A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

màu 2 , nm: (su m. = summàu) Definitzione foedhandho cun pipios, su gatu Sinònimos e contràrios batu, mammau.

mauadítu mabadítu

màuba màba

mauchédhu , agt Definitzione min. de malu, nau mescamente de pipios e no própriu ca funt malos ma istant tocandho totu e sèmpere faendho, mai firmos Sinònimos e contràrios botosu, disatineri, maixedhu Frases mauchedhu mera est custu pipiu! Ètimu srd.

mauciàda , avb: mautzada Definitzione caminare a mauciadas = a s'imbàtoro, ponendho in terra manos e peis (o is benugos), comente faent is pipios chi no ant iscapau a pei Sinònimos e contràrios maucis Frases su pipiu caminat a mautzadas, cun is manighedhas e is benughedhos chi trísinant in terra Ètimu srd.

maúcis , avb: mautzis Definitzione andhare a m., mautzis mautzis = a s'imbàtoro, a mautzadas, a sa mautzina, che is gatos mescamente candho funt acanta a cassare su sórighe, andhare che unu tzurpu o a s'apràpidu Sinònimos e contràrios mamautzis Frases so cundannada a vívere semper gai, rugada e a maucis, in custa via crucis de ischiava! (B.Mureddu)◊ de candho minoredhu ancora fia a mautzis passai subra tua (S.Murgia Niola) Ètimu srd.

maudhínu , agt Definitzione its, maudhone? Frases faedhas s'italianu mezus de unu professore, t'intendhes puru de latinu: o maudhina, it'onore!…

maudhòne , agt, nm Definitzione chi o chie est pagu ischidau, atontau Sinònimos e contràrios abballalloadu, ammacarronadu Ètimu srd.

maúdhu maódhu

maudínu mamudínu

maúgia , nf: maulla, mauxa Definitzione mola de matedu (de giuncu puru), fintzes umbra, puba, cosa chi bista de atesu est pagu crara Sinònimos e contràrios macra, tupa / impupa, puba Frases de dónnia maulla de lua essit una bogi de pilloni ◊ isparsinaus in sa crista tramesu de maullas de orrú e de lua, faiant de corona is restus de unu campusantu antigu ◊ iat impubau una pantuma pitica, longa, cun ainfatu una prus cursa chi brincàt a bólidu de una maulla a s'àtara (P.Doneddu) 2. dógnia umbra mi pariat cudhu boe e dógnia maúgia mi pariat issu ◊ in totu su camminu no aus bitu una mauxa de ómini.

maugiòne , nm Sinònimos e contràrios frungidura, incrispa, pígia 1, pínnica, pizigone, tzirbisa.

maúglia , nf Definitzione piciochedhos malos Sinònimos e contràrios cannarolaza, edora, scrufulia Ètimu srd.

màui mài 1

maulài, maulàre , vrb: meolare, meolari, meulai, miaulai, miaulare, miulai, miulare Definitzione fàere miau, fàere sa boghe, nau de is gatos Sinònimos e contràrios ilmiaulare Frases su gatu màulat a boghes mannas peus de unu póveru pedendhe ◊ est unu gatu masedu chi si fait frandigai, fintzas e chi a bortas méulat ◊ abbàida proite est maulendhe su batulinu! Ètimu srd. Tradutziones Frantzesu miauler Ingresu to mew Ispagnolu maullar Italianu miagolare Tedescu miauen.

maulèdha , avb Definitzione fai mauledha mauledha = iscambiare duas cosas in su própriu tempus s'unu cun s'àteru: a una manu unu giaendho e cun s'àtera pigandho, coment'e gente chi no si fidat s'unu de s'àteru.

maúlla maúgia

màulu , nm: mèolo, mèolu, méulu, miàulu, míulu Definitzione sa boghe de is gatos / èssere a màulos, a màulu postu, betare màulos, fàghere unu m. Sinònimos e contràrios ilmiàulu Frases ite tenet, a màulos, su batu? ◊ ndhe sunt betendhe de màulos, cussos batos!…◊ acò unu batu a màulu postu e fatendhe molisicas cun sa conca! ◊ su gatu si pesat a méulus e cumentzat a iscarrafiai ◊ fui cicida in s'oru de sa forredha orrostindho fae candho apo inténdhiu unu batu a míulos Sambenados e Provèrbios smb: Maulu Terminologia iscientìfica bga Ètimu srd. Tradutziones Frantzesu miaulement Ingresu miaowing Ispagnolu maullido Italianu miàgolo Tedescu Miau.

Maúmma Maòma

maunèdha, maunédhu manuèdha