A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

pabàri pabàdi

pabaríle pabadíli

pabarísta , nf: piberista, pibirista, piperista, pipirista, prabarista, praberista Definition pinnas, fodhes, o covacu o pedhe de s'oju, su pigighedhu de sa pedhe chi, unu a manu de fundhu e unu a manu de pitzu, ammontant s'ogu e fintzes is pilighedhos chi portant ororu Synonyms e antonyms pàrpala, pibirita, pínnula, prabedha, proburista Idioms csn: furriare sa pibirista (de subra) = pònnere s'oru subra, ziradu a manera de si poder bídere s'ala de intro pro ndhe bogare carchi brutura; pigare a pibiristas, bíderesi una cosa in pibiristas = in ogros, bídere su perígulu acurtzu meda, própiu sutzedindhe; pàrriri fendi pabaristas de santu = fàghere faina tropu a irmasionu, tropu addàsiu; pistai is pabaristas = istare abberindhe e serrendhe a meda sas pibiristas, pistincai Sentences aiat ascurtau chene mòghere pipirista ◊ s'ispina est intrada a sa piperista o a s'ànzelu? ◊ si bos lu ponizis in pibiristas, su fogu!…◊ at sartau sa muredha in tempus de unu pistincu de prabaristas ◊ is ogus iant a bolli obèrriri sa praberista 2. sa timoria dai sos pes mi ch'est pigada a pibiristas ◊ gighet sas piberistas longas e chíbberas che tudha de porcu Scientific Terminology crn Translations French paupière, cil English eyelash, eyelid Spanish párpado, pestaña Italian pàlpebra, cìglio German Lid.

pabarítu , nm: poberitu 1, pibiritu Definition genia de calagasu pitichedhu / fàghere cosa a pibiritu = bene meda Synonyms e antonyms bellacasu, carravarina, lepilepi, maniposa, pabaredhu*, pabedha, pibirinu, seisei 2. andhaiat su ballu a pibiritu Scientific Terminology crp Translations French petit papillon English little butterfly Spanish mariposita Italian farfallina German kleiner Schmetterling.

pabàriu pabàiri

pabarònis , nm pl Definition genia de figura po bellesa, in su costúmene de sa fémina.

pabarotàda , nf: apoboretada* Definition su pabarotare, genia de briga, tzérrios Synonyms e antonyms abburruntu, atzúrridu, bria, missamanu, rimbicu Sentences si est pesadu a pabarotadas, istribitzendhe cun maigantu arrennegu.

pabarotàre , vrb Definition brigare, pigare a boghes Synonyms e antonyms briare, certai, trilliare.

pabàrre , nm: paparra, paparru 1 Definition genia de essidura in sa pedhe chi faet a iscrafíngiu, paparredha Synonyms e antonyms papavarre*.

pabarrótu , nm: babbarotu*, paparotu Definition genia de pigione (e fintzes alibedhe); cosa chi faet a tímere e fintzes cugudhu de is cunfrades Synonyms e antonyms farzia / ispantamata, malmuntone, mustagione / alaepedhe, satzamurredhu.

pàbaru , agt: pàganu, pàparu Definition calidade chi si narat de s'ou e de s'ogu Idioms csn: oju pàbaru = itl. opacaménto corneale; tzecu pàparu = tzegu ’eretu, ciurpu límpiu; ou pàbaru, pàganu = cun sa corza chentza lómpida, modhe, a belighedhu fine biancu Sentences calchi bolta, tzegu pàbaru, su catzadore isparat a su giàgaru.

pàbaru 1 , nm: bàbaru* Synonyms e antonyms tzughitu.

pabarúncula , nf: paburúncula Definition fruschedha pitica, essidura; genia de cosa bianca, grassu, chi si arregollet in is gràndhulas de sa pedhe; fintzes orrughedhu de calecuna cosa segada, farinedhu Synonyms e antonyms brúgula, buizola / cífrinu, fanialla, palfaruza Sentences li at essidu una pabarúncula in buca Etymon srd. Translations French pustule, bouton d'acné English small red pimple in the face Spanish pústula, grano Italian pustolétta German Pickel.

pabasèdha , nf: papaedha, papasedha Definition sa meliagra, genia de erba agheda, a fogighedha lada, unu pagu a bisura de pala de còere Synonyms e antonyms melacra Etymon srd.

pabasólu, pabasóru , nm: papasolu, papasoru Definition erba chi si ponet a ferràina po bestiàmene Synonyms e antonyms basolugadhinu, faiseta 1, ghirtzoru, pisibisi, pisu 3 Scientific Terminology rba, Vicia sativa.

pabàssa , nf: papàscia, papassa, pobassa, popassa Definition àghina de calidade bella a pibiones mannos tostaos, cun pagu pisu, sicada ispibionada, e impreada pruschetotu po fàere druches Sentences candho de su prugadóriu arribbaiaus a domo su casigione fut prenu de trigu, fae, gíngiulu, pilladra, chíghere, pabassa, figu de giuncu, nenciola e castàngia ◊ zughet su coro sicadu che pabassa ◊ de su barrali mannu teneus is cantinas prenas de pabassa… Scientific Terminology mng Etymon itl. Translations French raisin sec English raisins Spanish pasas Italian uva passa German Rosine.

pabassàdu , pps, agt Definition de pabassare; chi at pérdiu s'abba che pabassa Synonyms e antonyms ammelighinadu, carigadu Translations French flétri English withered Spanish marchito Italian appassito German trocken, verwelkt, verblüht.

pabassài, pabassàre , vrb: apabassai* Definition nau de frutuàriu (ma mescamente de àghina), fàere o essire a pabassa, pèrdere s'abba Synonyms e antonyms acalamai, ammustiai, irmurtire / apilardae 2. ahi, fiza istimada, già mi ses pabassendhe coro e vida! ◊ cussa giòvana est comintzendhe a si che pabassare!◊ sa língua ti at a pabassai, a tui!…

pabassína , nf: papassina Definition genia de druche cun pagu símbula (su tantighedhu de fàere liga) e chiu meda de nughe (o méndhula), pabassa, saba (de àghina), de diferentes faturas (tundhu a pícula, longhitu, ma sèmpere grussu meda), cun pagu pagu de fragia in pitzu Sentences mamma at bogau figu sicada e pabassinas Scientific Terminology drc Etymon srd.

pabassinàre , vrb Definition fàere a pabassinu, sicau che pabassinu; cricare, pedire pabassinos (in giru, a sa gente) Etymon srd.