A | B | C | D | E | F | G | H | I | J | L | M | N | O | P | R | S | T | TZ | U | V | X | Z

maciócu , nm, nf: maciucu, magioca, matzoca 1, matzocu, matzuca, matzucu Definition bàculu cun sa parte prus grussa totu trebballada (e fata agiummai coment'e un'asa, a ue si pigat), ma fintzes solu fuste grussu / fàghere a matzucu a unu = pistaidhu, surrai bèni bèni; leare, pistare a matzuchinu = a cropos de matzucu, de fuste Synonyms e antonyms bàcalu, fuste, tucone Sentences a s'isostre che pigat atrivida e ndhe falat matzoca de cherchizone (A.Dettori)◊ su pastori arregollat sa matzoca e ndi calit de su monti arrennegau dimostrendi ca no seus genti loca (F.Locci)◊ a bortas is bècius camminant apogendusidha a unu matzocu ◊ no contu sa timoria de regolli una carda de matzoca! ◊ zughet s'istrale in chintu e sa matzuca in manu 2. a matzucu chi bos fatant! Surnames and Proverbs smb: Mazzoccu Translations French rondin, matraque, massue English club Spanish garrote, cachiporra Italian randèllo, clava German Prügel, Knüttel, Knüppel, Keule.

maciócu 1 , agt Definition nau de frutuàriu, de gente, chi est mannu, grussu Synonyms e antonyms grussu, maduru, mannu.

macióculu , nm Definition genia de matzucu, fatu a martedhu, de linna tostada.

maciòne, maciòni , nm: matzone 1 Definition genias de pischighedhu pitichedhu bonu a còere fríssiu (dhue ndh'at chi si papat totu)/ calidades de m.: bucabbentu, bufadori (si sulat, in bula), conca manna, conca niedha, de perda, de tàgliu, feurratzu, margiani Synonyms e antonyms matzonita, muscioni Sentences is piscadoris torrant cun is cius càrrigus de palària, de macioni, de ispirritu ◊ su macioni fiurratzu bendint a noi arrialis… Scientific Terminology psc, gobius exanthematicus, g. niger, g. paganellus Etymon itl.s mazzoni Translations French gobie, goujon English goby Spanish gobio Italian ghiòzzo German Grundel, Gründel.

maciòni 1 , nm Definition macioni de muru, genia de animaledhu longhitu cantu su pódhighe piticu de sa manu, bogat is corros e faet sa baulada che a su tzintzigorru, ma no portat corgiolu: calecuna arratza est chentza mancu corros Synonyms e antonyms ateligughe, cocorra, mammagorra, sassaluga Sentences portat is manus alliscinosas acoment'e su macioni Scientific Terminology crp Translations French limace English snail Spanish limaza, babosa Italian limàccia German Egelschnecke, Schnegel.

macioníta , nf Definition genia de pischighedhu metzanu Synonyms e antonyms piscialeta Scientific Terminology psc.

macíta , nf: matzita 1, mucita, muscita, mussita Definition gatu fémina Synonyms e antonyms cdh. muscedha.

macíta 1 , nf Definition màcia, magra o tupa pitica, de linnas bàscias.

macítu , nm: missitu, mucitu, muscitu, mussitu Definition css. gatu, mescamente candho est piticu / min. macicedhu Synonyms e antonyms batu / batitzone, batulinu, gatixedhu, pisighitu Sentences dogna tanti bogat unu súnfiu parit unu macitu serregau ◊ macitu aubi passat no lassat nudha! ◊ a mussitedhu carchi cosa li at fatu male ◊ macicedhu furiat in coxina Scientific Terminology anall.

màciu , nm: massu 1, matu, matzu Definition cosas unu pagu longas pigadas impare a manu coment'e serrandho is pódhighes apare (o de pòdere pigare deasi) Synonyms e antonyms arramaletu, màrtulu / baràgia Sentences unu matu de caltas ◊ unu màciu de cravellos e orrossas ◊ apo gollitu unu matu de isparau ◊ ti apu portau massus de orrosas ◊ apu portau unu massigedhu de prantedu de cibudha Surnames and Proverbs smb: Mattu Etymon itl. mazzo.

maciúciu maciòci

maciúcu maciócu

maciugadúra , nf: ammaciugadura* Definition su maciugai; genia de pistadura, marcu de calecunu cropu Synonyms e antonyms abbugnadura, bugnu 1, bumburusone, burrugnone, ciumbone, tzulumbone.

maciugài , vrb: ammacigai Definition pistare unu pagu, fàere a giúmburu, fàere pistadura Synonyms e antonyms abbugnai, abburrutonare, aggatare, atzumbarare, atzumbonare Etymon spn. machucar.

maciúgu , nm Definition su maciugai, cosa maciugada, improdhu Synonyms e antonyms abbaunzu, aciorodhu, coredhu, impiastru Etymon srd.

maciulàre , vrb: massulai, matulare, matzulae, matzulai, matzulare, matzulari Definition matzigare comente faet chie no portat dentes; fàere ccn. cosa a trebballu Synonyms e antonyms mastuciare, mastulare, mastuzare, mustugliare, scascialai Sentences medas màciulant sa cica 2. nara chi s'indovinzu as matuladu e làssalu inue est su cuestore! Etymon srd. Translations French mâchouiller, mâchonner, baragouiner English to drool Spanish mascullar Italian biascicare German muffeln.

maciunínu , agt: matzoninu Definition de matzone, de margiane / risu matzoninu = fatu cun trassa, a befa, a finta Synonyms e antonyms gródhinu, gúrpinu Sentences fatendhe s'alte sua matzonina a sos massajos lis furat sa ua Etymon srd.

macóciu , agt, nm Definition nau de ccn., chi est bambiocu, pagu sàbiu Synonyms e antonyms bacocu, isaliadu, isàpidu, macacu, machisóngiu, nuscentri Etymon srd.

macòco, macócu , agt, nm Synonyms e antonyms bacocu, isaliadu, isàpidu, macacu, machisóngiu, nuscentri Sentences callecunu macoco si ndhe riet nendhe chi est vanu su foedhu meu Surnames and Proverbs smb: Macocco Etymon srd.

maconàda , nf Definition machine, fata de macos Synonyms e antonyms machighinada Sentences mesu manzanu pérdidu infatu de una maconada! Etymon srd.