Ditzionàriu in línia
de sa limba e de sa cultura sarda

caléschidu , pps, agt: caréschidu Definizione de calèschere; alligru che musca, prexau che una pasca Sinonimi e contrari allegru, contentu, pregiau, pregiosu | ctr. dispiàchiu, iscuntentu 2. fit totu caléschidu pro su bonu afare chi aiat fatu ◊ già est pagu caréschidu, oe!… Traduzioni Francese content, jubilant Inglese rejoicing Spagnolo contento, regocijado Italiano contènto, gongolante Tedesco fröhlich.

conténtu , agt, nm: acuntentu, cuntentu Definizione chi est provandho cuntentesa, prexu; s'alléviu, su praxere chi si provat comente passat unu bisóngiu, unu disígiu, una suferéntzia Sinonimi e contrari allegru, apagnau, caléschidu, diciosu, pregiau, pregiosu, satisfau / acuntentamentu, cuntentesa, prégiu, saltifascione, ufania | ctr. dispiàchiu, iscuntentu / dispiachere Modi di dire csn: cuntentu che pasca = prexau meda, cuntentone; èssere malu a c. = malu a cuntentare, chi no si acuntentat gai fàtzile fàtzile; dare su cuntentu a ccn. = acuntentaidhu, donai su chi est circhendi Frasi ndhe so cuntentu meda de comente est andhada ◊ como za est cuntentu ca est cun s'ammorada! ◊ seu cuntenta chi cantit ◊ Luisicu fiat cuntentu de biri a Sara prexada che una pasca 2. a su cuntentu tou siat! ◊ is fillus funt trotus ca dhus pesaus cun totus is cuntentus ◊ deo ndhe aia sos turmentos, àtere sos cuntentos ◊ li lughiant sos ojos de cuntentu (P.Fae)◊ su Signori est acanta in s'ora de su dolori e de su cuntentu ◊ donat milli cuntentus una mirada tua ◊ chi tenzant fortuna a su cuntentu issoro! Traduzioni Francese content, joie, satisfaction Inglese glad, content, satisfaction Spagnolo contento, contento Italiano contènto, lièto, contentézza, soddisfazióne Tedesco froh, Freude.

cuntentèsa , nf Definizione su èssere o istare cuntentos, sentidu de gosu, de praxere / no ischire inue ndh'istare de sa c. = no càpiri in pannus de su prexu Sinonimi e contrari aggaju, ajubore, allegria, biadesa, bríllida, contentu, gosa, prégiu, ufania | ctr. annicu, dispiachere, dispiaghéntzia, iscuntentesa, triltura Frasi cussa sciumana de genti est a itzérrius de prexu e de cuntentesa ◊ deo de sa cuntentesa no parabo! ◊ no ischit inue ndh'istare de sa cuntentesa ◊ sa cuntentesa li fit durada pagu ca l'est bénnidu custu dolore de non poder istare ◊ bella sa cuntentesa chi no ti donant trabballu!… Traduzioni Francese joie Inglese contentment Spagnolo contento Italiano contentézza, giòia, gàudio Tedesco Freude.

ispàju , nm: ispraju, spaju Definizione prexu mannu, alligria meda, divertimentu Sinonimi e contrari allegria, bríllida, cuntentesa, gosamentu, gosa, lobru, reconsizu / ispantu, meravígia Frasi sa limba sarda est bona a totu sos ispajos de sa natura e a totu sos sentidos de s'ànimu umanu (F.Màsala)◊ luna de su mese de maju, s'ispaju ses de sa zente! ◊ a sa festa bi andhat zente meda in chirca de ispaju ◊ in sas garas de Còntene s'ispaju fit asseguradu ◊ ca mi faghes ispaju, de te no mi ndhe poto ispònnere 2. càglia! càglia! ti bogo da'ingannu: no bi at bisonzu chi fetas ispaju! (P.Casu) Traduzioni Francese joie, jubilation, merveille Inglese content, joy, wonder Spagnolo contento, júbilo, maravilla Italiano contentézza, giùbilo, meravìglia Tedesco Zufriedenheit, Jubel, Verwunderung.

pregiàu , agt: presau, prexau, prezau Definizione chi tenet o giaet a bíere cuntentesa, alligria, chi est cuntentu / p. che una pasca = meda Sinonimi e contrari allegru, caléschidu, contentu, festosu, pregiosu | ctr. annicadu, dispiàchiu, tristu Frasi Deus iat agatau su coru de is piciocas sentzeru, límpiu e prexau ◊ gei fut prexadedhu ca sa picioca sua fut badhendi cun d-un'àteru!…◊ ciai at a èssi pregiau, su fradi, candu iscít de custa chistioni, po comenti est gelosu!…◊ s'organizadore est prezau meda de sa discussione chi ant fatu Traduzioni Francese content Inglese glad Spagnolo contento Italiano contènto Tedesco glücklich, froh.

pregiósu , agt: prexosu Definizione chi est provandho cuntentesa, giaendho a bíere alligria Sinonimi e contrari allegru, caléschidu, contentu, pregiau | ctr. annicadu, dispiàchiu, tristu Frasi furiat prexosu po sa pentzada de su gopai Etimo srd. Traduzioni Francese joyeux, gai Inglese merry Spagnolo alegre, contento, risueño Italiano gioióso, lièto Tedesco fröhlich, froh.