Legenda Incurtzaduras | Legenda Sìmbulos

carútza , nf Definitzione min. de cara, cara pitichedha, de criadura / min. carutzedha Sinònimos e contràrios carighedha Frases est gai belledha, cun cussa carutzedha totu abba e sabone!…◊ disizendhe sas carutzas de fizos mios m'ingaleno Tradutziones Frantzesu joli minois, frimousse Ingresu pretty face Ispagnolu cara de niño Italianu visino Tedescu kleines Gesicht.

dechídu, déchidu , agt: déchitu, dechiu Definitzione bellu, bene fatu de pràghere meda, nau mescamente de sa persona / arrejonare a d. = bene Sinònimos e contràrios bedhu, donosu, galanu Frases de unu lizu dechidu ammiro sas perlas raras: a s'iscanzada de sas laras de sole paret bestidu (A.Dettori)◊ fissa m'istas in ojos che una rosa sa piús frisca, sa piús dechida ◊ cun su coro ti miresi ca fis dechida e donosa ◊ columba mea dechida, parma mea istimada! ◊ Mariànghela est déchida: no ndhe at, de chintu ◊ est una pessone déchita e de remeju 2. mi rispondhet cun boghe dechida a sa dimandha chi fatu li aia Ètimu srd. Tradutziones Frantzesu séduisant, joli Ingresu charming, pretty Ispagnolu atractivo Italianu avvenènte, grazióso Tedescu anmutig, zierlich, fein, schön.

dechíle , agt: deghile Definitzione chi deghet, chi istat bene meda, chi est bellu, chi si adatat bene / fatu a deghile = bene meda, perfetu, in sa manera addata Sinònimos e contràrios addechidu, addeghíbbile, déchidu, dechívile / adatu | ctr. feu, légiu Frases fit un'artejanu de bravura nódida, de zéniu deghile ◊ est deghile a sos fizos pro onorare sa mama ◊ apant sos regualdos chi a persones de tanta impoltàntzia sunt deghiles 2. faedhu deghile li essiat de lara a s'iscanzada (A.Dettori) Ètimu srd. Tradutziones Frantzesu joli, gracieux Ingresu pretty, handsome, decent Ispagnolu bonito Italianu grazióso, aggraziato, decènte, cònsono Tedescu schön, anmutig, graziös.

donósu , agt Definitzione chi tenet donos meda, pruschetotu in bellesa Sinònimos e contràrios déchidu, galanu / cdh. dunosu Frases candho mi as fatu innamorare fist donosa che una fada ◊ sento cantu manna e santa est s'òpera mia úmile e donosa preparendhe a sa vida fatigosa de s'ómine sa débbile pianta (A.Casula)◊ tue in su rampu donosa mustras su tratu galanu ◊ cun su coro ti miresi ca fis dechida e donosa ◊ no pràngiast, maurredhina donosa, po sa malasorti! (E.Spiga) Ètimu spn. Tradutziones Frantzesu séduisant, joli Ingresu pretty Ispagnolu donoso Italianu avvenènte, grazióso Tedescu hübsch.

galànu , agt Definitzione nau mescamente de unu o de una, chi de carena est bene fatu, bellu de bisura e bene cuncordau, chi praghet Sinònimos e contràrios bellu, contentu, donosu, galanosu, grasciosu | ctr. feu, légiu Frases ti cherzo isposare, rosa mia galana! ◊ pesare cheria pro sas zobanedhas galanas una boche tenorile de amore ◊ ti ponzo sa collanedha de coradhos e sas loritzinas de oro, ca ti fachent prus galanedha ◊ sas violetas no parent galanas postas acantu de una rosa amena (Cubeddu) 2. s'amore fit galanu, galanos sos desizos, galanu su trabballu ◊ sos vetzos ammentant su tempus galanu de sa gioventura Ètimu spn. galano Tradutziones Frantzesu gracieux, joli Ingresu pretty Ispagnolu agraciado Italianu leggiadro Tedescu anmutig.

geniósu , agt: zeniosu Definitzione chi andhat a géniu, chi praghet meda po calecunu bellu donu, bella calidade (su naturale, s'índula)/ èssere geniosu de ccn. = àere géniu pro ccn. Sinònimos e contràrios garbosu, grasciosu, ispàsticu / ttrs. giniosu | ctr. irgeniadu Frases l'isco chi chie at gràscia est geniosu! (Z.Zazzu)◊ cussas cantones sunt tantu geniosas chi no bei at dinaris chi las paghent ◊ s'ómine cricat de iscusare su naturale de sa picioca, ma orróschiu de is modos pagu geniosos de issa dha frastimat issu puru ◊ cussu calavau, mangallu, pagu geniosu… parit un'ispraberi a olleras!◊ sa magioledha fut lúghida coment'e s'isprigu, maseda, geniosa, e dha boliat a cómpuru gente meda 2. como su giòvonu est richiamadu, ma candho torrat, chi tue ndhe ses geniosa, torraus paris po sa paràula Terminologia iscientìfica ntl Ètimu itl. ingegnoso Tradutziones Frantzesu sympathique, gracieux, joli Ingresu nice, pretty Ispagnolu simpático, bonito, gracioso Italianu simpàtico, grazióso Tedescu sympathisch, hübsch, nett, lieblich.

«« Torra a chircare