Legenda Abbreviazioni | Legenda Simboli

carútza , nf Definizione min. de cara, cara pitichedha, de criadura / min. carutzedha Sinonimi e contrari carighedha Frasi est gai belledha, cun cussa carutzedha totu abba e sabone!…◊ disizendhe sas carutzas de fizos mios m'ingaleno Traduzioni Francese joli minois, frimousse Inglese pretty face Spagnolo cara de niño Italiano visino Tedesco kleines Gesicht.

dechídu, déchidu , agt: déchitu, dechiu Definizione bellu, bene fatu de pràghere meda, nau mescamente de sa persona / arrejonare a d. = bene Sinonimi e contrari bedhu, donosu, galanu Frasi de unu lizu dechidu ammiro sas perlas raras: a s'iscanzada de sas laras de sole paret bestidu (A.Dettori)◊ fissa m'istas in ojos che una rosa sa piús frisca, sa piús dechida ◊ cun su coro ti miresi ca fis dechida e donosa ◊ columba mea dechida, parma mea istimada! ◊ Mariànghela est déchida: no ndhe at, de chintu ◊ est una pessone déchita e de remeju 2. mi rispondhet cun boghe dechida a sa dimandha chi fatu li aia Etimo srd. Traduzioni Francese séduisant, joli Inglese charming, pretty Spagnolo atractivo Italiano avvenènte, grazióso Tedesco anmutig, zierlich, fein, schön.

dechíle , agt: deghile Definizione chi deghet, chi istat bene meda, chi est bellu, chi si adatat bene / fatu a deghile = bene meda, perfetu, in sa manera addata Sinonimi e contrari addechidu, addeghíbbile, déchidu, dechívile / adatu | ctr. feu, légiu Frasi fit un'artejanu de bravura nódida, de zéniu deghile ◊ est deghile a sos fizos pro onorare sa mama ◊ apant sos regualdos chi a persones de tanta impoltàntzia sunt deghiles 2. faedhu deghile li essiat de lara a s'iscanzada (A.Dettori) Etimo srd. Traduzioni Francese joli, gracieux Inglese pretty, handsome, decent Spagnolo bonito Italiano grazióso, aggraziato, decènte, cònsono Tedesco schön, anmutig, graziös.

donósu , agt Definizione chi tenet donos meda, pruschetotu in bellesa Sinonimi e contrari déchidu, galanu / cdh. dunosu Frasi candho mi as fatu innamorare fist donosa che una fada ◊ sento cantu manna e santa est s'òpera mia úmile e donosa preparendhe a sa vida fatigosa de s'ómine sa débbile pianta (A.Casula)◊ tue in su rampu donosa mustras su tratu galanu ◊ cun su coro ti miresi ca fis dechida e donosa ◊ no pràngiast, maurredhina donosa, po sa malasorti! (E.Spiga) Etimo spn. Traduzioni Francese séduisant, joli Inglese pretty Spagnolo donoso Italiano avvenènte, grazióso Tedesco hübsch.

galànu , agt Definizione nau mescamente de unu o de una, chi de carena est bene fatu, bellu de bisura e bene cuncordau, chi praghet Sinonimi e contrari bellu, contentu, donosu, galanosu, grasciosu | ctr. feu, légiu Frasi ti cherzo isposare, rosa mia galana! ◊ pesare cheria pro sas zobanedhas galanas una boche tenorile de amore ◊ ti ponzo sa collanedha de coradhos e sas loritzinas de oro, ca ti fachent prus galanedha ◊ sas violetas no parent galanas postas acantu de una rosa amena (Cubeddu) 2. s'amore fit galanu, galanos sos desizos, galanu su trabballu ◊ sos vetzos ammentant su tempus galanu de sa gioventura Etimo spn. galano Traduzioni Francese gracieux, joli Inglese pretty Spagnolo agraciado Italiano leggiadro Tedesco anmutig.

geniósu , agt: zeniosu Definizione chi andhat a géniu, chi praghet meda po calecunu bellu donu, bella calidade (su naturale, s'índula)/ èssere geniosu de ccn. = àere géniu pro ccn. Sinonimi e contrari garbosu, grasciosu, ispàsticu / ttrs. giniosu | ctr. irgeniadu Frasi l'isco chi chie at gràscia est geniosu! (Z.Zazzu)◊ cussas cantones sunt tantu geniosas chi no bei at dinaris chi las paghent ◊ s'ómine cricat de iscusare su naturale de sa picioca, ma orróschiu de is modos pagu geniosos de issa dha frastimat issu puru ◊ cussu calavau, mangallu, pagu geniosu… parit un'ispraberi a olleras!◊ sa magioledha fut lúghida coment'e s'isprigu, maseda, geniosa, e dha boliat a cómpuru gente meda 2. como su giòvonu est richiamadu, ma candho torrat, chi tue ndhe ses geniosa, torraus paris po sa paràula Terminologia scientifica ntl Etimo itl. ingegnoso Traduzioni Francese sympathique, gracieux, joli Inglese nice, pretty Spagnolo simpático, bonito, gracioso Italiano simpàtico, grazióso Tedesco sympathisch, hübsch, nett, lieblich.

«« Cerca di nuovo