Ditzionàriu in línia
de sa limba e de sa cultura sarda

agiorràre , vrb rfl: azorrare Definizione pigare matana, múngia, po calecuna cosa o chistione, su si dha pònnere a coro Sinonimi e contrari agiorridare, aporare Frasi tantu de su piantu no ti azorres! Etimo srd. Traduzioni Francese s'affliger, se faire du souci Inglese to grieve Spagnolo afligirse Italiano afflìggersi, angustiarsi Tedesco sich betrüben.

apeléu , nm: peleu Definizione totu su chi unu cricat de fàere, fintzes cun pelea, po arrennèscere in ccn. cosa pruschetotu difícile / pònnere a. = fai nàsciri crosidadi, disígiu de isciri, de biri Sinonimi e contrari afarru, bataria, impeleu, matana, pelea*, pelei, segamentu Frasi t'ispinghet a tantu s'apeleu de cherrer diventare unu portentu? ◊ a lu tenet s'apeleu cun cussa cosa, faghindhe e chentza bi poder resèssere! 2. s'iscusórgiu poniat apeleu a su pastoredhu e po pedire cossígios est andhau a babbai ◊ sa gente ispetàt cun apeleu is festas e sa gara de is cantadores Traduzioni Francese souci, ennui, peine Inglese trouble Spagnolo esfuerzo Italiano affanno, briga Tedesco Sorge.

apiniòni , nf: opinnioni Definizione genia de pentzamentu malu a bogare de conca po calecuna cosa chi si timet, no si bolet o no praghet Sinonimi e contrari apensamentu, arraolu, cimbella, intabatzu, pedighinu, pedine, pestighinzu Frasi no tengiais apinioni po su chi papais o bufais! ◊ sa vida tenit is apinionis suas ◊ tui ses sempri beridadosu e no ti ponis apinioni de su chi narat sa genti (Ev)◊ cun s'opinnioni de depi movi a fai is fainas si ndi furiat iscidau ◊ dèu portà s'apinioni de mi morri! Traduzioni Francese préoccupation, inquiétude, souci Inglese preoccupation Spagnolo preocupación Italiano preoccupazióne Tedesco Sorge.

atrafúdhu , nm: atrufudhu Definizione su atrufudhare, s’atrufudhamentu chi faet sa cosa; genia de dispraxere po calecuna cosa Sinonimi e contrari abbródhiu, annógiu, bischiza, bústica, istrugnu, labbrione, pussàgiu / pesadura Etimo srd. Traduzioni Francese renflement, souci Inglese swelling, worry Spagnolo hinchazón, disgusto Italiano rigonfiaménto, crùccio Tedesco Anschwellung, Kummer.

bellòre , nm Definizione frore de cada mese, erba de frore, sicia móssia Sinonimi e contrari concuda 4, pudibudi, sicia 1 Frasi de bellore e sennoredhas sunt càrrigas sas cresuras Terminologia scientifica rba, Calendula officinalis Traduzioni Francese souci Inglese firecrest Spagnolo caléndula Italiano fiorràncio Tedesco Gartenringelblume.

cimbèlla , nf Definizione pistighíngiu, pentzamentu po calecuna cosa / ponnirisí c. po ccn. = leàresi pessamentu pro ccn. Sinonimi e contrari apinioni, apinnicu, franédiga, intabatzu, pensamentu, pidinu Frasi de annus mi agatu in su letu e mi pigu cimbella de is malis de is àterus! ◊ tenemu una cimbella, pentzendi a sa pipia, po cuss'ogu! ◊ ndi portas de cimbellas in conca!…◊ cimbella tengu dèu, ca mairu miu est malàdiu!… Traduzioni Francese souci Inglese worry Spagnolo preocupación Italiano preoccupazióne Tedesco Sorge.

