Ditzionàriu in línia
de sa limba e de sa cultura sarda

agiorridàre , vrb Definizione istare a su pedi pedi, giare ifadu o istrobbu pedindho, pedindho dépidu Sinonimi e contrari agiorrare, impeltinare, infestare, malifestai Etimo srd. Traduzioni Francese importuner, déranger les créancier et les débiteurs Inglese to bother creditors and debtors Spagnolo importunar Italiano importunare, infastidire creditóri e debitóri Tedesco belästigen.

annéulu , nm Definizione su èssere o istare unu pagu tristos, oféndhios o àteru deasi Sinonimi e contrari anneu, annicu, triltura Etimo srd. Traduzioni Francese peine, ennui, tristesse Inglese sorrow, sadness, bother Spagnolo molestia, tristeza Italiano péna, fastìdio, tristézza Tedesco Leid, Sorge, Traurigkeit.

apuríre, apuríri , vrb Definizione fàere pèrdere sa passiéntzia a fortza de giare istrobbu, ocasione o fàere male e dannos o cosas chi no si podent padire Sinonimi e contrari apurai 1, ifadare, infinitziae, infestare Frasi como mi che ant apuridu e si mi colant in ungras mi ndhe pago! ◊ candho mi che at apuridu li apo dadu duas isculivitas, a su pitzinnu Traduzioni Francese harceler Inglese to bother extremely Spagnolo exasperar Italiano molestare oltremòdo, vessare, esasperare Tedesco quälen, reizen.

contribbulatziòne, contribbulatziòni , nf Definizione cosa chi faghet penoriare, sufrire, istare male Sinonimi e contrari ifadu, penória, tribbulia | ctr. gosa Etimo srd. Traduzioni Francese ennui, souci Inglese bother, torment Spagnolo molestia, tormento Italiano seccatura, torménto Tedesco Belästigung.

discomodài, discomodàre , vrb Definizione giare ifadu, istrobbu, mòvere o pesaresindhe po calecuna cosa, su s’interessare Sinonimi e contrari iscomodai Traduzioni Francese déranger Inglese to bother Spagnolo incomodar, molestar Italiano scomodare Tedesco bemühen, stören.

faltízu , nm: fastégiu, fastígiu 1, fastizu Definizione genia de sufrimentu de s'ànima, ma fintzes istrobbu, ifadu, mescamente chi durat a meda / alliviare sos fastizos Sinonimi e contrari afannia, afannu, ammóniu, apensamentu, agiu, axiori, patimentu / ifadu, pertoja Frasi si pones fatu insoro ndh'essis macu cun fastizos e istragos ◊ so proendhe sos fastizos de sa pérdida de mamma ◊ che leat dae su coro onzi fastizu si est sa persona angustiada ◊ abburrit patimentos e fastizos ◊ s'amore no morit mancu in sos fastizos ◊ cussu no tenet ne fizos e ne fastizos ◊ ses meledendhe sa manera de mi pònnere in fastizu! ◊ dhi fut mortu su pobidhu e no biiat essida a custu fastígiu mannu 2. custa pudha no at dadu mai fastizu a nisciunu ◊ amus bidu mamas frundhendhe sos fizos solu pro èssere netas de fastizos (G.A.Cossu)◊ sa pudhedra si lassat ferrare chena fastizu Cognomi e Proverbi prb: sos fizos sunt fastizos Etimo itl. fastiggiare Traduzioni Francese gêne, ennui, souci Inglese bother Spagnolo fastidio, molestia (f) Italiano fastìdio, seccatura prolungata Tedesco Qual, Belästigung.

ifàdu , nm: infadu, infaru, irfadu, isfadu Definizione totu su chi podet èssere de istrobbu, o chi orroschet, o chi provat sa passiéntzia, faet pèrdere tempus fintzes si no est cosa grave Sinonimi e contrari ammóniu, gena, ifadamentu, ifestu, impelegu, impéltinu, imperpériu, innaentu, inzerra, istéculu, lassamistai, nischitzu, pibinca, pertoja Modi di dire csn: dare i.; leàresi s'i. de… = pigaisí s'istentu de fai cosa mala a fai mancai pagu trabballosa Frasi Sardos, si no bos servit de infadu, dia cherrer cantare una cantone (Cubeddu)◊ sos músculos sunt saboridos, ma bi at ifadu a los innetiare ◊ a collire olia de terra bi at prus ifadu chi no pelea ◊ ma daet ifadu, mih, sa musca! Etimo spn. enfado Traduzioni Francese gêne, ennui Inglese bother Spagnolo molestia Italiano fastìdio, tèdio, molèstia, seccatura Tedesco Verdruß, Belästigung, Langeweile.

