Ditzionàriu in línia
de sa limba e de sa cultura sarda

irrocadólzu , nm: irrocadorzu Definizione logu malu de orrocas artas Sinonimi e contrari irborrocu, irmarginadórgiu, isciusciu, ispéntimu, ispérruma, scabiossu, stràtuli, trabentu, tràdhia Frasi ch'essit e chircat a cúcuru bàsciu intro 'e sa tanca, in mesu a su frascarzu, in donzi irrocadorzu e ispinarzu (G.Sini)◊ chin sa màchina che falemus in d-un'irrocadolzu Etimo srd. Traduzioni Francese escarpement Inglese precipice Spagnolo despeñadero Italiano dirupo Tedesco Absturz.

ischerbicadórju , nm: ischerbigadorzu, ischerviadorzu, ischervicadorzu, ischervicatógliu, ischervixadorzu Definizione logu de passare malu meda de si iscrebigare Sinonimi e contrari irmoladórgiu, ischérbicu, iscolcovedhadolzu, iscolladorju, ispentumatorju, isperrumadorzu, spistidhadórgiu trèglia / cdh. troncacodhu Frasi su becu tirabat sa gama a pàschere in sos ischerbicadorjos de su sartu ◊ ti apo pessighidu abbeladu in milli ischerviadorzos ◊ sos caminos pariant ischervicatòglios Etimo srd. Traduzioni Francese escarpement Inglese precipice Spagnolo escarpadura Italiano dirupo, luògo scoscéso Tedesco Absturz.

isperrumài, isperrumàre , vrb: sperrumai Definizione iscollare, orrúere, betare in s'ispérrumu, iscumpàrrere; orruinare, andhare o fàere andhare male meda; nau de sa manera de fàere, de unu, po ccn. iscopu, fai de totu, fàere fintzes sacrifícios mannos Sinonimi e contrari atrabentare, derrúere, iscalabrare, isciarrocai, ispèldere, scabiossai, sderrocai, spentumai Frasi mi est ruta s'acheta e isperrumada si est ◊ sos saludos de sos emigrados, zente isperrumada, los costoimos in su coro ◊ donna Pisódia nci torrat a isperrumai a s'inferru ◊ a como si mi b'at isperrumadu duas bacas ◊ sa morte giàgarat sa zente finas a l'isperrumare ◊ si est isperrumau e no si est vidu prus ◊ una mallora s’est isperrumada in is brecas 2. sas aes s'ispérrumant intupèndhesi in sos pustialvos ◊ est de bonugoro: paret chi s'ispérrumat pro azuare sos frades! Traduzioni Francese tomber, jeter dans un escarpement Inglese to fall down a precipice (throw) Spagnolo despeñarse, precipitarse Italiano cadére, gettare in un dirupo Tedesco stürzen.

istràmpu , nm: istrumpu, strumpu Definizione logu malu de orroca, artu, de ue si che podet orrúere (fintzes orrutòrgia a terra, istràmpidu); orroca arta de ue s'abba de un'erriu orruet a bàsciu, scabiossu de àcuas / rispòndhere a istrumpu = rispòndhere cun pore Sinonimi e contrari irrocadolzu, ispéntimu, scabiossu, spérruma / istrampa, istrampada / spéndula, turràrgiu Frasi su riu abbiat sa costera saltiendhe in matedos e istrampos ◊ tra pedras tundhas e istrumpos, su riu falat muendhe ◊ a Murenu che l'ant betadu de un'istrampu ◊ ti apo a bídere rutu in calchi istrampu 2. nimmancu is doloris prus mannus ant a trumbullai límpius arrius chi a istrumpu si ant a imprassai (T.Piredda) Terminologia scientifica slg Etimo srd. Traduzioni Francese précipice, escarpement, cascade Inglese precipice, waterfall Spagnolo precipicio, cascada Italiano precipìzio, dirupo, cascata Tedesco Absturz, Sturz, Wasserfall.

péntuma, péntumu , nf, nm Definizione logu malu de orroca arta Sinonimi e contrari aruta, gruta, impercu, irrocadolzu, ispéntimu, lutoni / pelcione / trocu Frasi li pariat chi sa manu maleita de unu bobboi l'aiat aggarrau pro nche l'ispínghere in carchi péntuma (S.Spiggia)◊ azutóriu, mi ch'est ispinghendhe in d-una péntuma mala! 2. si che sunt istrampados in d-una péntuma profundha ◊ apo iscobertu una péntuma tuvuca Etimo srdn. Traduzioni Francese escarpement inaccessible Inglese inaccessible cliff Spagnolo despeñadero inaccesible Italiano dirupo inaccessìbile Tedesco unzugänglicher steiler Fels.

spérruma , nf, nm: ispérruma*, sperrumu, spérrumu Definizione logu de orroca artu o buidu fundhudu meda; fintzes su apèrrere is cambas camminandho, passu longu Sinonimi e contrari irborrocu, irgorropu, irrocadolzu, ispéntimu, scabiossu, sperevundu, trabentu / incambionada, sperriada, sperruncada Frasi dónnia spérrumu siat prenu, dónnia monti e dónnia cúcuru abasciau! ◊ bessindi de su spérrumu! ◊ is tacus funt coronaus de spérrumas 2. portat una buca manna chi parit unu spérrumu! Terminologia scientifica slg Traduzioni Francese escarpement Inglese cliff Spagnolo despeñadero Italiano dirupo, rupe Tedesco Abgrund, steiler Fels.