Ditzionàriu in línia
de sa limba e de sa cultura sarda

castandiéllu , nm: castardellu, castaurellu, castauriellu Definition genia de pische de mare, longu e fine, chi assimbígiat a s'agúglia, ma prus piticu Scientific Terminology psc, scomberesox saurus Translations French balaou English small needlefish Spanish paparda Italian gastaurèllo German atlantischer Makrelenhecht.

chilcighédhu , nm: chirchighedhu, circhixedhu Definition min. de chílciu, cricu piticu Synonyms e antonyms circhígliu Translations French petit cercle English small ring Spanish círculo pequeño Italian cerchiétto German kleiner Reif.

chinghédhu , nm: cignedhu, cingedhu, cinghedhu, singedhu Definition tira de cosa, mescamente de pedhe, cun sa tíbbia, o fintzes codriola de acapiare in chintzu, chintórgiu; oru de telu de lana Synonyms e antonyms chintòglia, chíntula, lorita, tzinta / tzíngulu Sentences in su chinghedhu portaiat s'ortigione cun sa màniga trabballada (R.Sardella)◊ mannoi iscudiat a cinghedhu ◊ tzia mi at curtu a chinghedhu ◊ acabbadha, citidi e bufa ca ci no seo piganno su cignedhu! Translations French lacet, cordon, ruban English small belt Spanish oruga Italian cìntolo, cìngolo German Band, Raupenband.

chirchígliu , nm, nf: circhíglia, circhígliu, circhílliu Definition cricu piticu, genia de crichighedhu, fintzes solu pintau o de colore a inghíriu de calecuna cosa; fintzes lorinchinos Synonyms e antonyms chilcighedhu, chírchinu / aricina, loritzina, pendhulica Sentences custu cuadhu portat unu circhígliu a ingíriu de sa pipia 2. in is origas portat dus circhíllius de prata Etymon spn. cerquillo Translations French petit cercle English small ring Spanish círculo pequeño Italian cerchiétto German kleiner Reif.

cichète, cichètu , nm: tzichete Definition tzicu de cosa a bufare, prus che àteru forte (licores, abbardente, e àteru deasi) Synonyms e antonyms ticu Sentences si pesant'e istògomo mi abbizo, pro ilmenare su cichete impreo (Mortello)◊ dhi pongu su cafei o preferit su cichetu? Etymon itl. cicchetto Translations French petit verre English small glass (liqueur) Spanish copita Italian bicchierino German Gläschen.

cicillòne, cicillòni , nm: sciscilloni Definition gurdone de àghina pitichedhu, de cudhos chi sa bide bogat prus che àteru a trigadiu Synonyms e antonyms campaninu, carràmbalu, iscalúgia, pimpillia, popurustu, pripixone, scalonina, scrichilloni, sprimpilloni, tzitzicra Surnames and Proverbs smb: Cicilloni Scientific Terminology rbr Etymon srd. Translations French grappillon English small bunch of grapes Spanish cencerrón Italian racìmolo German Träubchen.

coculía , nf, nm: cuculia, cuculiu, cugulia Definition genia de istrégiu a duas asas, a costas artas, a buca larga, po còere cosa mescamente cun abba; cosa tundha a punta, a bisura de cugudhu / min. cuculiedha = su pertusu Synonyms e antonyms padedha, pignada Sentences a chie iscontzat custa comaria, sa cara nighedha che a sa cuculia! ◊ at postu sa peta in sa canistedha e su brodu in d-una cuculia 2. custu poveritu che l'amus tirau de sa cuculia pro che lu ghetare a sa bràsia… 3. sos pitzinnos leant una tzíchera, la prenant de ludu, covecant e faghent una cugulia ◊ in cussa cugulia de monte bi depet àere mortógliu, b'at àbbiles e bentúglios bentulendhe Scientific Terminology stz Etymon ltn. coculum Translations French petite marmite, petit pot English small saucepan Spanish olla Italian pentolino, pignattina German Kochtöpfchen.

coghinèdha , nf Definition min. de coghina, coghina pitica, logu fatu solu po fàere a papare Scientific Terminology dmo Translations French kitchenette English small kitchen Spanish cocina pequeña Italian cucinino German Kochnische.

coítza , nf Definition sa coatza o punta de su foete o de cosas deasi Synonyms e antonyms coàcia / cdh. cuditza Surnames and Proverbs smb: Coizza Translations French petite queue, extrémité English small tail, end Spanish colita Italian pìccola códa, estremità German kleiner Schwanz, Ende.

colombéri , nm: columberi, culumberi, cumboberi, cumboreri, cumbuleri, cummoberi Definition genia de armadiedhu lassau in su muru po pònnere calecuna cosa (mescamente acanta a sa forredha); su buidu chi lassant in is muros – a bortas – candho ndhe leant su ponte; istampu mannu in is muros, in orrocas, buidedhu chi dhue faent su nidu is culumbos o, si est a paris de terra, genia de cundhutu asuta de muru po passare abba Synonyms e antonyms abburgadorzu, acajolu, camaritu, fenesta, macarina, percolu Sentences candho essis lassa sa crae in su culumberi! ◊ chie iscultat in columberi de muru iscultat male anzenu e sou puru ◊ in sas cumbessias sas bentanedhas pariant culumberis ◊ ponimus sos luminos in su culumberi de su furru ◊ at postu sa cafetera in su cumboberi tupau cun sa tendhina 2. custu muru est totu a culumberis de cantu est male fatu ◊ connoschet donzi culumberi inuve s'impercant sas cosas pérditas ◊ eis biu cussus colomberis me in s'arroca: in cussus istampus dhui biviant feminedhas chi tessiant a tralàrgiu de òru… Etymon ctl. colomer Translations French placard English small room Spanish alacena Italian pìccolo vano, ripostìglio nei muri German Abstellraum.

