Ditzionàriu in línia
de sa limba e de sa cultura sarda

crebàda , nf: crepata, cribada Definitzione su crebare; sa segada chi si dhue faet in sa cosa chi si tzacat; carda de arrennegu; foedhandho a disprétziu, cagada Sinònimos e contràrios crebadura, tzacadura Ètimu srd. Tradutziones Frantzesu lézarde, crevasse, fêlure Ingresu crack Ispagnolu grieta Italianu crèpa Tedescu Riß.

crebadúra , nf: crepadura Definitzione su crebare; manera de fàere (de segare) una cosa coment'e cosa crepandho o chi si crepat; s'afilada chi abbarrat de su crepare; nau de sonu o de boghe, chi essit a fortza, a pelea, e s’intendhet coment'e de cosa chi si crepat Sinònimos e contràrios crebada, fibadura, scrafangiadura / ttrs. cribadura 2. de cussos cantantes bi ndhe at chi cantant a crebadura e no balent a nudha ◊ su pitzinnu est pranghindhe a crebadura ca sa mama l'at iscutu própiu pro no prànghere ◊ cussu triballu unu tempus si faghiat a crebadura: oe cun sas màchinas est prus discassosu Ètimu srd. Tradutziones Frantzesu lézarde, crevasse, fêlure Ingresu fissure Ispagnolu grieta Italianu crepatura Tedescu Riß.

fresadúra , nf: frisadura 1 Definitzione su fresare; genia de segadura in sa pedhe intostada po su fritu / fresadura a laras = calpidura Sinònimos e contràrios freu, frísida 1, isperradura, tzacadura / iscopercadura Ètimu srd. Tradutziones Frantzesu rhagade, gerçure, crevasse Ingresu chapping, raghas Ispagnolu grieta Italianu ràgade, screpolatura Tedescu Hautriß, Rhagade.

garrópu , nm, agt: carropu*, goropu, gorropu, irgorropu, sgarropu Definitzione buidu mannu, mescamente inue dhue at orrocas, inue che intrat o ndh’essit s'abba, aperta manna o fintzes una genia de canale fungudu meda cun orrocas artas, fossu mannu prenu de abba in is errios; mulinete de bentu o de abba, abba apaulada e fossu fungudu; nau de gente, chi giughet is palas ingobbedhadas Sinònimos e contràrios barrocu, isciusciu, ispéntimu, scabiossu, spérruma, trabentu, tuvone / bàtiga, fògia 1, gurgu 1, pógiu, trógliu / abbajonadu, aggobbedhau, giumburudu, rumbosu, tzumbosu Maneras de nàrrere csn: bènnere gorropu = essiri su tzúmburu, sa gobba (a unu); bufai a garropu = totu a unu corpu?, a bruncu?; paligorropu, paligorropa = palidortu, palidorta, dortu, dorta a palas Frases su gorropu est totu istampos, galarias, ischinas intorticaas, locu iscussertu e male traganau ◊ istichiu interi montes, gorropu misteriosu, privau de orizontes, locu secretu e malu a l'acatare ◊ in custu logu su frúmmini est fundudu, nci at unu garropedhu ◊ camminàt a tzopu poita ndi fut arrutu de asuba de unu garropu 2. su tempus, is dis nci dhas ghetat a sa sighia a su garropu de sa memória 3. a betzu tue benis gorropu Tradutziones Frantzesu ravin, gouffre, crevasse Ingresu gorge, cleft whirlpool Ispagnolu quebradura Italianu fórra, górgo, crepàccio Tedescu Klamm, Strudel, Wirbel, Riß.

impercadórzu , nm Definitzione logu fundhudu chi faet a gruta, in is orrocas Sinònimos e contràrios impercu, ingurtidórgiu Frases che los betaiant in s'impercadorzu Ètimu srd. Tradutziones Frantzesu crevasse Ingresu cleft whirlpool Ispagnolu quebradura Italianu crepàccio Tedescu Riß.

iscrachedhàdu , pps, agt Definitzione de iscrachedhare; nau de frutuàriu cotu e chíbberu, chi portat su pigiolu aperindhosi; fintzes chi est coment'e murru, cun diferentes colores Sinònimos e contràrios fresuladu, illavrudhadu, scritu / cdh. schilchidhatu / balzu, incespiau 2. sa figu est bene cota candho est iscrachedhada 3. cun cussa bestimenta iscrechedhada pariat pintadu a pinzellu! ◊ s'arza est iscrechedhada a ruju Tradutziones Frantzesu crevassé Ingresu cracked Ispagnolu fruta agrietada Italianu screpolato Tedescu aufgesprungen.

scaravangiàu , pps, agt: scrafangiau Definitzione de scaravangiai; chi est apertu, chi portat tzacaduras, crapiduras Sinònimos e contràrios freosu, iscrachedhadu / cdh. scarabutzatu 2. sa fachi fait torra strunciosa e scrafangiada, parit màscara maba candu est carrasegai ◊ portu carronis e manus scrafangiaus ◊ sceti scrafangiaras si boliant, is tzípulas suas… dhas fait sempri tostadas che balla!◊ malaritus, scrafangiaus siais! Tradutziones Frantzesu crevassé Ingresu cracked, got chapped Ispagnolu agrietado, resquebrajado Italianu screpolato Tedescu aufgesprungen.

schinnidúra , nf: schinnirura Definitzione isperradura de cosa chídrina, tostada, deasi comente dha faet sa canna chi si aperit de longu, ma chentza èssere segada deunudotu Sinònimos e contràrios abbelta, afilada, afiladura, cannidura, filidura, isperrada, tzacadura Frases est iscorrovonendi sa fentana in dogna schinnirura ◊ sa luxi passat in is schinniduras de is portellitus de sa fentana Ètimu srd. Tradutziones Frantzesu lézarde, crevasse Ingresu cleft, crack Ispagnolu grieta, hendidura Italianu fenditura, lesióne Tedescu Riß, Beschädigung.