Legenda Incurtzaduras | Legenda Sìmbulos

annéu , nm Definitzione css. cosa chi giaet ifadu, ma mescamente chi faet pèrdere su bonumore, sa cuntentesa, chi ponet in tristura, dispraxere forte Sinònimos e contràrios annéulu, annicu, annógiu, agiu, triltura | ctr. allegria, cuntentesa, trancuillidade Frases canto pro mi allejare carchi anneu ◊ not'e anneu chena una lumera e in coro meu no bi at un'ispera! (L.Marielli)◊ in anneu so sempre ca mortu est su balente! ◊ ridiant e irmentigaiant sos anneos ◊ sunt tristos in anneu ◊ custos no sunt anneos, ma colpos chi istremutint su leone! Ètimu srd. Tradutziones Frantzesu tristesse, affliction Ingresu sadness, affliction Ispagnolu tristeza, aflicción Italianu tristézza, afflizióne Tedescu Betrübnis.

annéulu , nm Definitzione su èssere o istare unu pagu tristos, oféndhios o àteru deasi Sinònimos e contràrios anneu, annicu, triltura Ètimu srd. Tradutziones Frantzesu peine, ennui, tristesse Ingresu sorrow, sadness, bother Ispagnolu molestia, tristeza Italianu péna, fastìdio, tristézza Tedescu Leid, Sorge, Traurigkeit.

annícu , nm Definitzione su èssere tristos, pirmaos, oféndhios Sinònimos e contràrios annéulu, triltura | ctr. allegria, cuntentesa, prégiu Frases s'annicu mannu chi l'intreit ora pr'ora li fateit ismentigare su rispetu ◊ sighis cun annicu chentz'alligu de sa preneta, chentza perunu aficu ◊ agiummai ti si paret s'annicu, pischendhe chena piscare nudha Ètimu srd. Tradutziones Frantzesu tristesse, mauvaise humeur Ingresu sadness, bad mood Ispagnolu tristeza, mal humor Italianu tristézza, malumóre Tedescu Traurigkeit, schlechte Laune.

annugiòri , nm Definitzione su èssere annogiaos, tristos, primmaos Sinònimos e contràrios annógiu, triltura | ctr. allegria, cuntentesa Frases fiat trista, prena de annugiori ◊ ses pòbura de dinai, bidha mia, ma no bivast is diis in annugiori! Ètimu srd. Tradutziones Frantzesu mélancolie, vague tristesse Ingresu sadness Ispagnolu tristeza Italianu mestìzia Tedescu Betrübnis.

triltúra , nf: tristura Definitzione su èssere tristos, dispràxios meda / sonare a t. = tocu de campana po unu mortu, bonamorti, ispiru; falare, assèndhere sa tristura a unu = intristare Sinònimos e contràrios abbatimentu, acoradura, aflissione, afrigimentu, anneu, annógiu, pesari, primori 1, scoramentu, tristia | ctr. allegria, cuntentesa Maneras de nàrrere csn: sonare a t. = tocu de campana pro unu mortu, bonamorti; falare, assèndhere sa tristura a unu = intristare Frases canta, duncas, cudhu cantu inimigu de sa tristura! ◊ aici fut su distinu, de mi lassai in tristura, pobidhu miu! ◊ candho si faedhat de postos de tribàgliu chi si podent pèrdere ndhe risultat una tristura chi no si podet contare Ètimu ctl., spn. tristura Tradutziones Frantzesu tristesse, mélancolie Ingresu sadness Ispagnolu tristeza Italianu tristézza, malinconia Tedescu Traurigkeit, Melancholie.

tristía , nf Definitzione su èssere tristos Sinònimos e contràrios anneu, annicu, triltura, tristesa | ctr. allegria Frases antiga domo mia, recreu de su meu pensamentu, abblandhas sa tristia e ispannas su coro a su cuntentu (P.Fae)◊ est fughiu in cherta de dare aficu a sas pupias issaghinadas de arcana tristia ◊ ndhe at tristia manna, iteu, pro èssere istadu leadu a traste de un'àteru pecadu ◊ zuchet sos ocros lúchidos de tristia Tradutziones Frantzesu tristesse Ingresu sadness Ispagnolu tristeza Italianu tristézza Tedescu Traurigkeit.

«« Torra a chircare