Legenda Abbreviazioni | Legenda Simboli

abboltijàdu , agt Definizione nau de un’arremu aguantau postu male ora meda, chi paret ortigu, dormiu, no sentit bene is cosas; nau de cosa de papare, chi est asciuta coment'e ortigu Sinonimi e contrari abborticau, ammoltijadu, infromigau Etimo srd. Traduzioni Francese engourdi Inglese muddy Spagnolo entumecido Italiano intorpidito Tedesco eingeschlafen.

achirdinàdu , pps, agt: acidrinau Definizione de achirdinare, acidrinai; fatu chídrinu, tostau, téteru Sinonimi e contrari círdinu, téteru 2. chi dhi fiat cabau unu de cussus tronus tzacarrosus dh'iant agatada morta e acidrinada Traduzioni Francese engourdi Inglese stiff Spagnolo rígido Italiano irrigidito Tedesco steif.

aggrantzídu , agt Definizione chi est aggranciu, fatu a cancarrone Sinonimi e contrari acancarronau, aggrammiadu, aggrauncidu, aggurtedhau, istropiadu, rentesu Frasi zughiat sa manu a punzu serradu coment'e aggrantzida Traduzioni Francese engourdi Inglese numbed Spagnolo agarrotado Italiano rattrappito Tedesco verkrampft.

ammoltijàdu , agt Sinonimi e contrari abboltijadu Etimo srd. Traduzioni Francese engourdi Inglese numb Spagnolo amortiguado Italiano intorpidito Tedesco eingeschlafen.

assutzudhíu , agt: atzutzudhiu Definizione chi giughet sa tudha de su fritu, afritoriu, o fintzes po timória Sinonimi e contrari altudhidu, aprilutziu, assutzurredhau, atzutzudhau, sfrigiorau Frasi is duas sorres furint atzutzudhias de s'assustru Etimo srd. Traduzioni Francese transi, engourdi Inglese numbed Spagnolo aterido Italiano intirizzito Tedesco erstarrt.

cancaràdu , pps, agt: cancaratu, cancarau, cancurau Definizione de cancarare; chi portat sa manu o àteru arremu chentza ndhe pòdere bàlere, chentza fortza, acancarronau; nau de un'arremu fintzes candho est informigau, coment'e dormiu o immarriu de comente fut postu ora meda / trigu, orzu cancaradu = cun s'ispiga dórchida conca a terra Sinonimi e contrari aggrammiadu Frasi lampu, s'iscrossa chi mi at dadu, sa currente, mi at cancaradu sa manu! ◊ ohi, ohi, mi at cancarau totu sa camba! 2. bogadiche su vísciu de pedire e ista cun sas manos cancaradu! ◊ cussu dranghilloi mannu ciai podiat andai a isperdiai, ca no est cancarau! ◊ bai a castiai, ca no portas mancu is cambas cancaradas! ◊ che fui cancurau de su fritu! ◊ nois semus cancaratos dae su fritu, chin su pilu erpilatu ◊ sa vida fut disumana, cancaraos de fritu, chin apititu e gana!◊ portaiaus is cambas cancaradas a fortza de abarrai sétzius in màchina Traduzioni Francese engourdi, transi Inglese numbed Spagnolo entumecido, aterido, agarrotado Italiano intirizzito, rattrappito Tedesco erstarrt, steif.

«« Cerca di nuovo