Ditzionàriu in línia
de sa limba e de sa cultura sarda

abbruncàda , nf Definizione atumbada o cropu a murros, cun is murros; cosa chi si narat coment’e avertimentu, briga; atumbada de malascigura a calecuna cosa Sinonimi e contrari irmurrada, irruncada, sbruncada / avertimentu / atumbada 3. dogni abbruncada est a su pódhighe malu… (Z.Zazzu) Etimo srd. Traduzioni Francese claque, heurt Inglese slap in the face, bump Spagnolo tortazo, morrada, choque Italiano mostaccióne, urto Tedesco Hieb auf die Schnauze, Aufprall.

atapàda , nf Definizione cropu chi si giaet a ccn. cosa o a ccn. logu / leare o dare a. Sinonimi e contrari addóbbida, atàbbida, atopu 1, atumbada, atzapulada, imbrúnchinu, imbrunchioni, irdumbonada, istumbaratzada, trambucada Frasi a su pódhighe malu dogni atapada! ◊ no bi lu naraiat in cara ma… onzi atapada fit a su pódhighe malàidu! ◊ un'isterzu totu tzurumbones conta chi ndh'at leadu de atapadas!…◊ si ndhe li daes un'àtera, de atapada, cuss'isterzu si segat! Etimo srd. Traduzioni Francese coup, choc Inglese ìmpact Spagnolo golpe, choque Italiano urto Tedesco Stoß.

atumbàda , nf: atzumbada, tumbada Definizione cropu chi, de malesaura o apostadamente, si giaet a calecuna cosa Sinonimi e contrari abbrúnciu, addóbbida, atàbbida, atopu 1, atúmbidu, atzapulada, imbrúnchinu, imbrunchioni, irdumbonada, istumbada, istumbaratzada, stumbamentu / cdh. atumbata / agghégiu Frasi dogni atzumbada a su pódhighe malàidu! ◊ mi donat un'atumbada su mascu… e seu abarrau cuíndixi dis itzopu! Etimo srd. Traduzioni Francese choc, coup Inglese collision Spagnolo choque, golpe Italiano urto, cozzata Tedesco Stoß.

atumbadúra , nf: atzumbadura, tumbadura Definizione su atumbare, su tzumbare Sinonimi e contrari atúmbidu, atumbu Etimo srd. Traduzioni Francese heurt Inglese butt Spagnolo choque Italiano cozzatura Tedesco Stoßen.

atúmbidu, atúmbiru , nm Definizione cropu chi, de malesaura o apostadamente, si giaet a calecuna cosa o logu, mescamente su cropu de is mascos gherrandho; fintzes su tzàcurru de su cropu Sinonimi e contrari abbrúnciu, atàbbida, atopu 1, atumbada, atumbu, atzapulada, imbrúnchinu, imbrunchioni, istumbada, stumbamentu Frasi sa barca at donau un'atúmbidu contras a s'aprodéndiu 2. at inténdiu un'atúmbiru apalas de una porta Etimo srd. Traduzioni Francese heurt Inglese collision Spagnolo cornada, choque Italiano còzzo Tedesco Stoß.

incotzàda , nf Definizione su incotzare; cropu chi si giaet iscudendhosiche a pitzu de s'àteru de parte de apalas; nau in cobertantza, ispinta de gente chi podet po fàere bínchere a ccn. chentza méritu unu cuncursu o dhi fàere otènnere calecuna cosa Sinonimi e contrari atapada, atumbada, stumbada / acotzu, apógiu, ispinta 2. sa màchina chi zughiat addainanti si fit frimmendhe e isse sighindhe a cúrrere chentza si ndhe abbizare li at dadu un'incotzada Etimo srd. Traduzioni Francese tamponnement, poussée Inglese collision, push Spagnolo choque, empuje, enchufe Italiano tamponaménto, spinta Tedesco Stopfen, Schieben.

irdumbonàda , nf Definizione cropu forte, addobbada a calecunu logu, o de cosas chi si atumbant apare Sinonimi e contrari atapada, atumbada, irdumbada Traduzioni Francese collision Inglese collision Spagnolo choque Italiano collisióne Tedesco Zusammenstoß.

tumbàda , nf: atumbada*, tzumbada Definizione su tumbare, cropu, atumbada a calecunu logu; foedhandho de càntigos a tenore, pesada a cantare, su cuménciu Sinonimi e contrari abbruncu, atapada, istumbada / istumbada 1, tumburinada / cdh. tumbata Frasi sunt mortos pro una tumbada de màchinas Traduzioni Francese heurt Inglese collision Spagnolo choque Italiano urto, cozzata Tedesco Stoß.