Legenda Incurtzaduras | Legenda Sìmbulos

allagàrzu , nm: allagazu Definitzione logu prenu de abba, ue dhue at o apaulat abba meda; in cobertantza, cosa chi istrobbat, chi impedit Sinònimos e contràrios allarzu, lagazu, peschina, pojale Ètimu srd. Tradutziones Frantzesu marécage, boue, vase Ingresu marsh, slush Ispagnolu ciénaga, cieno Italianu acquitrino, fanghìglia Tedescu Morast, Matsch.

fàngu , nm Definitzione sa terra candho est tropu càrriga de abba, a mesapare de abba, a ludu, tropu modhe Sinònimos e contràrios ladrau Frases s'istrampada chi damus nos bàrriat de fangu fin'a chizos chi a nos innetare no tet bastare s'abba de su mare Ètimu itl. fango Tradutziones Frantzesu vase, boue Ingresu slime Ispagnolu lodo Italianu mélma Tedescu Schlamm.

ladràu , nm: aladrau, ludrache, ludracu, ludragu, ludrau, ludravu, ludraxu, lurdagu, lurdegu, lutrarju, lutrau Definitzione isciustura manna, madrina, cun abba meda fintzes apaulada, e mescamente a méschiu cun terra; ludu meda e ledreledre; fintzes cosa mala, male chi si faet Sinònimos e contràrios allagarzu, fundagu, ludrina, ludugoxu, uldagu / grassa 1, lodu, lotzo, ludàmine, ludàngiu, ludratzu, modhaca, molma Frases dhui at ludraxu meda e is arrodas de su carrotzinu nci cabant ◊ fiat proendu e sa bia si fiat fata totu a unu ludragu ◊ in sos caminos bi at ludrau a cossa chi no faghet a colare a pè ◊ sas rotas de su carru che afungant in sos lutrarjos ◊ canno proet meta, sa caminera si prenat de lutrau ◊ passa in s'andaredha ca in su mori c'est lurdagu! 3. venendhe mancu a s'issoro dovere in àteros ludravos già s'ispassant!(P.Palimodde) Ètimu srd. Tradutziones Frantzesu flaque, vase, boue, bourbe Ingresu slush, puddle Ispagnolu poza, lodo, cieno Italianu guazzo, mélma, fanghìglia Tedescu Lache, Schlamm.

límmu , nm: limu Definitzione ludu, terrighedha fine comente at pasau abba avolotada calada tragandho su chi at agatau; fintzes narbedha in abba firma / l. de mata = allanadura, zenia de lana o erba chi creschet in sas àrbures mescamente betzas e in umbra Sinònimos e contràrios limàgiu, limatzu, lodu, olle / lipu 2. sa pica fit guasi bóida, bi aiat prus limu chi no abba Ètimu ltn. limus Tradutziones Frantzesu vase, limon Ingresu slime Ispagnolu barro, lodo Italianu limo Tedescu Schlick.

lozàna , nf: loxana, lugiana, lunzana, lurzana, lutzana, luzana 1 Definitzione terra de túvula, terra màini, terramíngiu forte unu pagu craru, apicigosu, bonu meda po laore, ma fintzes terra niedha chi tragant is errios / luzana cana = terraminzu luzanosu ma biancale Sinònimos e contràrios agridha, gliurminu, lassedu, terravinu, torco / luzanitu Frases beto sa fae in sa lozana e s'olzu in terra renalza ◊ su sardu li pariat tostu che preta, mentras chi s'italianu si lassaiat manitzare che lutzana ◊ custa est terra luzana de fàghere brocas Ètimu srd. Tradutziones Frantzesu argile, vase Ingresu clay, slime Ispagnolu arcilla, limo Italianu argilla, limo Tedescu Ton, Schlick.

oschédhu , nm: uschedhu, ischedhu Definitzione su grassu de is padedhas e àteros istrègios de còere; si narat fintzes de sa terra fine fine a ludu chi pàusat de is abbas a meda Sinònimos e contràrios ludru Tradutziones Frantzesu vase, limon Ingresu slime Ispagnolu limo Italianu limo Tedescu Schlamm

«« Torra a chircare