iféstu , nm: infestu Definizione cosa chi istrobbat, chi faet orròschere, cosa de fàere chi praghet pagu, matanosa, trebballosa / donai, pigai i. Sinonimi e contrari ifadu, imperpériu, nischitzu, pibinca, segori / inaventu, irbelegu Frasi su chi li daiat ifestu fit chi no aiant detzisu comente si deviat pesare sa cosa ◊ gei si dh'at pigau s'infestu a preparai cussa cummédia!…◊ proaia infestu intendhendhe a tie ◊ innoghe s'umididade dat pagu infestu ◊ li apo dadu duas sedatadas a su fangotu e li at bogadu de cabu de mi fàghere infestu ◊ si dh'at pigau s'infestu, s'istudianti!… Etimo srd. Traduzioni Francese ennui, gêne Inglese bother Spagnolo molestia Italiano molèstia Tedesco Lästigkeit.

incruéscu , nm Definizione ifadu, istrobbu, nau fintzes in su sensu de dannu chi si faet a s'àteru, cosighedhas mancari no graves meda ma chi dispraxent etotu Sinonimi e contrari ifadu, imperpériu, increscu Frasi cussos petzi daent incruescu a s'àteru: e candho lassant andhare su bestiàmine afaiu, e candho colant in su tou e ti lassant s'àidu abbertu! Traduzioni Francese ennui Inglese bother Spagnolo molestia Italiano molèstia Tedesco Belästigung.

infestàre , vrb Definizione giare infestu, fàere istrobbu Sinonimi e contrari agiorridare, ammaciocai, annischissai, ifadare, ifastizire, malifestai, strobbai, suberiare Frasi baediche dae cue, chi mi ses infestendhe! Etimo ltn. infestare Traduzioni Francese déranger Inglese to bother Spagnolo importunar Italiano importunare Tedesco belästigen.

istéculu , nm Sinonimi e contrari gena, ifadamentu, ifadu, ifestu, impéltinu, innaentu, inzerra, pibinca Frasi at sighidu su contu pro mi dare istéculu ◊ cust'istéculu de su limbazu no li at nóghidu meda Etimo srd. Traduzioni Francese ennui, embêtement Inglese bother Spagnolo fastidio, molestia Italiano fastìdio, seccatura Tedesco Verdruß.

peléu , nm: apeleu Definizione totu su chi unu cricat de fàere, fintzes cun múngia, po arrennèscere in ccn. cosa / a p. = a pelea, a trabballu Sinonimi e contrari bataria, impeleu, matana, pelea*, secamentu Frasi nessi in bijone beni pro allebiare dogni peleu! ◊ sa giustíscia tua est in peleu, però no podes coglionare a Deu! ◊ vivo in apretu e in peleu ◊ in piús peleu de sa chi fist ti ses posta como ◊ tue in tribbunale chircas de ti ch'essire dae peleu ◊ pelea e peleu est totu su matessi! ◊ sias prontu a calisiollat peleu po su bèni de s'isposa e de sa famíglia tua! Traduzioni Francese peine, souci Inglese bother Spagnolo molestia, engorro Italiano briga, affanno Tedesco Mühe.

pendàngula , nm Definizione unu chi acostumat a giare istrobbu, candho apicigat, candho dhu pigat a cricare contos, abbarrare chistionandho a tropu Sinonimi e contrari apítzigu, apodhosu, ifadosu, tambedhosu Etimo ctl. pendango Traduzioni Francese casse-pieds Inglese bother Spagnolo pelma, plasta Italiano seccatóre Tedesco lästiger Mensch.

secaméntu , nm: segamentu Definizione su secare, segare / èssere unu segamentu, s. de matza, de conca = dare istrobbu, pònnere dificurtades, chircare tropu cosas, dare ifadu Sinonimi e contrari orrugamentu, ruciadura, secadura, segognu / gena, ifadu, ifestu, impelegu, impéltinu, segori 2. ndi tengu de segamentus de conca in su trabballu e fintzas in domu!…◊ dhu tenint iscapu, cussu cani: est unu segamentu de conca! Etimo srd. Traduzioni Francese embêtement Inglese bother Spagnolo lata, fastidio Italiano seccatura Tedesco Belästigung.

tambèdha , nf, nm: tambedhu Definizione genia de moida, prus che àteru de boghes chi giaent ifadu Sinonimi e contrari impelegu, secamentu, tzorobedhu Frasi inie mi pasà sentza degógliu subra sas pedras d'una semidedha chi a crabas tiat aer dadu imbrógliu, subr'àter'adhe e àtera tambedha (P.Casu)◊ sa malasorte mi at assaltiadu e continu mi tenet in tambedhu ◊ intronaiat piús su tamburu e fit tambedhu su carrasegare ◊ sa zente est martirizada dae sos tambedhos Etimo srd. Traduzioni Francese embêtement Inglese bother Spagnolo lata, fastidio Italiano seccatura, nòia contìnua Tedesco Belästigung.

tambedhósu , agt, nm Definizione chi o chie faet tambedhu, giaet ifadu Sinonimi e contrari ifadosu Frasi baediche, tambedhosu! Etimo srd. Traduzioni Francese gêneur Inglese bother Spagnolo pelma Italiano seccatóre Tedesco lästiger Mensch.