Legenda Abbreviazioni | Legenda Simboli

cavaníle, cavaníli , nm Definizione dannu chi faet su bestiàmene in is laores; fachile chi poniant a is cundennaos a morte; dannu mannu, cosa fata a bregúngia / pònnere o fàghere cavanile a unu = fai a bregúngia, a befa Sinonimi e contrari aggràviu, befa, bergugna, dannu, desdoru, gutipéria, irfàmiu, napile 2. frearzu portat in cara unu cavanile nou 3. ite cavanile, sa domo a porchile mi as fatu! ◊ irrocat che pidore e s'inchietat chi est unu cavanile! ◊ ti faghet birgonza e cavanile a che bogare a babbu tou dae domo! ◊ ite cavanile, cussu at solu istudiadu a fagher male! ◊ a mamma su contone li ant brutau, cada note li ponent cavanile! Etimo srd. Traduzioni Francese opprobre, injure Inglese infamy Spagnolo afrenta, injuria Italiano obbròbrio, infàmia, vitupério Tedesco Schande.

impropériu , nm Definizione cosa chi si narat a s'àteru po dh'ofèndhere Sinonimi e contrari afrenta, afrontu, aggràbiu, aggrau, innóriu, inzenza Etimo itl. Traduzioni Francese injure Inglese insult Spagnolo injuria Italiano ingiùria, impropèrio Tedesco Schimpfwort.

intzúgliu , nm, nf: inzulzu, inzúriu, inzurja, inzurju, inzurza Definizione male chi si narat de s'àteru, fintzes acusa falsa, cosa chi si narat a unu a disonore, a befa, po dhu bogare in bregúngia e ofèndhere; a logos, inzurju est annomíngiu, ingiúliu Sinonimi e contrari abbómbinu, bergugna, inzurjadura, menisprésiu, ofensa Frasi no mi movent pro nudha sos inzulzos de tzertos nanos chi si crent zigantes (P.Casu)◊ bi at càntidos de inzúriu, de tzascu e de allerghia ◊ a fortza de intzúglios nche ghetant mancari a Zobbe! 2. sos ammentos li fint brinchendhe in conca, paris cun s'inzurza chi li aiant ghetadu sos cumpanzos ◊ cussu est inzurju chi dolet! ◊ Elias l'aiat bocau fora garrigándhelu de inzurja, e bochinándheli de non si torrare a acrarare a su cubile Traduzioni Francese médisance, injure Inglese gossip (malicious), affront Spagnolo maledicencia, injuria Italiano maldicènza, ingiùria, contumèlia Tedesco übles Gerede, Beleidigung.

sciamitúdi, sciamitúdini , nf Definizione innóriu, male chi si narat de s'àteru chentza èssere beru Sinonimi e contrari discréditu, disdoru, infamamentu, innóriu, tragàgiu Frasi teneis in is banderas fàulas e sciamitudis (Gd.Piras)◊ no est aberus ca fillu miu est scamminendisia: su chi est nendi sa genti funt totu sciamitúdinis! ◊ custa cosa no dha torris a narri, ca est una sciamitúdini! Etimo srd. Traduzioni Francese injure Inglese infamy Spagnolo injuria Italiano infàmia, infamità Tedesco Schande.

«« Cerca di nuovo