Ditzionàriu in línia
de sa limba e de sa cultura sarda

afritorídu, afritoríu , agt: afritulidu, afrituridu, fritoridu Definizione chi tenet fritu meda, chi est tremendhosi de su fritu, fintzes chi sufrit su fritu, chi dhu aguantat pagu Sinonimi e contrari afrituladu, allintugliadu, ifritoridu / friarosu | ctr. afoghigiau, caente Frasi làssami caentare: no lu bides chi so totu afritoridu?! ◊ dae su giogu, istracu de currizare, recuit Nanni mesu afritoridu ◊ unu petiruju afritoridu si ndhe cheret intrare a sa pinneta 2. de su sole sos rajos no mi dant calura, so fatendhe afritulidu s'última pitzulada a mala gana (P.Muresu) Etimo srd. Traduzioni Francese transi de froid Inglese cold Spagnolo muerto de frío Italiano infreddolito Tedesco fröstelnd.

aggruncídu , pps, agt Definizione de aggruncire; chi est fatu a unu túturu de su fritu Sinonimi e contrari ateterighedhadu, intinirau, sfrigiorau 2. nàrami ite as àpidu, Antioga: totu aggruncida pares e maltrata! Traduzioni Francese transi Inglese to grow numb Spagnolo entumecido Italiano intirizzito Tedesco erstarrt.

assutzudhíu , agt: atzutzudhiu Definizione chi giughet sa tudha de su fritu, afritoriu, o fintzes po timória Sinonimi e contrari altudhidu, aprilutziu, assutzurredhau, atzutzudhau, sfrigiorau Frasi is duas sorres furint atzutzudhias de s'assustru Etimo srd. Traduzioni Francese transi, engourdi Inglese numbed Spagnolo aterido Italiano intirizzito Tedesco erstarrt.

cancaràdu , pps, agt: cancaratu, cancarau, cancurau Definizione de cancarare; chi portat sa manu o àteru arremu chentza ndhe pòdere bàlere, chentza fortza, acancarronau; nau de un'arremu fintzes candho est informigau, coment'e dormiu o immarriu de comente fut postu ora meda / trigu, orzu cancaradu = cun s'ispiga dórchida conca a terra Sinonimi e contrari aggrammiadu Frasi lampu, s'iscrossa chi mi at dadu, sa currente, mi at cancaradu sa manu! ◊ ohi, ohi, mi at cancarau totu sa camba! 2. bogadiche su vísciu de pedire e ista cun sas manos cancaradu! ◊ cussu dranghilloi mannu ciai podiat andai a isperdiai, ca no est cancarau! ◊ bai a castiai, ca no portas mancu is cambas cancaradas! ◊ che fui cancurau de su fritu! ◊ nois semus cancaratos dae su fritu, chin su pilu erpilatu ◊ sa vida fut disumana, cancaraos de fritu, chin apititu e gana!◊ portaiaus is cambas cancaradas a fortza de abarrai sétzius in màchina Traduzioni Francese engourdi, transi Inglese numbed Spagnolo entumecido, aterido, agarrotado Italiano intirizzito, rattrappito Tedesco erstarrt, steif.

ifritorídu, ifritoríu, ifriturídu , agt: infirtoriu, infriduridu, infritoridu, infritoriu, infritulitu, infrituridu Definizione chi tenet fritu, chi est morindho de su fritu Sinonimi e contrari afritoridu, afrituladu, allintugliadu, atilchinzadu, ifritorau | ctr. caente Frasi sos canes sunt infrituridos ◊ ca su pipiu fut infritoriu, sa mama dh'at ammontau 2. su calore de beranu no favorit su coro meu tristu ifrituridu (P.Sechi) Etimo srd. Traduzioni Francese transi de froid Inglese cold Spagnolo muerto de frío, aterido Italiano infreddolito Tedesco durchgefroren.

