Ditzionàriu in línia
de sa limba e de sa cultura sarda

insàra, insàras, insàsa , avb, cng: intzaras, issara, issaras Definition como pag'ora; comogomo, issarighedha, tandhodandho; a su tempus, in cussu mamentu; ca est (fut) deasi ndhe benit (ndh'est beniu) chi… Synonyms e antonyms assora, cuschindhe, inciandus, tandho | ctr. commo Idioms csn: issara, insara insara = pagu in s'ora, apenas un'iscutighedha innanti, comogomo; de insaras a immoi = de tandho a como; de insaras a innantis = de tandho in pustis Sentences biendi is ogus tuus disigiamu de morri intzaras ◊ li conto una cosa chi mi est sutzessa issara andhendhe a s'abba ◊ su sole ch'est faladu da'insara in sos saltos ispanos de ponente (S.Casu)◊ ti repito su chi apo nadu issara: chi ses faltzu già si bidet a sa chinna! ◊ si emu pentzau insaras, de custas penas no nd'emu bistu mai! ◊ no ti l'apo a fàghere prus sa proposta de issara 2. tiu tou fit inoghe issara: fia pessendhe chi aizis fatu a paris! 3. ojos de bellesa rara, niedhos, castanzos, vàrios, cun milli modos contràrios ferint e curant insara ◊ chi ndi tenis meda, intzaras donamindi! Etymon ltn. ipsa hora Translations French à ce moment -là, naguère English just now Spanish entonces Italian allóra, testé German da, kurz zuvor.

iscalàncu , nm: iscallancu Definition imbaga o iscuta de tempus; a logos, diferéntzia de artària tra unu paris e un'àteru Synonyms e antonyms àchiu, iscuta Translations French moment de libre English spare time Spanish ratos perdidos Italian ritàglio di tèmpo German Freizeit.

iscàmpiu , nm Definition pagu pagu de tempus, su tanti de si fàere a bíere, coment'e una lampada / fàghere ccs. a s'i. = apenas chi fait Synonyms e antonyms àchiu, fria, iscuta, paterefíliu, ratu 2 Sentences aiseto sa note pro un'iscàmpiu de vida (L.Mele)◊ àpiu s'iscàmpiu, curriat a graminare pacos frochedhos ◊ si apo iscàmpiu benzo a ti agatare ◊ no apo iscàmpiu de nudha! ◊ cussu trabballu no mi lassat atzicu de iscàmpiu Etymon srd. Translations French petit moment English bit Spanish ratito, instante Italian attimino German kleiner Augenblick.

iscúta , nf Definition pagu pagu de tempus, pag'ora / min. iscutighedha; un'i. manna = ora meda Synonyms e antonyms àchiu, fria, gradixedhu, iscalancu, iscàmpiu, iscurta 1, mamentu, pódhixi, tanchixedhu Idioms csn: èssere a iscutas = a iscampiadas, a bicuacas, a bortas goi a bortas gai, a tretus (nadu de zente pro sa muta, su saludu, sos atuamentos, nadu de su tempus pro comente càmbiat de un’ora a s’àtera); a s'iscuta = assora, tandho, in cussu mamentu; da'inoghe a un'iscuta = de immoi a pagu Sentences so un'iscuta manna isetendhe a tie! ◊ notas de focu mandho allutas: gai passo sas iscutas ◊ pensamentos, pasu no mi dades un'iscuta! ◊ Bonolvesos esside dae gianna pro iscultare a Gavinu un'iscuta! ◊ totu s'ammíschiat in pacas iscutas ◊ teniat gana de s'isvrasiare un'iscuta de ora ◊ apustis de un'iscutixedha cust'ómini s'est mortu po su spítzulu de una píbera 2. custu tempus no tenet frimmesa: a iscutas bogat su sole e a iscutas proet ◊ depet èssere macu: a iscutas riet e a iscutas pranghet! ◊ a iscutas est, su malàidu: a candho istat male meda, a candho paret unu pagu! ◊ pro sos grodhes faghimis sa tenta a iscutas cadunu 3. Giuanne, a s’iscuta, si presentat cun sa conca de mortu in pianta de manos e bínchida s'iscummissa! Etymon srd. Translations French petit moment English little moment Spanish ratito Italian momentino German Weilchen.

maméntu , nm: mementu, momentu Definition pagu pagu de tempus, un'iscuta, tempus chi durat pagu Synonyms e antonyms àchiu, iscuta Idioms csn: in d-unu mamentu = in d-unu sinnu, in d-unu patrefíliu; unu mamentu est = bi cheret pagu, bi cheret nudha a… Sentences chi intendha su mementu de su dolore chin su gustu de s'amore! ◊ candho ant bidu su Cristos de Gartedhi si lis est astrintu su coro: pariat chi lu aiant cravau in su mamentu ◊ su gosu durat solu unu mementu ◊ Gesummaria, ite mamentu feu: e comente cherides chi la orda?! (Farina) 2. est unu mamentu a rúere in logos goi, ca iscàdrias che nudha! Scientific Terminology tpc Etymon itl. Translations French moment English moment Spanish momento Italian moménto German Moment, Augenblick.

paterefíliu , nm: patifíliu, patinefillu, patrefígliu, patrefíliu, patrefíriu Definition iscutighedha de pagu tempus, unu sinnu, una furriada de ogos, su tempus de si fàere su sinnale de sa grughe Synonyms e antonyms fria, iscàmpiu, iscuta Sentences no parit beru, in d-unu patrefígliu totu custu scarcàsciu! ◊ ant ispedhadu su fiadu in d-unu patrefíliu ◊ arregortus duus panis, in patinefillu si dhus at iscatasciaus! Scientific Terminology tpc Etymon ltn.e Pater et Filius Translations French moment English moment Spanish instante, rato, momento Italian àttimo German Augenblick.

ràtu 2 , nm: arratu 1 Definition si narat de tempus: unu pagu / avb., a ratus a ratus = a iscutas, a pasias Synonyms e antonyms amenzesu, fria, iscàmpiu, paterefíliu Sentences si no podes unu ratu bizare cun megus, biza pro s'inimigu chi la tenet cun tegus! ◊ pagu ratu fait fia cun issus ◊ de inguni a unu ratu si ndi est andau ◊ su ratu est beniu de ti nd'iscidai! Etymon spn. rato Translations French instant, moment English moment Spanish rato Italian istante, moménto German Augenblick.

tanchédhu , nm: tanchixedhu Definition min. de tancu, orrugu, tancu piticu, un'apenas; nau de tempus, un'iscuta Synonyms e antonyms acodedhu, arroghedhu, arróncinu, bículu, bucone, pitzuedhu, tanconedhu / gradixedhu, iscuta, pódhixi 2. pustis de unu tanchixedhu, su fogu fiat allutu e s'àcua giai callenti Translations French morceau, moment English bit, moment Spanish trocito, ratito Italian pezzétto, moménto German Stück, Augenblick.