A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

aústu 1 , nm Sinònimos e contràrios immulzu.

austuzòne austizòne

autarchía , nf Definitzione pretesa chi unu tenet de bastare a sa sola a totu su chi dhi podet serbire, chentza dipèndhere in nudha de àtere.

autàrchicu , agt Definitzione de s'autarchia.

auténtica , nf Definitzione su autenticare Tradutziones Frantzesu authentification Ingresu authentication Ispagnolu autenticación Italianu autenticazióne Tedescu Beglaubigung.

autenticàre, autenticàri , vrb Definitzione averguare e nàrrere, de parte de un'autoridade, de chie est una cosa (mescamente una firma), atrogare chi una cosa torrat paris cun sa beridade, chi est cussa sa vera o bona Tradutziones Frantzesu authentifier Ingresu to authenticate Ispagnolu autenticar Italianu autenticare Tedescu beglaubigen.

auténticu , agt Sinònimos e contràrios berale, berteru, bonu, sentzillu Tradutziones Frantzesu authentique Ingresu authentic Ispagnolu auténtico Italianu autèntico Tedescu authentisch.

autísta , nm Definitzione chie ghiat o manígiat unu mezu, una màchina Sinònimos e contràrios sciaferru Tradutziones Frantzesu chauffeur Ingresu driver Ispagnolu chófer, conductor Italianu autista Tedescu Fahrer.

autobbòte , nf Definitzione càmiu chi a su postu de su cassone portat una genia de depósitu a cilindru crocau chi faet totu sa càrriga po carrare abba o cosas deasi.

àutobbus , nm Definitzione genia de mezu mannu cun postos a cicire, po viagiare gente mescamente in citade Sinònimos e contràrios pulma.

autocàrru , nm Definitzione càmiu mannu Sinònimos e contràrios càmbiu 1.

autoclàve , nf Definitzione genia de aparíciu chi cumandhat unu motore a cunforma a sa pressione po pompare abba Tradutziones Frantzesu autoclave Ingresu autoclave Ispagnolu autoclave Italianu autoclave Tedescu Autoklav.

autògrafu , nm Definitzione chi dh'at iscritu sa manu de s'autore; sa firma chi faet donniunu issu etotu Sinònimos e contràrios firma Tradutziones Frantzesu autographe Ingresu autographic Ispagnolu autógrafo, firma Italianu autògrafo Tedescu Autogramm, Autograph.

autòma , nm Definitzione css. imbentu (màchina) chi faet movimentos che una carena bia; prus che àteru si narat de chie, po maladia o àteru pecu de sa mente, si movet o faet coment'e una màchina, chentza volontade e ne decisione sua Tradutziones Frantzesu automate Ingresu robot Ispagnolu autómata Italianu autòma Tedescu Roboter.

automàticu , agt Definitzione de automa, chi si movet a solu una borta postu in motu, chi no tenet bisóngiu de decídere sèmpere dónnia borta Sinònimos e contràrios otomàticu.

automóbbile , nf Definitzione genia de màchina a motore adata po viagiare gente, in pagos Frases mai iat ciciu in d-una automóbbile, dhi pigat unu sumbúgiu de s'istògomo e at caciau puru Tradutziones Frantzesu automobile Ingresu car Ispagnolu automóvil Italianu automòbile Tedescu Auto.

autonomía atonomía

autónomu , agt Definitzione de s'autonomia, chi tenet autonomia, chi decidit a solu, chi bivit cun is leis cosa sua comente funt is istados o repúbblicas indipendhentes Sinònimos e contràrios indipendhente Frases autònoma fit Eleonora chi no retziat órdines de fora! (L.Ilieschi)

autopàla , nf Definitzione pala mecànica, genia de màchina chi cun d-una pala adata umprit e càrrigat o trantzit materiale meda.

autòre, autòri , nm Definitzione chie faet una cosa própriu in cantu dha faet issu Tradutziones Frantzesu auteur Ingresu author Ispagnolu autor Italianu autóre Tedescu Autor, Urheber.