Ditzionàriu in línia
de sa limba e de sa cultura sarda

caléschidu , pps, agt: caréschidu Definitzione de calèschere; alligru che musca, prexau che una pasca Sinònimos e contràrios allegru, contentu, pregiau, pregiosu | ctr. dispiàchiu, iscuntentu 2. fit totu caléschidu pro su bonu afare chi aiat fatu ◊ già est pagu caréschidu, oe!… Tradutziones Frantzesu content, jubilant Ingresu rejoicing Ispagnolu contento, regocijado Italianu contènto, gongolante Tedescu fröhlich.

conténtu , agt, nm: acuntentu, cuntentu Definitzione chi est provandho cuntentesa, prexu; s'alléviu, su praxere chi si provat comente passat unu bisóngiu, unu disígiu, una suferéntzia Sinònimos e contràrios allegru, apagnau, caléschidu, diciosu, pregiau, pregiosu, satisfau / acuntentamentu, cuntentesa, prégiu, saltifascione, ufania | ctr. dispiàchiu, iscuntentu / dispiachere Maneras de nàrrere csn: cuntentu che pasca = prexau meda, cuntentone; èssere malu a c. = malu a cuntentare, chi no si acuntentat gai fàtzile fàtzile; dare su cuntentu a ccn. = acuntentaidhu, donai su chi est circhendi Frases ndhe so cuntentu meda de comente est andhada ◊ como za est cuntentu ca est cun s'ammorada! ◊ seu cuntenta chi cantit ◊ Luisicu fiat cuntentu de biri a Sara prexada che una pasca 2. a su cuntentu tou siat! ◊ is fillus funt trotus ca dhus pesaus cun totus is cuntentus ◊ deo ndhe aia sos turmentos, àtere sos cuntentos ◊ li lughiant sos ojos de cuntentu (P.Fae)◊ su Signori est acanta in s'ora de su dolori e de su cuntentu ◊ donat milli cuntentus una mirada tua ◊ chi tenzant fortuna a su cuntentu issoro! Tradutziones Frantzesu content, joie, satisfaction Ingresu glad, content, satisfaction Ispagnolu contento, contento Italianu contènto, lièto, contentézza, soddisfazióne Tedescu froh, Freude.

cuntentèsa , nf Definitzione su èssere o istare cuntentos, sentidu de gosu, de praxere / no ischire inue ndh'istare de sa c. = no càpiri in pannus de su prexu Sinònimos e contràrios aggaju, ajubore, allegria, biadesa, bríllida, contentu, gosa, prégiu, ufania | ctr. annicu, dispiachere, dispiaghéntzia, iscuntentesa, triltura Frases cussa sciumana de genti est a itzérrius de prexu e de cuntentesa ◊ deo de sa cuntentesa no parabo! ◊ no ischit inue ndh'istare de sa cuntentesa ◊ sa cuntentesa li fit durada pagu ca l'est bénnidu custu dolore de non poder istare ◊ bella sa cuntentesa chi no ti donant trabballu!… Tradutziones Frantzesu joie Ingresu contentment Ispagnolu contento Italianu contentézza, giòia, gàudio Tedescu Freude.

ispàju , nm: ispraju, spaju Definitzione prexu mannu, alligria meda, divertimentu Sinònimos e contràrios allegria, bríllida, cuntentesa, gosamentu, gosa, lobru, reconsizu / ispantu, meravígia Frases sa limba sarda est bona a totu sos ispajos de sa natura e a totu sos sentidos de s'ànimu umanu (F.Màsala)◊ luna de su mese de maju, s'ispaju ses de sa zente! ◊ a sa festa bi andhat zente meda in chirca de ispaju ◊ in sas garas de Còntene s'ispaju fit asseguradu ◊ ca mi faghes ispaju, de te no mi ndhe poto ispònnere 2. càglia! càglia! ti bogo da'ingannu: no bi at bisonzu chi fetas ispaju! (P.Casu) Tradutziones Frantzesu joie, jubilation, merveille Ingresu content, joy, wonder Ispagnolu contento, júbilo, maravilla Italianu contentézza, giùbilo, meravìglia Tedescu Zufriedenheit, Jubel, Verwunderung.

pregiàu , agt: presau, prexau, prezau Definitzione chi tenet o giaet a bíere cuntentesa, alligria, chi est cuntentu / p. che una pasca = meda Sinònimos e contràrios allegru, caléschidu, contentu, festosu, pregiosu | ctr. annicadu, dispiàchiu, tristu Frases Deus iat agatau su coru de is piciocas sentzeru, límpiu e prexau ◊ gei fut prexadedhu ca sa picioca sua fut badhendi cun d-un'àteru!…◊ ciai at a èssi pregiau, su fradi, candu iscít de custa chistioni, po comenti est gelosu!…◊ s'organizadore est prezau meda de sa discussione chi ant fatu Tradutziones Frantzesu content Ingresu glad Ispagnolu contento Italianu contènto Tedescu glücklich, froh.

pregiósu , agt: prexosu Definitzione chi est provandho cuntentesa, giaendho a bíere alligria Sinònimos e contràrios allegru, caléschidu, contentu, pregiau | ctr. annicadu, dispiàchiu, tristu Frases furiat prexosu po sa pentzada de su gopai Ètimu srd. Tradutziones Frantzesu joyeux, gai Ingresu merry Ispagnolu alegre, contento, risueño Italianu gioióso, lièto Tedescu fröhlich, froh.