A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

pacorèta , nf Definition pag'ora, apenas de tempus Synonyms e antonyms iscuta Sentences apustis de pacoreta s'apititu est diventau gana.

pàcu , nm, agt, prn, avb: pagu, pau 1 Definition una cantidade pitica, chi no bastat po su bisóngiu, chi no est su tanti chi serbit, o est su tanti giustu ma sèmpere cantidade pitica: coment'e agt. si podet pònnere innanti o apustis de su nm. e no est sèmpere chi cuncordat; coment'e avb. serbit fintzes a cambiare su significau de un'agt. in sensu menguante: acumpangiandho unu vrb. podet fintzes àere su significau de no, nudha / min. pachitzu, pachitzedhu, paghedhu, paghighedhu, paghitzedhu, paguaghedhu = pagu meda / a/c.: su foedhu coment'e avb. podet cambiare su gradu in su sensu de méngua aciunghedho s'avérbiu meda (chi deosi dhu acostit a nudha, e balet po pagu pagu); manígiu mannu podet tènnere cun dópiu significau irónicu: s'impreat po su normale significau irónicu (es. pagu longu!… = longhixedhu!… = longu meda; pagu feu cussu cristianu!… = feu meda; pagu bellu custu fiore!… = bellu meda), ma acumpàngiat s'agt. in nadas chi narant su contràriu de su contràriu, candho si arrispondhet a chie at impreau s'agt cun significau bonu, de valore positivu: – Bellu custu froi! – Pagu bellu!…(= bellu meda? No: bellu própiu nudha!); – Paxiosu custu pipiu! – Pagu paxiosu!… (= paxiosu meda? No: paxiosu própiu nudha!); – Bonu custu binu! – Pagu bonu!… (= bonu meda? No: bonu nudha!); – Cabosu custu pisedhu! – Pagu puru!… (= cabosu meda? No: cabosu própiu nudha!); sa nada Pagu puru!… si podet fàere coment'e arresposta chentza dèpere mai nàrrere s'agt. cunsiderau Synonyms e antonyms ammerchinzadu, apenas, iscassu | ctr. bundhante, meda, paritzu, tropu Idioms csn: avb.: a pagu = abbellu, in cantitade paga; a pagu a pagu = abbellu abbellu, unu pagu a borta (manera); de su pagu, paghedhu: de su meda, nudha! = mezus pacu chi no nudha; commo dae pacu = de pagu tempus; mesu pagu = pagu etotu; pagubbene, pagu bèni!, pagu bèni miu!… (nadu a làstima) = ite mi siat su bene!, cale bene?!…, nudha!, tropu pagu!; èssere de pacu prus o mancu = de perunu contu, de pagu valore; èssere a contu de pagu = pagu, própiu pagu Sentences cussu pacu de cosa chi giuchio a gràscias chi l'avio cuverau! ◊ menzus su pagu chi no su nudha ◊ semus partidos a trumadas, a boltas benninne su pagu chi si teniat ◊ de su pagu, paghedhu, de su meda, nudha! ◊ seis istétius de bonugoru a bolli dividi su pagu de pani e ingaúngiu cun nosu 2. sa pagu vida chi at tentu ◊ nd'at pigau cussas pagu cosas chi teniat ◊ a bèndhere bi aiat cosa meda, ma a comporare zente paga! ◊ su dinai mi dhu ispendia in pagus oras ◊ custas pagu rigas fuedhant de una chistioni ◊ pagu genti mellus festa! ◊ àcua meda e pisci pagu ◊ cussos pacos fiados fint aggorraos in su corrale ◊ pagus is fogus chi s'alluint in is montis!… 3. cussa cosa l'ischint in pagos ◊ ndh'amus presiadu medas, ma pagos ant adduidu ◊ medas pagus faint unu meda ◊ fuant pagus is chi isciant a ligi ◊ sos pagos chi bi fint si ndhe sunt andhados puru 4. immoi biu pagu meda, e nudha puru! ◊ sa cosa prus pagu bona piaghet prus pagu ◊ su cabadhedhu a pacu a pacu lu domo ◊ a trabballai meda, ma a pagai pagu! ◊ su dinai nostru gi est a pagu ◊ est bénnidu pagu innantis ◊ de sodhu ndh'amus pacu ◊ custa cosa est unu pagu druci ◊ su mànigu mi est essidu unu pagu salidu ◊ nc'est peri chini ingrassat papandu pagu ◊ dèu gei nci creu pagu chi torrit a biu ◊ de candu babbu si fut cojau, in butega dhui abarràt pagu: dhui lassàt a mamma ◊ fuant sordaus pagu bestius e pagu armaus 5. bae chi pagu bi andhas a campu, oe, malàidu comente ses! ◊ pagu ti ndhe naro de su chi cheres ischire, ca est unu segretu! ◊ a isse pagu lu dorches, mancari l'impromitas totu s'oro de su mundhu! 6. pacubbene meu: fipo tzopu, isarchilatu! ◊ ohi, ite pàsculos, pacubbene nostru: pàsculos non si n'esistint prus ◊ ge seus sigurus in custa vida…: pagu bèni nostru! ◊ a su tempus, pagu bèni, fut prus su preugu chi no su dinai ◊ si lu leaiant a zocu che bannitedhu de pacu prus o mancu 7. cussa màchina est caminendi a pagu Surnames and Proverbs prb: non c'est pagu chi non bastit, non c'est meda chi no ispacit ◊ paga zente bona festa! Etymon ltn. paucus Translations French peu English little, not very Spanish poco Italian pòco German wenig.

