Ditzionàriu in línia
de sa limba e de sa cultura sarda

acalamaméntu , nm Definitzione su acalamare, su torrare àlidu a pelea Sinònimos e contràrios afandha, afogu, assenegu, assúpidu, bémida, sàgada Ètimu srd. Tradutziones Frantzesu essoufflement Ingresu worry Ispagnolu jadeo Italianu affanno Tedescu Atemnot.

afàndha , nf, nm: afandhu, afanna, afànnidu, afannu Definitzione respiru peleosu, assúpidu, de chie at curtu meda o portat neghe a prumones; genia de suferéntzia Sinònimos e contràrios acalamamentu, afogu, assenegu, assubentu, bémida, sàgada, sufrata / afàsciu, agiu Frases cursas e afandhas ◊ candho semus arribbados a s'ispuntone, zuchiat s'afandha e si est firmadu 2. est tempus sentz'afannos e ne fastizos, de ispassu de cuntentos ◊ no so betza de annos ma de afannos Ètimu itl. Tradutziones Frantzesu essoufflement Ingresu labour Ispagnolu jadeo Italianu affanno Tedescu Atemnot.

allacanónzu , nm Sinònimos e contràrios allacamentu, allacanadura, allacanamentu, bàtima, sufrata Ètimu srd. Tradutziones Frantzesu essoufflement, épuisement Ingresu breathlessness, ousting Ispagnolu jadeo, postración Italianu affanno, spossatézza Tedescu Atemnot, Erschöpfung.

apeléu , nm: peleu Definitzione totu su chi unu cricat de fàere, fintzes cun pelea, po arrennèscere in ccn. cosa pruschetotu difícile / pònnere a. = fai nàsciri crosidadi, disígiu de isciri, de biri Sinònimos e contràrios afarru, bataria, impeleu, matana, pelea*, pelei, segamentu Frases t'ispinghet a tantu s'apeleu de cherrer diventare unu portentu? ◊ a lu tenet s'apeleu cun cussa cosa, faghindhe e chentza bi poder resèssere! 2. s'iscusórgiu poniat apeleu a su pastoredhu e po pedire cossígios est andhau a babbai ◊ sa gente ispetàt cun apeleu is festas e sa gara de is cantadores Tradutziones Frantzesu souci, ennui, peine Ingresu trouble Ispagnolu esfuerzo Italianu affanno, briga Tedescu Sorge.

arrebàtu , nm: rebatu* Definitzione atacu de una maladia (es. de callentura); arrebbentu, múngia, pelea po calecuna cosa Sinònimos e contràrios afogu, cària, cumbata, impodha, inzotu, istimpida, matana, mugna, pista, pistapone, podha Tradutziones Frantzesu prodrome, anxiété, agitation Ingresu warning sign, labour, anxiety, disease attack Ispagnolu arrebato Italianu attacco di male, pròdromo, affanno, agitazióne Tedescu Anfall, Prodrom, Angst, Aufregung.

assúpidu , nm: assupu, súpidu Definitzione s'alenu chi s'intendhet in is bruncos o in prumones de chie respirat male (po maladia) o a forte (po pelea chi at leau) Sinònimos e contràrios acalamamentu, afandha, afodogu, afogu, assenegu, assubentu, bémida, irbúfida, supedhu Frases currendho a cuadhu intendhiat s'assúpidu de s'animale ◊ no dh'intendhes s'assúpidu de su minadore aferrau a s'orroca? (I.Patta) Ètimu srd. Tradutziones Frantzesu essoufflement Ingresu breathlessness Ispagnolu jadeo Italianu affanno Tedescu Atemnot.

atzànu , nm Sinònimos e contràrios cària, matana, múngia, pista Frases malu atzanu si ndh'est leanne! Tradutziones Frantzesu peine Ingresu pain Ispagnolu ansiedad, pena Italianu affanno, péna Tedescu Sorge.

impeléu , nm Sinònimos e contràrios apeleu, bataria, iscrevedhu, pelea Frases cussas sunt cosas chi nos daent impeleu ◊ custa est sa paga de s'impeleu, de su tantu tribbulare ◊ s'impeleu mi búliat su sàmbene Ètimu srd. Tradutziones Frantzesu dérangement, ennui Ingresu inconvenience, labour Ispagnolu molestia Italianu affanno, incòmodo Tedescu Sorge, Beschwerlichkeit.

pelèa , nf: pellea Definitzione s'immarritzone, sa múngia, s'ifadu chi si pigat faendho cosa, trebballandho Sinònimos e contràrios apeleu, bataria, fadia, impeleu, istrachidúdine, stragu 1 / cdh. pilea | ctr. discànciu, pasu Frases su pischedhaju pacu cosa istratzat: si calicuna ndhe ispatzat est a fortza de gherra e de pelea ◊ a bogare preda bi at pelea manna ◊ una de sas peleas prus mannas, poninne e torranne a pònnere custu contu, est istada sa manera de iscríere 2. so semper in pelea, tziricandhe sos ammentos galanos chi una die mi ant allutu su coro (F.Satta)◊ su mundhu est cólumu de peleas ◊ prima de atzapare un'àteru travàgliu ne deves colare de peleas! Ètimu spn. pelea Tradutziones Frantzesu fatigue, peine Ingresu breathlessness, trouble, labour Ispagnolu tute, zurra Italianu fatica, briga, affanno Tedescu Mühe.

peléu , nm: apeleu Definitzione totu su chi unu cricat de fàere, fintzes cun múngia, po arrennèscere in ccn. cosa / a p. = a pelea, a trabballu Sinònimos e contràrios bataria, impeleu, matana, pelea*, secamentu Frases nessi in bijone beni pro allebiare dogni peleu! ◊ sa giustíscia tua est in peleu, però no podes coglionare a Deu! ◊ vivo in apretu e in peleu ◊ in piús peleu de sa chi fist ti ses posta como ◊ tue in tribbunale chircas de ti ch'essire dae peleu ◊ pelea e peleu est totu su matessi! ◊ sias prontu a calisiollat peleu po su bèni de s'isposa e de sa famíglia tua! Tradutziones Frantzesu peine, souci Ingresu bother Ispagnolu molestia, engorro Italianu briga, affanno Tedescu Mühe.