brutèsa , nf: burtesa Definizione àliga (e fintzes ladamíngiu, merda), su èssere brutos, orrughedhu de cosa chi che intrat in s'ogu, o fintzes su male chi si faet Sinonimi e contrari brutia, brutore, brutura / malesa | ctr. limpidore, netesa / bonesa Modi di dire csn: b. de origa = zenia de grassu chi faghent sas ràndhulas de s'origra; b. de topi, de conillus, de brebei, de lèpuri, de bòi = ledàmine, cascasina Frasi seu cadhotzu: no dha bis cantu brutesa dhoi portu in peis cun su pruini de sa bia? ◊ sa brutesa de is animalis dha ponint po fai ladàmini 2. una burtesa in s'ogu portu 3. nemmancu sa calchina de Siniscola ti bastat a pulire sa brutesa, ca sempre giogulana pro profitu cantos ndh'as connotu ndh'as traitu (M.Sanna)◊ totu su chi amus fatu in pitzinnia nos paret oro de prima calidade e no brutesa de mala zenia! Etimo srd. Traduzioni Francese ordure, saleté Inglese filth Spagnolo suciedad Italiano lordume Tedesco Schmutz.

imbrutaméntu , nm Definizione su imbrutare; nau de muros fatos a nou, prima manu de ischedradura (a cimentu modhe meda) giada a fine po apicigare méngius su pígiu chi sighint a pònnere po finire bene su muru, prima manu de crachina po aparigiare is tretighedhos prus a fossu (in muros de pedra); a logos est sa costuma de s’imbuscinare o de fàere imbuscinare a unu, chi at ingortu assíchidu malu, in sa losa de unu mortu, nanca po dhi passare s’efetu… Sinonimi e contrari imbrutadura | ctr. illimpiadura 3. chini teniat un'assúcunu beniat portau a campusantu a cissu o a s'iscurigadórgiu e fatu carrumbulai in sa tumba de unu mortu de repenti: custu furiat s'imbrutamentu (G.P.Mura) Traduzioni Francese barbouillage, ordure Inglese filth Spagnolo ensuciamiento Italiano imbrattaménto Tedesco Beschmutzung.

mughédhu 1 , nm Definizione sodri, brutore, bestimentu brutu Sinonimi e contrari cadhossímini, incràstiu, muga | ctr. limpidore, netesa Frasi gighet bestes cun su mughedhu a segare a fitas ◊ bogadiche cussu mughedhu e pònedi sa robba neta! ◊ custu istaiat in mesu de su mughedhu ◊ como s'abba est totue prena de mughedhu Etimo srd. Traduzioni Francese saleté Inglese filth Spagnolo suciedad Italiano sporcìzia Tedesco Schmutzigkeit, Schmutz.

píngu , nm Definizione ógiu, grassu; su èssere grassos, fintzes su brutore grassu de sa pedhe sudada, chentza samunare, su fragu malu chi dhi essit / p. de usciadinu = fragu de abbruschiadura; acoglire su p. = tènnereche o piscare s'ozu, su grassu Sinonimi e contrari cadràngia, caldíngiu, muga Etimo ttrs, crsn. Traduzioni Francese saleté, puanteur Inglese filth Spagnolo mugre Italiano sudiciume, lézzo Tedesco Schmutz, Gestank.

súdre , nm Sinonimi e contrari brutore, cadhossímini, cadràngia, lorra, muga, sodri Etimo srd. Traduzioni Francese saleté Inglese filth Spagnolo suciedad, mugre Italiano sudiciume Tedesco Schmutz.

tartàdhu , nm: tratadhu Definizione muga meda, brutore a pígiu, a crosta Sinonimi e contrari brutore, cadràngia, cadhossímini, caldíngiu, muga, sudre Frasi bae chi ti nche irménticant sos achicos de mama… as a issire prenu de tratadhu si cojubas chin cussa! ◊ su fracu de sa feche si misturabbat chin su fracu de su tratadhu ◊ sa franella no si cumprendhiat de ite colore fit de su tratadhu chi zuchiat Etimo ltn. tartarum Traduzioni Francese saleté Inglese filth Spagnolo suciedad, mugre Italiano sudiciume Tedesco Schmutz.

«« Cerca di nuovo