Ditzionàriu in línia
de sa limba e de sa cultura sarda

acalamaméntu , nm Definizione su acalamare, su torrare àlidu a pelea Sinonimi e contrari afandha, afogu, assenegu, assúpidu, bémida, sàgada Etimo srd. Traduzioni Francese essoufflement Inglese worry Spagnolo jadeo Italiano affanno Tedesco Atemnot.

afàndha , nf, nm: afandhu, afanna, afànnidu, afannu Definizione respiru peleosu, assúpidu, de chie at curtu meda o portat neghe a prumones; genia de suferéntzia Sinonimi e contrari acalamamentu, afogu, assenegu, assubentu, bémida, sàgada, sufrata / afàsciu, agiu Frasi cursas e afandhas ◊ candho semus arribbados a s'ispuntone, zuchiat s'afandha e si est firmadu 2. est tempus sentz'afannos e ne fastizos, de ispassu de cuntentos ◊ no so betza de annos ma de afannos Etimo itl. Traduzioni Francese essoufflement Inglese labour Spagnolo jadeo Italiano affanno Tedesco Atemnot.

allacanónzu , nm Sinonimi e contrari allacamentu, allacanadura, allacanamentu, bàtima, sufrata Etimo srd. Traduzioni Francese essoufflement, épuisement Inglese breathlessness, ousting Spagnolo jadeo, postración Italiano affanno, spossatézza Tedesco Atemnot, Erschöpfung.

apeléu , nm: peleu Definizione totu su chi unu cricat de fàere, fintzes cun pelea, po arrennèscere in ccn. cosa pruschetotu difícile / pònnere a. = fai nàsciri crosidadi, disígiu de isciri, de biri Sinonimi e contrari afarru, bataria, impeleu, matana, pelea*, pelei, segamentu Frasi t'ispinghet a tantu s'apeleu de cherrer diventare unu portentu? ◊ a lu tenet s'apeleu cun cussa cosa, faghindhe e chentza bi poder resèssere! 2. s'iscusórgiu poniat apeleu a su pastoredhu e po pedire cossígios est andhau a babbai ◊ sa gente ispetàt cun apeleu is festas e sa gara de is cantadores Traduzioni Francese souci, ennui, peine Inglese trouble Spagnolo esfuerzo Italiano affanno, briga Tedesco Sorge.

arrebàtu , nm: rebatu* Definizione atacu de una maladia (es. de callentura); arrebbentu, múngia, pelea po calecuna cosa Sinonimi e contrari afogu, cària, cumbata, impodha, inzotu, istimpida, matana, mugna, pista, pistapone, podha Traduzioni Francese prodrome, anxiété, agitation Inglese warning sign, labour, anxiety, disease attack Spagnolo arrebato Italiano attacco di male, pròdromo, affanno, agitazióne Tedesco Anfall, Prodrom, Angst, Aufregung.

assúpidu , nm: assupu, súpidu Definizione s'alenu chi s'intendhet in is bruncos o in prumones de chie respirat male (po maladia) o a forte (po pelea chi at leau) Sinonimi e contrari acalamamentu, afandha, afodogu, afogu, assenegu, assubentu, bémida, irbúfida, supedhu Frasi currendho a cuadhu intendhiat s'assúpidu de s'animale ◊ no dh'intendhes s'assúpidu de su minadore aferrau a s'orroca? (I.Patta) Etimo srd. Traduzioni Francese essoufflement Inglese breathlessness Spagnolo jadeo Italiano affanno Tedesco Atemnot.

atzànu , nm Sinonimi e contrari cària, matana, múngia, pista Frasi malu atzanu si ndh'est leanne! Traduzioni Francese peine Inglese pain Spagnolo ansiedad, pena Italiano affanno, péna Tedesco Sorge.

impeléu , nm Sinonimi e contrari apeleu, bataria, iscrevedhu, pelea Frasi cussas sunt cosas chi nos daent impeleu ◊ custa est sa paga de s'impeleu, de su tantu tribbulare ◊ s'impeleu mi búliat su sàmbene Etimo srd. Traduzioni Francese dérangement, ennui Inglese inconvenience, labour Spagnolo molestia Italiano affanno, incòmodo Tedesco Sorge, Beschwerlichkeit.

pelèa , nf: pellea Definizione s'immarritzone, sa múngia, s'ifadu chi si pigat faendho cosa, trebballandho Sinonimi e contrari apeleu, bataria, fadia, impeleu, istrachidúdine, stragu 1 / cdh. pilea | ctr. discànciu, pasu Frasi su pischedhaju pacu cosa istratzat: si calicuna ndhe ispatzat est a fortza de gherra e de pelea ◊ a bogare preda bi at pelea manna ◊ una de sas peleas prus mannas, poninne e torranne a pònnere custu contu, est istada sa manera de iscríere 2. so semper in pelea, tziricandhe sos ammentos galanos chi una die mi ant allutu su coro (F.Satta)◊ su mundhu est cólumu de peleas ◊ prima de atzapare un'àteru travàgliu ne deves colare de peleas! Etimo spn. pelea Traduzioni Francese fatigue, peine Inglese breathlessness, trouble, labour Spagnolo tute, zurra Italiano fatica, briga, affanno Tedesco Mühe.

peléu , nm: apeleu Definizione totu su chi unu cricat de fàere, fintzes cun múngia, po arrennèscere in ccn. cosa / a p. = a pelea, a trabballu Sinonimi e contrari bataria, impeleu, matana, pelea*, secamentu Frasi nessi in bijone beni pro allebiare dogni peleu! ◊ sa giustíscia tua est in peleu, però no podes coglionare a Deu! ◊ vivo in apretu e in peleu ◊ in piús peleu de sa chi fist ti ses posta como ◊ tue in tribbunale chircas de ti ch'essire dae peleu ◊ pelea e peleu est totu su matessi! ◊ sias prontu a calisiollat peleu po su bèni de s'isposa e de sa famíglia tua! Traduzioni Francese peine, souci Inglese bother Spagnolo molestia, engorro Italiano briga, affanno Tedesco Mühe.