Ditzionàriu in línia
de sa limba e de sa cultura sarda

insàra, insàras, insàsa , avb, cng: intzaras, issara, issaras Definizione como pag'ora; comogomo, issarighedha, tandhodandho; a su tempus, in cussu mamentu; ca est (fut) deasi ndhe benit (ndh'est beniu) chi… Sinonimi e contrari assora, cuschindhe, inciandus, tandho | ctr. commo Modi di dire csn: issara, insara insara = pagu in s'ora, apenas un'iscutighedha innanti, comogomo; de insaras a immoi = de tandho a como; de insaras a innantis = de tandho in pustis Frasi biendi is ogus tuus disigiamu de morri intzaras ◊ li conto una cosa chi mi est sutzessa issara andhendhe a s'abba ◊ su sole ch'est faladu da'insara in sos saltos ispanos de ponente (S.Casu)◊ ti repito su chi apo nadu issara: chi ses faltzu già si bidet a sa chinna! ◊ si emu pentzau insaras, de custas penas no nd'emu bistu mai! ◊ no ti l'apo a fàghere prus sa proposta de issara 2. tiu tou fit inoghe issara: fia pessendhe chi aizis fatu a paris! 3. ojos de bellesa rara, niedhos, castanzos, vàrios, cun milli modos contràrios ferint e curant insara ◊ chi ndi tenis meda, intzaras donamindi! Etimo ltn. ipsa hora Traduzioni Francese à ce moment -là, naguère Inglese just now Spagnolo entonces Italiano allóra, testé Tedesco da, kurz zuvor.

iscalàncu , nm: iscallancu Definizione imbaga o iscuta de tempus; a logos, diferéntzia de artària tra unu paris e un'àteru Sinonimi e contrari àchiu, iscuta Traduzioni Francese moment de libre Inglese spare time Spagnolo ratos perdidos Italiano ritàglio di tèmpo Tedesco Freizeit.

iscàmpiu , nm Definizione pagu pagu de tempus, su tanti de si fàere a bíere, coment'e una lampada / fàghere ccs. a s'i. = apenas chi fait Sinonimi e contrari àchiu, fria, iscuta, paterefíliu, ratu 2 Frasi aiseto sa note pro un'iscàmpiu de vida (L.Mele)◊ àpiu s'iscàmpiu, curriat a graminare pacos frochedhos ◊ si apo iscàmpiu benzo a ti agatare ◊ no apo iscàmpiu de nudha! ◊ cussu trabballu no mi lassat atzicu de iscàmpiu Etimo srd. Traduzioni Francese petit moment Inglese bit Spagnolo ratito, instante Italiano attimino Tedesco kleiner Augenblick.

iscúta , nf Definizione pagu pagu de tempus, pag'ora / min. iscutighedha; un'i. manna = ora meda Sinonimi e contrari àchiu, fria, gradixedhu, iscalancu, iscàmpiu, iscurta 1, mamentu, pódhixi, tanchixedhu Modi di dire csn: èssere a iscutas = a iscampiadas, a bicuacas, a bortas goi a bortas gai, a tretus (nadu de zente pro sa muta, su saludu, sos atuamentos, nadu de su tempus pro comente càmbiat de un’ora a s’àtera); a s'iscuta = assora, tandho, in cussu mamentu; da'inoghe a un'iscuta = de immoi a pagu Frasi so un'iscuta manna isetendhe a tie! ◊ notas de focu mandho allutas: gai passo sas iscutas ◊ pensamentos, pasu no mi dades un'iscuta! ◊ Bonolvesos esside dae gianna pro iscultare a Gavinu un'iscuta! ◊ totu s'ammíschiat in pacas iscutas ◊ teniat gana de s'isvrasiare un'iscuta de ora ◊ apustis de un'iscutixedha cust'ómini s'est mortu po su spítzulu de una píbera 2. custu tempus no tenet frimmesa: a iscutas bogat su sole e a iscutas proet ◊ depet èssere macu: a iscutas riet e a iscutas pranghet! ◊ a iscutas est, su malàidu: a candho istat male meda, a candho paret unu pagu! ◊ pro sos grodhes faghimis sa tenta a iscutas cadunu 3. Giuanne, a s’iscuta, si presentat cun sa conca de mortu in pianta de manos e bínchida s'iscummissa! Etimo srd. Traduzioni Francese petit moment Inglese little moment Spagnolo ratito Italiano momentino Tedesco Weilchen.

maméntu , nm: mementu, momentu Definizione pagu pagu de tempus, un'iscuta, tempus chi durat pagu Sinonimi e contrari àchiu, iscuta Modi di dire csn: in d-unu mamentu = in d-unu sinnu, in d-unu patrefíliu; unu mamentu est = bi cheret pagu, bi cheret nudha a… Frasi chi intendha su mementu de su dolore chin su gustu de s'amore! ◊ candho ant bidu su Cristos de Gartedhi si lis est astrintu su coro: pariat chi lu aiant cravau in su mamentu ◊ su gosu durat solu unu mementu ◊ Gesummaria, ite mamentu feu: e comente cherides chi la orda?! (Farina) 2. est unu mamentu a rúere in logos goi, ca iscàdrias che nudha! Terminologia scientifica tpc Etimo itl. Traduzioni Francese moment Inglese moment Spagnolo momento Italiano moménto Tedesco Moment, Augenblick.

paterefíliu , nm: patifíliu, patinefillu, patrefígliu, patrefíliu, patrefíriu Definizione iscutighedha de pagu tempus, unu sinnu, una furriada de ogos, su tempus de si fàere su sinnale de sa grughe Sinonimi e contrari fria, iscàmpiu, iscuta Frasi no parit beru, in d-unu patrefígliu totu custu scarcàsciu! ◊ ant ispedhadu su fiadu in d-unu patrefíliu ◊ arregortus duus panis, in patinefillu si dhus at iscatasciaus! Terminologia scientifica tpc Etimo ltn.e Pater et Filius Traduzioni Francese moment Inglese moment Spagnolo instante, rato, momento Italiano àttimo Tedesco Augenblick.

ràtu 2 , nm: arratu 1 Definizione si narat de tempus: unu pagu / avb., a ratus a ratus = a iscutas, a pasias Sinonimi e contrari amenzesu, fria, iscàmpiu, paterefíliu Frasi si no podes unu ratu bizare cun megus, biza pro s'inimigu chi la tenet cun tegus! ◊ pagu ratu fait fia cun issus ◊ de inguni a unu ratu si ndi est andau ◊ su ratu est beniu de ti nd'iscidai! Etimo spn. rato Traduzioni Francese instant, moment Inglese moment Spagnolo rato Italiano istante, moménto Tedesco Augenblick.

tanchédhu , nm: tanchixedhu Definizione min. de tancu, orrugu, tancu piticu, un'apenas; nau de tempus, un'iscuta Sinonimi e contrari acodedhu, arroghedhu, arróncinu, bículu, bucone, pitzuedhu, tanconedhu / gradixedhu, iscuta, pódhixi 2. pustis de unu tanchixedhu, su fogu fiat allutu e s'àcua giai callenti Traduzioni Francese morceau, moment Inglese bit, moment Spagnolo trocito, ratito Italiano pezzétto, moménto Tedesco Stück, Augenblick.