Ditzionàriu in línia
de sa limba e de sa cultura sarda

acalamaméntu , nm Definition su acalamare, su torrare àlidu a pelea Synonyms e antonyms afandha, afogu, assenegu, assúpidu, bémida, sàgada Etymon srd. Translations French essoufflement English worry Spanish jadeo Italian affanno German Atemnot.

afàndha , nf, nm: afandhu, afanna, afànnidu, afannu Definition respiru peleosu, assúpidu, de chie at curtu meda o portat neghe a prumones; genia de suferéntzia Synonyms e antonyms acalamamentu, afogu, assenegu, assubentu, bémida, sàgada, sufrata / afàsciu, agiu Sentences cursas e afandhas ◊ candho semus arribbados a s'ispuntone, zuchiat s'afandha e si est firmadu 2. est tempus sentz'afannos e ne fastizos, de ispassu de cuntentos ◊ no so betza de annos ma de afannos Etymon itl. Translations French essoufflement English labour Spanish jadeo Italian affanno German Atemnot.

allacanónzu , nm Synonyms e antonyms allacamentu, allacanadura, allacanamentu, bàtima, sufrata Etymon srd. Translations French essoufflement, épuisement English breathlessness, ousting Spanish jadeo, postración Italian affanno, spossatézza German Atemnot, Erschöpfung.

apeléu , nm: peleu Definition totu su chi unu cricat de fàere, fintzes cun pelea, po arrennèscere in ccn. cosa pruschetotu difícile / pònnere a. = fai nàsciri crosidadi, disígiu de isciri, de biri Synonyms e antonyms afarru, bataria, impeleu, matana, pelea*, pelei, segamentu Sentences t'ispinghet a tantu s'apeleu de cherrer diventare unu portentu? ◊ a lu tenet s'apeleu cun cussa cosa, faghindhe e chentza bi poder resèssere! 2. s'iscusórgiu poniat apeleu a su pastoredhu e po pedire cossígios est andhau a babbai ◊ sa gente ispetàt cun apeleu is festas e sa gara de is cantadores Translations French souci, ennui, peine English trouble Spanish esfuerzo Italian affanno, briga German Sorge.

arrebàtu , nm: rebatu* Definition atacu de una maladia (es. de callentura); arrebbentu, múngia, pelea po calecuna cosa Synonyms e antonyms afogu, cària, cumbata, impodha, inzotu, istimpida, matana, mugna, pista, pistapone, podha Translations French prodrome, anxiété, agitation English warning sign, labour, anxiety, disease attack Spanish arrebato Italian attacco di male, pròdromo, affanno, agitazióne German Anfall, Prodrom, Angst, Aufregung.

assúpidu , nm: assupu, súpidu Definition s'alenu chi s'intendhet in is bruncos o in prumones de chie respirat male (po maladia) o a forte (po pelea chi at leau) Synonyms e antonyms acalamamentu, afandha, afodogu, afogu, assenegu, assubentu, bémida, irbúfida, supedhu Sentences currendho a cuadhu intendhiat s'assúpidu de s'animale ◊ no dh'intendhes s'assúpidu de su minadore aferrau a s'orroca? (I.Patta) Etymon srd. Translations French essoufflement English breathlessness Spanish jadeo Italian affanno German Atemnot.

atzànu , nm Synonyms e antonyms cària, matana, múngia, pista Sentences malu atzanu si ndh'est leanne! Translations French peine English pain Spanish ansiedad, pena Italian affanno, péna German Sorge.

impeléu , nm Synonyms e antonyms apeleu, bataria, iscrevedhu, pelea Sentences cussas sunt cosas chi nos daent impeleu ◊ custa est sa paga de s'impeleu, de su tantu tribbulare ◊ s'impeleu mi búliat su sàmbene Etymon srd. Translations French dérangement, ennui English inconvenience, labour Spanish molestia Italian affanno, incòmodo German Sorge, Beschwerlichkeit.

pelèa , nf: pellea Definition s'immarritzone, sa múngia, s'ifadu chi si pigat faendho cosa, trebballandho Synonyms e antonyms apeleu, bataria, fadia, impeleu, istrachidúdine, stragu 1 / cdh. pilea | ctr. discànciu, pasu Sentences su pischedhaju pacu cosa istratzat: si calicuna ndhe ispatzat est a fortza de gherra e de pelea ◊ a bogare preda bi at pelea manna ◊ una de sas peleas prus mannas, poninne e torranne a pònnere custu contu, est istada sa manera de iscríere 2. so semper in pelea, tziricandhe sos ammentos galanos chi una die mi ant allutu su coro (F.Satta)◊ su mundhu est cólumu de peleas ◊ prima de atzapare un'àteru travàgliu ne deves colare de peleas! Etymon spn. pelea Translations French fatigue, peine English breathlessness, trouble, labour Spanish tute, zurra Italian fatica, briga, affanno German Mühe.

peléu , nm: apeleu Definition totu su chi unu cricat de fàere, fintzes cun múngia, po arrennèscere in ccn. cosa / a p. = a pelea, a trabballu Synonyms e antonyms bataria, impeleu, matana, pelea*, secamentu Sentences nessi in bijone beni pro allebiare dogni peleu! ◊ sa giustíscia tua est in peleu, però no podes coglionare a Deu! ◊ vivo in apretu e in peleu ◊ in piús peleu de sa chi fist ti ses posta como ◊ tue in tribbunale chircas de ti ch'essire dae peleu ◊ pelea e peleu est totu su matessi! ◊ sias prontu a calisiollat peleu po su bèni de s'isposa e de sa famíglia tua! Translations French peine, souci English bother Spanish molestia, engorro Italian briga, affanno German Mühe.