A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

pistidhúri pistidhòre

pistighignósu pistichinzósu

pistighígnu pestighínzu

pistighingiài pistichinzàre

pistighingiósu pistichinzósu

pistighíngiu pestighínzu

pistighinzàdu , pps, agt Definition de pistighinzare; chi tenet pistighíngiu Synonyms e antonyms apensamentau, apinnicadu, orioladu, pistichinzosu | ctr. asseriau, tranchígliu 2. fit ancora ischida ca, sigomente aiat atoadu ite fint faghindhe cudhos duos faularzos, fit pistighinzada.

pistighinzàre pistichinzàre

pistighinzósu pistichinzósu

pistighínzu pestighínzu

pistígia , nf: pistixa Definition genia de erba totu prena de puntighedhas piticas chi punghent e faent a pistidhidura e a iscrafíngiu tocandhodha a manu límpia; fintzes istrinta forte a su gúturu fata a duas manos / pònnere sa pistixa a unu = pònnere sas ganghedhas, apistijare a unu Synonyms e antonyms boltíula, ociada, oltija, picianti, pistidhore, pitziadroxu / gangalita, ganghedha, puligada Sentences salvu de sa pistixa, in cussu giassu no bi creschet nudha ◊ su sacone paret imbutidu de pistixa: no resesso a m'ingalenare! Scientific Terminology rba Etymon srd.

pistigiòni, pistigliòni , nm: pistillone, pistilloni, pistiscione, pistixone Definition tzitzone de muru, genia de animaledhu che una tziligheta, ma cun is ogos prus mannos, sa pedhe picada totu a pintirighinos e puntighedhas: essit in istade mescamente a denote, istat in logos apartaos, fintzes aintru de domo in is muros candho essit su note: paret un'animaledhu ischifosu (e po cussu dhu narant a disprétziu puru) e nanca iat a abbruxare sa pedhe a dhu tocare ma no faet própriu nudha; a logos dhu narant fintzes a sa tziligheta / pistilloni murru = tarentola mauritanica; p. pintu = phyllodactylus europaeus Synonyms e antonyms ceréntula, ispogiadedhu, papabilledha, prantuledha, tilibbu, tzirinzone / tilicherta Sentences is pistillonis essint a pillu candu iscurigat e cassant tzíntzula ◊ gei furiast a frori… pariast unu pistilloni bestiu! Scientific Terminology anar, hemidactylus turcicus Etymon ltn. stellione(m) + pistai Translations French gecko nocturne English common house gecko Spanish salamanquesa rosada Italian gèco German Europäische Halbfinger.

pistigòghe , nm Definition machine, cosa chi si faet a brulla Sentences in dogni pistigoghe mi susteniat isse ◊ s'in chervedhu as pistigoghe e mi cheres portare a su maghedhu, ista seguru ch'imbàglias su contu!

pistigónzu , agt Definition coment'e arrasposu, chi ispirtit, punghet Synonyms e antonyms punghinosu Sentences su laore messadu, àrridu, su note est lentu, prus pagu pistigonzu a lu leare a manos.

pistígula , nf Synonyms e antonyms ociada, oltija, pistígia Scientific Terminology rba Etymon srd.

pistillonàrgiu , agt Definition nau de animale, chi cassat e papat pistillones, ispogiadedhos Sentences s'istria est pistillonàrgia Etymon srd.

pistillòne, pistillòni pistigiòni

pistíllu , nm Definition parte de mesu in is frores chi in s'overa portat is céllulas fémina de ingendrare Translations French pistil English pistil Spanish pistilo Italian pistillo German Blütenstempel.

pistilósu , agt: pistulosu Synonyms e antonyms abbetiosu, corriatu, aputajolu, atistinadu, pertiassu, testarrudu Sentences issa, pistulosa, parit ca pigat gustu a pistai sa coa a su gatu… fingas chi dh'iscarràfiat! (A.Murru)◊ ma est pistulosu, lah: creit de tenni sempri arrexoni issu! Etymon srd.

pistinàcra, pistinàga, pistinàgu, pistinaja, pistinànga, pistinàxa pastinàca