígiat topis ◊ seo intradu a magasinu e aprapidandho toco unu marrone ◊ tèngio is carradas in magasinu ◊ funta a faci de unu magasinu e si bufànt unu cuartinu de binu ◊ is guàdrias candu intrànt in is magasinus de binu pregontànt su meri, ma issu si giuràt de no tenni cosas de cuai ◊ in sos magasinos tenet cupas e cupones Scientific Terminology dmo Etymon itl. Translations French magasin English storehouse Spanish almacén Italian magazzino German Lager, Magazin.

macatòre macadòri

macatrèfa , nm Definition chie costumat a fàere cosas ingannandho s'àteru Synonyms e antonyms afrascadore, imbolicosu, imbusteri, inganneri, tramperi, tramposu Etymon spn. mequetrefe.

macatrefería , nf Synonyms e antonyms arrebbuseria, embusteria, fuglieria, fragnocoleria, ingannia, tramperia Etymon srd. Translations French escroquerie English fraud Spanish estafa Italian truffa German Betrug.