Legenda Abbreviazioni | Legenda Simboli

abbentàda , nf Definizione bentu chi portat fragu pudésciu, fragu meda chi si pigat agiummai coment’e chi siat una nue de bentu; idea, pentzada chi benit a conca; su abbentare, asciutare Sinonimi e contrari abbentu, abburata, afrusada, arrancu, arrasta, fiacu 1, pudescioi / meleda, seledu Frasi comente colas acurtzu leas s'abbentada de su fragu chi lassat andhare ◊ at bénnidu un'abbentada de pudidore chi no si bi podiat parare! ◊ comente ant picau s'abbentada de su pudiore ant bochinau ispaporicaos 2. li at bénnidu un'abbentada a conca!… 3. a custa robba li cheret dadu un'abbentada, ca est ifusta Etimo srd. Traduzioni Francese coup de vent, fig. vague Inglese gust of wind, stench Spagnolo vaharada, ventada Italiano zaffata, ventata Tedesco übelriechende Dunstwolke, Windstoß.

annugiòri , nm Definizione su èssere annogiaos, tristos, primmaos Sinonimi e contrari annógiu, triltura | ctr. allegria, cuntentesa Frasi fiat trista, prena de annugiori ◊ ses pòbura de dinai, bidha mia, ma no bivast is diis in annugiori! Etimo srd. Traduzioni Francese mélancolie, vague tristesse Inglese sadness Spagnolo tristeza Italiano mestìzia Tedesco Betrübnis.

aundhàda , nf: aunnada, undada Definizione undha, abba chi si movet a meda totu impare, sa currente manna chi calat in is errios candho si prenent e fintzes ch'essit fora de su letu Sinonimi e contrari lamada 1, mallada Frasi e cantas aundhadas no at bidu cussu ponte!… Etimo srd. Traduzioni Francese vague Inglese wave Spagnolo oleada, crecida Italiano ondata, pièna Tedesco Wellenschlag, Hochwasser.

cadhàda , nf: cadhata Definizione cosa chi si pesat in artu, nau pruschetotu de is fràmmulas de su fogu (ma fintzes de pruine); cuadhu o undhada manna de abba Sinonimi e contrari cadharida / aundhada / arborada Frasi ti moves dogni tantu brinca brinca e a cadhadas ti pesas che fogu (N.Marchetti)◊ dade tentu ca bi apo bidu cadhadas de fogu! ◊ si pesaiant cadhadas biancas che fumentu: fint sas undhas in su mare avolotadu ◊ su cadhu s'est pesadu a cadhadas Etimo srd. Traduzioni Francese grosse vague Inglese big horse, billow Spagnolo oleada Italiano cavallóne Tedesco großes Pferd, Brecher.

mallàda , nf Definizione fràmula de fogu chi si pesat arta; undha de abba in mare chi s'iscudet a is orrocas Sinonimi e contrari mallaciada / fiamarida, gliamada, pampada / aundhada, cabadhone Frasi is dimónius iant ghetau una mallada de fogu, pariat ca totu sa domu depiat pigai fogu 2. sa fentana fiat fachi a mari e dhui cantaiat asuta sa mallada iscuta a is iscóllius ◊ sa mallada atzàpuat a is iscóllius ◊ sos mortos in mare ndhe los at bogados sa mallada Etimo srd. Traduzioni Francese vague, grosse vague Inglese billow Spagnolo llamarada, oleada Italiano ondata, cavallóne Tedesco Woge.

únda , nf: undha, unna Definizione cosa (abba, elétricu, àteru) chi si movet e s'ispainat coment'e a incannadas paríviles a bisura de cricos chi s'illargant sèmpere de prus unu aifatu de s’àteru, o fintzes inartandho e abbasciandho a egaseogas paríviles e sighias; fintzes cosa (es. abba in is errios) chi calat o andhat a meda totu impare / in s'u. si podet distínghere: sa bandha, s'amprària, sa longària, sa crista, sa frecuéntzia Sinonimi e contrari aundhadura, undada Frasi su mare est chietu: s'intendhet apenas sa múida de sas undhas ◊ a maridu meu giumpendhe a cadhu a còscia in d-unu riu si lu pigheit s'undha 2. s'unda de s'arriu nd'at ingortu su ponti ◊ colata sa unna de sas veturas, Fruschiajolu fit intratu a su tzilleri ◊ ant s'ànima intregadu a Satanassu, pro donzi rena ’e paghe falant s'undha! ◊ in ciú tempus Baronia at connotu tres undas lègias Etimo ltn. unda Traduzioni Francese vague Inglese wave Spagnolo ola Italiano ónda, ondata Tedesco Welle, Wellenschlag.

«« Cerca di nuovo