Legenda Abbreviazioni | Legenda Simboli

fenòmenu , nm Definizione in física e in natura, css. cosa chi acontesset: dónnia novidade o efetu físicu chi podet èssere in calecuna manera osservau; si narat fintzes coment’e cosa de ispantu Traduzioni Francese phénomène Inglese wonder Spagnolo fenómeno Italiano fenòmeno Tedesco Phänomen, Wunderding.

intemòre! , iscl: intimore Definizione e ite si!…, bae e crica si!…: dhu narant pruschetotu dudosos timendho ccn. cosa chi podet acontèssere o chi podet èssere acontéssia / intemore si no… = fata si no…, it'abbisóngiu dhoi at de?… Sinonimi e contrari acabore, atamore Frasi intimore si sas berbeghes che sunt intradas a su trigu!… Bae e abbàida!◊ intimore si su pitzinnu at tentu dannu, su istentare goi!… 2. intemore, como, si no che andhades a campu, cun custu fritu! ◊ faghe a imboladura, sa linna: intemore si no est bene assentada!…◊ intemore, como, si no che essides a chircare antunna, a catigare erba ifusta! Traduzioni Francese qui sait, peut-être Inglese I wonder, maybe Spagnolo quizás, quién sabe Italiano chissà Tedesco wer weiß!.

isermòre , nm Definizione cosa o funtzione bella meda, chi incantat, praghet, cosa ispantosa Sinonimi e contrari incantu, ispantu, maravíglia Frasi acudide a s'isermore, pisedhos! ◊ vostè est un'isermore de retentiva, si ammentat cosa de tempus gai meda! ◊ artzade velos de consolu e isermores! ◊ un'ora innanti de atelare s'isermore, su teatru fit prenu ◊ mi apo a ammentare de cust'isermore chi mi bàrriat de disunore pro mi èssere cumportadu de vile ◊ so mirendhe cun ojos de piantu su tristu isermore de su brujadu! (G.Ruju) Traduzioni Francese merveille Inglese wonder Spagnolo encanto Italiano spettàcolo, meravíglia Tedesco Anblick, Wunder.

ispàju , nm: ispraju, spaju Definizione prexu mannu, alligria meda, divertimentu Sinonimi e contrari allegria, bríllida, cuntentesa, gosamentu, gosa, lobru, reconsizu / ispantu, meravígia Frasi sa limba sarda est bona a totu sos ispajos de sa natura e a totu sos sentidos de s'ànimu umanu (F.Màsala)◊ luna de su mese de maju, s'ispaju ses de sa zente! ◊ a sa festa bi andhat zente meda in chirca de ispaju ◊ in sas garas de Còntene s'ispaju fit asseguradu ◊ ca mi faghes ispaju, de te no mi ndhe poto ispònnere 2. càglia! càglia! ti bogo da'ingannu: no bi at bisonzu chi fetas ispaju! (P.Casu) Traduzioni Francese joie, jubilation, merveille Inglese content, joy, wonder Spagnolo contento, júbilo, maravilla Italiano contentézza, giùbilo, meravìglia Tedesco Zufriedenheit, Jubel, Verwunderung.

maravíglia , nf, nm: maravíllia, maraviza, meraiza, meravíglia, meravilla, meraviza, merevilla, merevixu Definizione cosa ispantosa o fintzes unu chi faet ispantu; nau cun ironia, cosa chi si faet coment'e abbitúdine (e mancu bona) Sinonimi e contrari abbengu, ispantu, ispapatu, spantamentu Frasi sunt abbajos indeorados sos ojos tuos pienos de maraviza ◊ a sa vista de cussa meravíglia, Bachisedhu non bidiat s'ora de imperriare su cadhu e cúrrere a bidha ◊ ite meravíglia su fígiu de Deus ciciu a bestiolu! ◊ s’ispantat ammostrendi sa prus grandu meravíglia ◊ sa meraviza de cussu logu? una cosa de no crere!◊ mi fait meravíllia e ispantu mannu su chi tui iscís fai ◊ s'ispiridada cantàt in italianu e sa cosa iat fatu meravíglia ◊ custa cosa mi faet peri merevixu! 2. est una meraviza, cussu pisedhu, comente est cabosu 3. torra fumendhe ses? meraviza!…◊ meraviza chi ch'est in ziru…, bandhuleri!◊ meraviza chi rues… sempre abbaidendhe a crabas! Etimo itl. Traduzioni Francese étonnement, surprise Inglese wonder Spagnolo maravilla Italiano meravìglia Tedesco Wunder.

ocopòre , iscl: acabore* Definizione de is bortas chi…: foedhu chi faet a cumprèndhere una possibbilidade, una cosa chi podet èssere siat chi si bògiat, s'ibertet, o si timat o àteru Sinonimi e contrari atamore, baischi!, intemore Traduzioni Francese peut-être Inglese wonder, goodness knows, perhaps Spagnolo quién sabe Italiano chissà Tedesco wer weiß.

«« Cerca di nuovo