Ditzionàriu in línia
de sa limba e de sa cultura sarda

crastulímine, crastulímini , nm Definitzione su istare crastulandho; gente crastulera, contos de crastuleris Sinònimos e contràrios pidanciulímini Frases no prus su tzérriu de su carrarori, crastulímini in giru a su grifoni: sa genti oi iscurtat su televisori (G.Carta) 2. cussa pratza est unu crastulímini totu! ◊ andant po contai e ascurtai crastulíminis e arriri Ètimu srd. Tradutziones Frantzesu commérages Ingresu tittle-tattle Ispagnolu cotilleo Italianu pettegolume, cicaléccio Tedescu Geschwätz.

pisibísi 1 , nm Definitzione su foedhare chi si faet a boghe bàscia, agiummai a iscúsiu, nau pruscatotu in su sensu de bodheta Sinònimos e contràrios alleghinzu, chischisiada, contuliu, ispibisu, lollúghine, lolluine, pisighinzu, pispisu, visivisi Frases s'intendhet su pisibisi de sa zente ◊ sas notas de su Babbunostru e sa mímula de su Rosàriu aiant asseliau su pisibisi malinnu de cussos zuzes Ètimu srd. Tradutziones Frantzesu chuchotement, commérages Ingresu whisper, gossip Ispagnolu bisbiseo, chisme, habladuría Italianu bisbìglio, pettegolézzo, mormorìo Tedescu Flüstern, Murmeln, Klatsch.