conzèdha , nf Definition genia de istrégiu de terra a bàtoro asas; una perra de su corgiolu de sa nughe e fintzes su corgiolu de s'ou apustis essiu su pudhighinu; a logos est ferru (sonàgia) chi si apicat in su tzugu a is animales, po sonare, o fintzes casigiolu Synonyms e antonyms bróina Scientific Terminology stz Etymon srd. Translations French petite jarre English small pitcher Spanish pequeña jarra Italian pìccolo órcio German kleiner Krug.

cordèdha , nf Definition genia de funighedha fine / erba de cordedha = nerviada 1 (Plantago lanceolata) Synonyms e antonyms balentinu, cannabitu, cordigliola, filadissa, funedhu, ispaitu, músciu, presógliu, toroneu, trilla, túmixi, tzunghedhu / cdh. culdedha Surnames and Proverbs smb: Cordedda Translations French cordelette, ficelle English small string Spanish cordel Italian cordicèlla German dünne Schnur.

corfichédhu , nm Definition min. de corfu, cropighedhu Translations French petit coup English small blow Spanish golpecito Italian pìccolo cólpo German kleiner Schlag.

corriàlzu , nm: corriàrgiu, corriarju, corriarxu, corriaxu, corriarzu Definition pedhe, corria fine de pedhe chi si ponet po cosire sogas, sabbatas e àteras cosas de pedhe etotu: est fatu de pedhe de canes o de gatos làngios; fintzes frunimentos de pedhe po animales (cuadhos, burricos) Sentences at cosidu sa tasca cun corrialzu a puntos fitos ◊ gei no portas sa língua cancarada e cosia a corriarxu!…◊ pro fàghere su corriarzu lassaiant unu cane presu a mòrrere de fàmine Etymon srd. Translations French courroie de cuir English small leather strap Spanish correa Italian correggiòla German Riemchen.

corronchínu , nm Definition frutuàriu tropu cruo, piticu; su granu de s'avena areste / mele c. = (de corronca) mele de mata, de àrbore, genia de cosa apicigosa, in colore de mele, chi bogant unas cantu matas (es. prunas, ceréxias) Sentences sa bruscanalla in chirca de corronchinu est in chirca de li dare s'assangrada, ma no bi la faghent si no est a s'irfidiada Surnames and Proverbs smb: Corronchinu Scientific Terminology rbr Etymon srd. Translations French fruits verts, tavelés et trop petits English discarded fruit, not ripe or too small Spanish redrojo Italian frutta di scarto, non ben matura e tròppo pìccola German unreifes und kleines Obst.

cresièdha , nf Definition crésia pitica, cresiedha Synonyms e antonyms chejighedha Translations French petite église English small church Spanish iglesia pequeña Italian chiesétta German kleine Kirche.

crivinítu , nm Definition orrugu pitichedhedhu, finivini, de cosa, farinu Synonyms e antonyms chilivrida Translations French débris, bribe English very small fragment Spanish añicos Italian frantumo minutissimo German sehr kleines Stück.

cubèdha , nf Definition carradedha, cuba pitica, istrégiu de linna (castàngia o tziníbiri) po su binu o s'abba de pigare a su sartu; carradedha a pònnere binu Synonyms e antonyms cubedhu, fascella Scientific Terminology stz Translations French tonnelet English small barrel Spanish tonel Italian pìccola bótte German kleines Faß.

cubédhu , nm: cuedhu Definition carradedha pitica, fintzes a unos chentu litros, o fintzes minore meda (cubedhutzu) po mantènnere binu o abba in friscu; lacu de mola / min. cubedhutzu / cubedhu de campana = zenia de petzu a ue si apicat sa campana Synonyms e antonyms carradedhu, cubedha, fascella Surnames and Proverbs smb: Cubeddu Scientific Terminology stz Translations French tonnelet English small barrel Spanish tonel Italian pìccola bótte German kleines Faß.

cunèdha, cunédhu , nm Definition cuna pitica, sachedhu de tela po ingòllere su pane a su sartu (aterue ponent su pannitzu): sa buca dh'acàpiat una codriola, po dh'aguantare serrada, che in sa taschedha Synonyms e antonyms sachitu Sentences sa sorre manna mi aiat annuntu duos panes in su cunedhu de linu (Q.Falchi)◊ bi at unu cunedhu prenu de dinari ◊ apo fatu sa vida tzapandhe, cun d-unu cantu de pane in su cunedhu e ischidandhe a s'impudhile!◊ pro caticare su lestínchinu ant postu su cunedhu Scientific Terminology stz Translations French sachet English small bag Spanish saquete Italian sacchétto German kleiner Sack.