illibriníu , pps, agt: illimbrinidu, illivrinidu Definizione de illibrinire; nau de ccn., chi est morindho de su fritu (o fintzes chi est coment’e assicau de ccn. cosa), chi portat cara o bisura lègia e fintzes chi est de sentidos malos; a logos, fintzes chi est istrígile meda, cannàile, finigosu, de carena metzana Sinonimi e contrari afritoridu, afriturigadu, aggruncidu, allintugliadu, ateterighedhadu / ispaurigau, isprauriu 2. fit illibriniu dae su fritu, chin sa cara líbida dae sa tramuntana ◊ si preguntat, ite li apo a dare a su pastore illivrinidu in sos montes? 3. illimbrinida, sa mama, a s'isparu, picat in bratzos sa pitzinna morta e pranghet a irgrighillos ◊ sunt berveghedhas chi a las bídere ti faghent pena, totu illivrinidas e fatigadas ◊ candho miro s'illivrinida lara, no bi at música e boghe pro cantare! (M.G.Orgolesu) 4. malallutrinidos, pensant a sa betzesa cun beste de vilesa e meda illivrinidos (G.Ruju) 5. ses tropu minuda e illivrinida e no cherzo chi ti seghes! Traduzioni Francese transi de froid Inglese cold Spagnolo enfriado Italiano infreddolito Tedesco fröstelnd.

sidhídu , pps, agt: sidhiu Definizione de sidhire; chi est firmu sizidu, cradu, o, nau de unu, fintzes chi no foedhat, chi abbarrat citiu, chi istat firmu Sinonimi e contrari firmu, serradu, sidhadu 1, sizidu / mudu / aggruncidu Modi di dire csn: sidhiu! = frimmu!, mudu!; buca sidhia = buca cosida, serrada, nadu de chie si callat mudu, no iscóbiat nudha; mòrriri sidhiu = mòrrere inteterighedhadu de su fritu 2. est chin sas barras sidhias ◊ benindi a innòi, cantu chi abarras sidhiu ingunis! ◊ sidhia tui, ca nci nd'at po tui puru! ◊ abarra inguni sidhiu, no bèngiat genti a comporai cosa! ◊ sa fentana no seu arrennésciu a dh'oberri: est sidhia ◊ tui fai su chi ti nant e sidhiu che sa balla! 3. sidhiu, ca megas de iscoviai totu! ◊ apo intesu custu istragamuzu… mi ne seo pesadu sidhidu, no ischio ite cosa fut (Z.Porcu)◊ sidhiu, deghinò ti pòngiu su murrabi! Traduzioni Francese cacheté, transi Inglese sealed, numbed Spagnolo cerrado herméticamente, entumecido Italiano sigillato, intirizzito Tedesco versiegelt, erstarrt.

téteru , agt: tétiru, tétiu Definizione nau de cosa chi, mescamente innanti modhe e lenta, est o est essia tostada, a bisura de nae de linna (po s'abba, po su fritu, de ufradura): si narat fintzes po deretu, ténneru, chi no est trotu; foedhandho de ccn., chi si credet meda, tropu / téteru che fuste, che brocu, che canna Sinonimi e contrari achirdinadu, chídrinu, incodinau / cdh. tétaru | ctr. indullidori, mugiaditu Frasi unu candho morit s'ifritat e abbarrat téteru ◊ sa fune de cànnau ifusta est tètera ◊ bi at robba chi si est ifusta est tètera ◊ s'ischina tètera zughes, chi no t'imbàssias a nudha?! ◊ semus tèteros de su fritu! 2. ista prus téteru subra de su cadhu! ◊ est camminandhe téteru che brocu ◊ s'ispiga a conca bàscia est ingranida, sa tètera est aurtida ◊ no so che candho a punta de ischina caminaia téteru che canna! 3. cussa est bellita ma tètera che fusu ◊ Crateone fit colatu téteru che fuste e aiat respostu apenedhas a su salutu ◊ mi est atobiada tètera che fusu, no mi at mancu saludau Etimo srd. Traduzioni Francese rigide, contracté, transi Inglese rigid, contracted, benumbed Spagnolo rígido, contraído, entumecido Italiano rìgido, contratto, intirizzito Tedesco starr, verkrampft.

tostoràu , pps, agt: tusturatu Definizione de tostorare; chi est coment'e tostau, chídrinu de su fritu Sinonimi e contrari afriturigadu, aggruncidu, ammarmurau, allintugliadu, ateterighedhadu, illibriniu, intinirau, sfrigiorau 2. fit una die de iberru mala e frita, fit bentu, fit frocandhe a froca lada e Mariedha, totu tostorada, bufàndhesi sas ungras! (P.Dessanay) Traduzioni Francese transi Inglese stiffened, frozen to death Spagnolo envarado, entumecerse Italiano intirizzito, assiderato Tedesco erstarrt.