pàcu 1 , nm Definition imbodhigu fatu bene, mescamente cun iscàtula Etymon itl. pacco. Translations French paquet, colis English parcel Spanish paquete Italian pacco German Paket

pacubbène! , iscl, nm: pagubbene Definition genia de foedhu po nàrrere chi sa cosa o chistione no est deasi comente est naendho s'àteru o chi no faet, no andhat bene, chi si pentzat cosa in contràriu o àteru, nau fintzes, e meda, a làstima: no est gai!, mancu pro sonnu!, ita mi circas?!, ma bai! (a/c. dhu podet nàrrere fintzes una matessi persona in su chistionu); coment'e númene si narat de unu mortu, de unu malevadadu / pagubbene meu, tou, sou, e àteru = ite mi siat su bene meu, tou, sou!, e àteru Synonyms e antonyms paguenedhu / beadu Sentences - A benis a sa festa? - Pagubbene! ◊ lis pariat de resessire a si difèndhere, ma pacubbene issoro! ◊ pacubbene tuo: no ischis su chi at promítiu Deus a chie dat e a chie azudat! ◊ ite apo a regalare, pacubbene: so póveru! ◊ - A bi ndh'at de pane in sa càssia? - Pagubbene! ◊ a nosi pasare pacubbene: nosi pasaiamus peri pacu! ◊ pacubbene tuo, no at a acudire mancu a s'intzipriare chi picas cussa a muzere! ◊ pacubbene meu: fipo tzopu, isarchilatu! 2. luego si l'abbiant sos ammunestos de su pagubbene de sa mama (G.Addis)◊ sa pacubbene s'aiat cojubau un'ominedhu tropu aggarrau! ◊ finiu s'ispetàculu, cussos pacubbenes colabant su gapedhu in chirca de carchi sodhu Translations French mais non! hélas! English alas, of course not Spanish ¡qué va!, ¡anda! Italian macchè, ahimè German keine Spur, ach was.

pacutíglia , nf Definition cosa imbodhigada Synonyms e antonyms imbodhiàmini, imbodhicu, imbódhiu.

padamànu , nm: paramanu Definition genia de fardassu mannu chi is mastos de muru poderant a manu manca cun d-unu pagu de impastu po si dhu pigare méngius comente dhis serbit, ischedrandho; in su bestimentu, genia de pinniga chi si faet in brúcios; genia de giogu: si faet ponendho sa manu in sa trempa, coment’e a cuare sa vista a una parte, e s'àtera aperta asuta de su subrecu cun sa pranta a s'ala de fora, chie ponet, mentres chi unu de is cumpàngios iscudet de apalas a sa manu aperta e totugantos faent coment'e unu zúmiu e abbarrant cun d-unu pódhighe puntau in artu: su chi ponet si girat e si intzertat chie dhi at iscutu su cropu s'iscabbullet e tocat a su chi at giau su cropu a pònnere Scientific Terminology ans Etymon itl. paraman.

padèdha , nf: paredha, patedha 3 Definition genia de istrégiu a duas asas, a costaos artaos, a buca larga, po còere cosa mescamente cun abba: si narat fintzes de su papare chi si dhue coet / min. padedhutza, padedhita; rosa padedha = s'orrosa de s'orruo cràbinu Synonyms e antonyms coculia, pignada Idioms csn: iscuguzare sa p. = pigaindi su crobecu; sa p. de su benúgiu = rudéula; fàghere sa p. = fàghere a manigare cosa cota; afumare sa p. = brusiare su mànigu, pònnere su sabore o fragu de su fumu a su mànigu coghindhe; morigare sa p. (in suspu) = chircare chistiones, allegas Sentences fit niedhu che costas de padedha ◊ est semper in mesus che cutzerone in patedha ◊ fàlandhe sa padedha dae su fogu, ca cussa cosa est cota! 2. sos antigos faghiant sa padedha dae su sàpadu ◊ mamma ndhe faghiat solu una de padedha, e pro su piús fit a bustare e a chenare ◊ Deus baldet chi s'afumet sa padedha! 3. móriga sa padedha tua e no s'anzena! Surnames and Proverbs smb: Padedda / prb: sos fatos de sa padedha los connoschet solu sa trudha Scientific Terminology stz Etymon ltn. patella Translations French marmite English pan Spanish sartén Italian péntola German Topf.

