Legenda Abbreviazioni | Legenda Simboli

annéu , nm Definizione css. cosa chi giaet ifadu, ma mescamente chi faet pèrdere su bonumore, sa cuntentesa, chi ponet in tristura, dispraxere forte Sinonimi e contrari annéulu, annicu, annógiu, agiu, triltura | ctr. allegria, cuntentesa, trancuillidade Frasi canto pro mi allejare carchi anneu ◊ not'e anneu chena una lumera e in coro meu no bi at un'ispera! (L.Marielli)◊ in anneu so sempre ca mortu est su balente! ◊ ridiant e irmentigaiant sos anneos ◊ sunt tristos in anneu ◊ custos no sunt anneos, ma colpos chi istremutint su leone! Etimo srd. Traduzioni Francese tristesse, affliction Inglese sadness, affliction Spagnolo tristeza, aflicción Italiano tristézza, afflizióne Tedesco Betrübnis.

annéulu , nm Definizione su èssere o istare unu pagu tristos, oféndhios o àteru deasi Sinonimi e contrari anneu, annicu, triltura Etimo srd. Traduzioni Francese peine, ennui, tristesse Inglese sorrow, sadness, bother Spagnolo molestia, tristeza Italiano péna, fastìdio, tristézza Tedesco Leid, Sorge, Traurigkeit.

annícu , nm Definizione su èssere tristos, pirmaos, oféndhios Sinonimi e contrari annéulu, triltura | ctr. allegria, cuntentesa, prégiu Frasi s'annicu mannu chi l'intreit ora pr'ora li fateit ismentigare su rispetu ◊ sighis cun annicu chentz'alligu de sa preneta, chentza perunu aficu ◊ agiummai ti si paret s'annicu, pischendhe chena piscare nudha Etimo srd. Traduzioni Francese tristesse, mauvaise humeur Inglese sadness, bad mood Spagnolo tristeza, mal humor Italiano tristézza, malumóre Tedesco Traurigkeit, schlechte Laune.

annugiòri , nm Definizione su èssere annogiaos, tristos, primmaos Sinonimi e contrari annógiu, triltura | ctr. allegria, cuntentesa Frasi fiat trista, prena de annugiori ◊ ses pòbura de dinai, bidha mia, ma no bivast is diis in annugiori! Etimo srd. Traduzioni Francese mélancolie, vague tristesse Inglese sadness Spagnolo tristeza Italiano mestìzia Tedesco Betrübnis.

triltúra , nf: tristura Definizione su èssere tristos, dispràxios meda / sonare a t. = tocu de campana po unu mortu, bonamorti, ispiru; falare, assèndhere sa tristura a unu = intristare Sinonimi e contrari abbatimentu, acoradura, aflissione, afrigimentu, anneu, annógiu, pesari, primori 1, scoramentu, tristia | ctr. allegria, cuntentesa Modi di dire csn: sonare a t. = tocu de campana pro unu mortu, bonamorti; falare, assèndhere sa tristura a unu = intristare Frasi canta, duncas, cudhu cantu inimigu de sa tristura! ◊ aici fut su distinu, de mi lassai in tristura, pobidhu miu! ◊ candho si faedhat de postos de tribàgliu chi si podent pèrdere ndhe risultat una tristura chi no si podet contare Etimo ctl., spn. tristura Traduzioni Francese tristesse, mélancolie Inglese sadness Spagnolo tristeza Italiano tristézza, malinconia Tedesco Traurigkeit, Melancholie.

tristía , nf Definizione su èssere tristos Sinonimi e contrari anneu, annicu, triltura, tristesa | ctr. allegria Frasi antiga domo mia, recreu de su meu pensamentu, abblandhas sa tristia e ispannas su coro a su cuntentu (P.Fae)◊ est fughiu in cherta de dare aficu a sas pupias issaghinadas de arcana tristia ◊ ndhe at tristia manna, iteu, pro èssere istadu leadu a traste de un'àteru pecadu ◊ zuchet sos ocros lúchidos de tristia Traduzioni Francese tristesse Inglese sadness Spagnolo tristeza Italiano tristézza Tedesco Traurigkeit.

«« Cerca di nuovo