contribbulatziòne, contribbulatziòni , nf Definizione cosa chi faghet penoriare, sufrire, istare male Sinonimi e contrari ifadu, penória, tribbulia | ctr. gosa Etimo srd. Traduzioni Francese ennui, souci Inglese bother, torment Spagnolo molestia, tormento Italiano seccatura, torménto Tedesco Belästigung.

faltízu , nm: fastégiu, fastígiu 1, fastizu Definizione genia de sufrimentu de s'ànima, ma fintzes istrobbu, ifadu, mescamente chi durat a meda / alliviare sos fastizos Sinonimi e contrari afannia, afannu, ammóniu, apensamentu, agiu, axiori, patimentu / ifadu, pertoja Frasi si pones fatu insoro ndh'essis macu cun fastizos e istragos ◊ so proendhe sos fastizos de sa pérdida de mamma ◊ che leat dae su coro onzi fastizu si est sa persona angustiada ◊ abburrit patimentos e fastizos ◊ s'amore no morit mancu in sos fastizos ◊ cussu no tenet ne fizos e ne fastizos ◊ ses meledendhe sa manera de mi pònnere in fastizu! ◊ dhi fut mortu su pobidhu e no biiat essida a custu fastígiu mannu 2. custa pudha no at dadu mai fastizu a nisciunu ◊ amus bidu mamas frundhendhe sos fizos solu pro èssere netas de fastizos (G.A.Cossu)◊ sa pudhedra si lassat ferrare chena fastizu Cognomi e Proverbi prb: sos fizos sunt fastizos Etimo itl. fastiggiare Traduzioni Francese gêne, ennui, souci Inglese bother Spagnolo fastidio, molestia (f) Italiano fastìdio, seccatura prolungata Tedesco Qual, Belästigung.

fràzu , nm, agt Definizione su bènnere mancu de sa cosa posta a fàere una faina, trebballu, isfortzu, e fintzes su pentzare cun dispraxere a calecuna cosa chi no andhat bene; chi est frazadu Sinonimi e contrari consumu / dispiachere, impudu Frasi restant de afidare luego, cun pagu frazu, ca, tantu, sa picioca puru est chena parentes ◊ bi ant fatu abbusos, frazos, dannos ◊ làssala inoghe a manigare, a fiza tua, no tet èssere su frazu de!… 2. bestit frazu e lutuosu mantu Cognomi e Proverbi prb: male cuadu, frazu de pubidha Etimo srd. Traduzioni Francese usure, souci Inglese wearing out, grief Spagnolo desgaste, disgusto Italiano logorìo, crùccio Tedesco Abnutzung, Kummer.

innaéntu , nm Sinonimi e contrari annaentu, ifadu, istrobbu Frasi no suporto s'abbolotu cun sos innaentos ◊ za lu tenet s'innaentu, cussu cristianu!…◊ a s'innaentu chi podes dare a mie no bi penses! Etimo srd. Traduzioni Francese souci, ennui Inglese problem, nuisance, bore Spagnolo preocupación, molestia Italiano grattacapo, fastìdio, nòia Tedesco Sorge, Überdruß.

intabàtzu , nm Definizione genia de pentzamentu, de arriolu Sinonimi e contrari apinioni, apinnicu, arriolu, cimbella, pedighinu, pedine, pestighinzu Frasi tue ti leas intabatzu pro donzi cosighedha (G.Ruju)◊ no ti ndhe les de intabatzu pro s'annada! ◊ ma làssami custu intabatzu! ◊ sa mannedha si aiat leadu tantu intabatzu pro l'asciutare ca fit recuidu tilciulone Traduzioni Francese souci, angoisse Inglese anguish, worry Spagnolo preocupación Italiano preoccupazióne, angòscia Tedesco Sorge.

