Legenda Incurtzaduras | Legenda Sìmbulos

costàdu , pps, agt, nm Definitzione de costare (po s'ispesa, su trebballu, sa pelea) e de -are 1 (acontèssere) Sinònimos e contràrios acontéssiu Frases za nos est costadu a ndhe carrare totu cussa preda!…◊ nos est costadu su suore de s'ogru a fàghere cussa faina ◊ mi est costau a che dhu cumbínchere! 2. si mi est costadu una borta a fàghere cussu irballu no mi at a costare sa de duas! ◊ it'est chi vostè li at natu pro bi èssere costatu tantu disaocu? ◊ it'errore costau, già che so urrutu in mesu! ◊ pro chi bene adates sos mutos a su costadu, asculta chi su contadu ti fato in manera ispícia (Limbudu) Tradutziones Frantzesu côuté, arrivé Ingresu cost, happened Ispagnolu costado, ocurrido Italianu costato, succèsso Tedescu gekostet, Erfolg.

crómpitu, crómpiu , pps, agt: crúmpiu Definitzione de cròmpere / ómine crómpiu = ómine fatu Sinònimos e contràrios assupridu, lómpidu Frases crómpios a su cubile, tziu Missente deretu cumintzat a mi dare sas primas letziones ◊ ch'est crómpiu coitandhe a una vidha Tradutziones Frantzesu arrivé Ingresu arrived Ispagnolu cumplido Italianu arrivato Tedescu angekommen.

giómpidu , pps, agt Definitzione de giòmpere / giómpidu a… = lómpidas a…, si est aici… (bollit narri ca…) Sinònimos e contràrios lómpidu 3. giómpidu a ti aggradare già bi as dadu orixa a l'ascultare! ◊ motivu mannu est, giómpidu a brigare! ◊ giómpidu a èssere naschidos, a mòrrere devimos bènnere! Tradutziones Frantzesu achevé, arrivé Ingresu arrived, accomplished Ispagnolu acabado, llegado Italianu compiuto, giunto Tedescu gereift, beendet, angekommen.

lómpidu , pps, agt: lómpiu Definitzione de lòmpere; nau de frutos e de laores, chi funt fatos, a puntu de papare, de arregòllere, de incungiare Sinònimos e contràrios arribbau, assupridu / compridu, fatu, giómpidu, trempidu | ctr. iscrómpiu / irmentidu Frases candho est lómpida s'ora est in debbadas a perricare! ◊ nos fit lómpidu su fogu a pes Tradutziones Frantzesu arrivé, mûr Ingresu reached, ripe, ripened Ispagnolu llegado, maduro Italianu giunto, arrivato, maturo Tedescu angekommen, reif.

«« Torra a chircare