padèdha 1 , nf: patedha 2 Definition genia de animaledhu de mare cun corra a una perra, de sa mannària de una cóciula pitica, chi istat atacada a is orrocas in sa parte de su papu Synonyms e antonyms pagellida Scientific Terminology crx, patella coerulea Translations French patelle English limpet Spanish lapa Italian patèlla German Napfschnecken.

padedhàda , nf Definition su tanti de cosa chi cabet in d-una padedha Etymon srd.

padédhu , agt Sentences est rúgia che terra padedha.

padedhútza , nf Definition padedha pitica Synonyms e antonyms padezone, pingiadedhu.

padennostàju , nm Definition chie bendhet padennostes; chie istat pregandho, costumat meda a pregare Etymon srd.

padennòste , nm: parinostu, pedrinostu, perdinnosti, pradennostre, prainnoste Definition donniunu de is granos de una corona, de una cannaca / collana de prainnostes = zenia de prendha de coradhu Synonyms e antonyms babbunostru / aelmaria / nàcaru Sentences is didus allisant is parinostus, arrosariendi ◊ est unu pedrinostedhu pitiu pitiu ◊ essiat contendhe sos perdinnostis annoischidhados cun filu istramanadu ◊ minuda, ocannu, s'olia: paret pradennostres! Etymon itl. padrenostro Translations French grain du chapelet English rosary bead Spanish cuenta, grano Italian grano del rosàrio German Rosenkranzperle.

padentàrzu , agt, nm Definition chi o chie faet abbitu meda in su padente Etymon srd.

padènte, padènti , nm: patente, podenti, potente Definition logu totu matas mannas e medas, cracas, pruschetotu nau de is chi creschent a solas e pruschetotu candho is matas funt ílighes / sóriche de p. = sorigàrgia; p. de ceréxias, de arrú = donnaghe de cariasas, de rú Synonyms e antonyms catza 1, tràbine Sentences fit unu monte bestiu de unu padente d'éliches ◊ est unu padente de chercos ◊ iscapat a fuiri coment'e unu lampu, fuit de su campu a mesu su padenti! (E.Pintor Sírigu)◊ in su monte bi at unu potente de éliches ◊ sa própia linna de monti abbruxat su podenti ◊ cussu castedhu si aghetat in mesu de unu padenti cracu Scientific Terminology slg Etymon ltn. patente(m) Translations French bois, fôret English wood Spanish bosque, selva Italian bòsco, forèsta, sélva German Wald.

padèssere , vrb Definition baliare, padire cun passiéntzia suportandho ifadu, ofesas o àteru disaggradéssiu Synonyms e antonyms abbabiai Sentences finas a canno bos apo a padèssere?(M.Congias)◊ iant prenu sa lèe de precetos ci no faiat prus a dhos padèssere ◊ no padesset chi cussos siant a duas faces, fàrcios!

padezonàdu , agt: apadezonadu* Definition chi est che una padezone, de figura / cugumedhu padezonadu = genia de codrolinu chi assimbígiat a s'ou Synonyms e antonyms padezonatu.

padezonàtu , agt Definition chi assimbígiat a una padedha pitica (padezone), de figura, chi est a tzimbóriu, coment'e una metade de bòcia, a bòveda tundha Synonyms e antonyms apadezonadu Etymon srd. Translations French hémisphérique English hemispheric Spanish hemisférico Italian emisfèrico German hemisfärisch, halbkugelig.

padezòne , nf, nm: padizona, padizone, parigioni Definition padedha pitica / min. parigionedhu Synonyms e antonyms padedhutza, pingiadedhu, pingiorighedhu Sentences gai est s'ou dae tempus antigu: unu andhat in frisciolu o padezone, s'àteru est in tres chidas… pudhighinu! Etymon ltn. *patellione(m) ? Translations French petite marmite, petit pot English little pan Spanish cazo, ollita Italian pentolino, pignattina German Töpfchen.

padhàrzu , nm: palalzu, pallàrgiu, pallarxu, pallaxu, pazàgliu, pazàrgiu, pazarju, pazarzu, pedharzu 1, pedhasu Definition sa domo de sa pàgia, logu inue si chistit sa pàgia, su fenu Synonyms e antonyms ttrs. padhàgiu / covadhete Sentences custa ua costoida profumat pedharzos e chintinas ◊ ti che ant frundhiu che paza intro de su pazàgliu ◊ at pienu su pedharzu de paza e de proendha pro sos boes ◊ fit lanzu che corru, totu istragiadu e avilongu pariat drommendhe in d-unu pedhasu Etymon srd. Translations French meule de paille English barn Spanish pajar Italian pagliàio German Strohschober.