peléu , nm: apeleu Definizione totu su chi unu cricat de fàere, fintzes cun múngia, po arrennèscere in ccn. cosa / a p. = a pelea, a trabballu Sinonimi e contrari bataria, impeleu, matana, pelea*, secamentu Frasi nessi in bijone beni pro allebiare dogni peleu! ◊ sa giustíscia tua est in peleu, però no podes coglionare a Deu! ◊ vivo in apretu e in peleu ◊ in piús peleu de sa chi fist ti ses posta como ◊ tue in tribbunale chircas de ti ch'essire dae peleu ◊ pelea e peleu est totu su matessi! ◊ sias prontu a calisiollat peleu po su bèni de s'isposa e de sa famíglia tua! Traduzioni Francese peine, souci Inglese bother Spagnolo molestia, engorro Italiano briga, affanno Tedesco Mühe.

penciaméntu , nm: apensamentu, pensamentu, pentzamentu, pesciamentu, pessamentu Definizione s'atividade de sa mente, is ideas chi si cunsiderant e cuncordant; idea firma de candho si timet o si bolet calecuna cosa Sinonimi e contrari immaginamentu, ispispinzu, pensada, penseri, pensu / agiu, apinnicu, arraolu, ildinu, intabatzu, pedighinu, pedine, pestighinzu / ttrs. pinsamentu | ctr. assussegu Modi di dire csn: afinare su pentzamentu = pentzai prus a fundu, cun prus precisioni; bèniri in p. = bènnere s'idea a conca; nàrrere, fàghere a p. = fuedhai, fai sentza de isciri sa cosa, a brétiu, isceti po comenti unu si dha pentzat; leàresi p., learesila a p. = tènniri coidu, arriolu, pigaisí p.; àere p. de calecuna cosa o chistione = pensare cun pinnicu, cun oriolu a calecuna cosa; bogaresiche unu p. = fai su chi unu teniat pentzamentu de depi fai (e aici no dhui pentzat prus); servire a unu a p. = bene meda, chirchendhe de ndhe cumprèndhere cun antibitzu ite cheret s'àteru Frasi in custu puntu meda apo pecau in òperas e in malu penciamentu ◊ totus funt po tui is pentzamentus chi formu! ◊ fissa ti giuto ancora in pensamentu! ◊ chentu pessamentos li mulinabant in conca ◊ est arroliendu ma no arrennescit a callai pensamentu ◊ li est bénniu unu pessamentu a conca ◊ l'afinat su pessamentu candho depet fàghere una cosa de remédiu! ◊ de su pentzamentu no mi ndi andas mai, tui! ◊ non t’intret in coro custu pesciamentu tortu! (Bb) 2. za mi ndhe ses ponindhe de pessamentos in conca, fizu meu!…◊ bai, immoi, ninnedhu: mammai at a èssi in pentzamentu! ◊ no bos pichedes pessamentu si istento! ◊ no istes in tristura, ne in dispiaghere o pensamentu! ◊ lu tenzo a pessamentu a fàghere cussa cosa ◊ petzi bi cheriat cussu pessamentu puru, como!…◊ apo comporadu su regalu pro s'isposonzu de fizolu tou: e bogadu cussu pessamentu! 3. dèu gei dh'apu cumpréndia, mi dh'apu fata a pentzamentu! ◊ no faedhedas a pessamentu, candho no ischides! 4. cussu trancuillone no si leat pessamentu! 5. no bi at bisonzu de l'irvapiare, ca mi servit cun su pessamentu! (G.Ruju)◊ a maridu meu lu servo a pessamentu Etimo srd. Traduzioni Francese pensée, souci, sollicitude Inglese thought, care Spagnolo pensamiento, preocupación Italiano pensièro, preoccupazióne, sollecitùdine Tedesco Denken, Gedanke, Sorge.

sicía 1 , nf Definizione frore de cada mese, erba de frore, sicia móssia Sinonimi e contrari bellore, concuda 4, pudibudi Terminologia scientifica rba, calendula officinalis Traduzioni Francese souci (bot.) Inglese pot marigold Spagnolo caléndula Italiano fiorràncio, calèndola Tedesco Ringelblume.