Legenda Incurtzaduras | Legenda Sìmbulos

allégru , agt: allelgu, allergu, alligru, allilgu, allirgu Definitzione chi giaet a bíere de provare cuntentesa, alligria: si narat fintzes de su naturale de chie si faet a bíere sèmpere cuntentu o erriet cun totus, chi est de naturale bonu Sinònimos e contràrios caléschidu, contentu, festosu, imbajoschidu, pregiau, pregiosu | ctr. annicadu, dispiàchiu, pirmatu, triltu Maneras de nàrrere csn: zenias de paragones: a. che brintzi, che mariapica, che pitzone, che musca, che furferalzu, coment'e una pasca, che puzone in arzola, che predi cantendu missa, che tzintzipasca, che lepurisposu = allegru meda; a. che cuadhu cordogu, che cani papendu fogu = própiu nudha; allegru a binu = inciariu, chi at bufadu unu pagu tropu Frases fuit in allerga bajania e deviat atzivire su cuviu ◊ is piciocos fiant allirgos ca sa cosa fiat andada bene ◊ totus funt allilgos: càstia is luxes ci dhue funt in is domos!◊ sa pitzochedha fut a pistighinzu ma allelga Ètimu itl. Tradutziones Frantzesu gai Ingresu cheerful Ispagnolu alegre Italianu allégro, gàio, festóso, lièto Tedescu fröhlich, lustig, heiter.

alligròne , agt Definitzione chi est de naturale allegru meda, chi no si leat pentzamentu Ètimu itl. Tradutziones Frantzesu bon vivant Ingresu cheerful Ispagnolu juguetón Italianu allegróne Tedescu Spaßvogel.

imbajoschídu , pps, agt: imbajuschidu Definitzione de imbajoschire; chi est prexau che pasca, cuntentu meda Sinònimos e contràrios allegru, cuntentone | ctr. dispiàchiu Frases su grígliu imbajuschidu, lendhe su bolu a sa tzega, a su nare de su re ch'est atapadu ◊ su coro imbajoschidu ndhe cheret brincare a fora, est fatzelladu! Tradutziones Frantzesu joyeux Ingresu cheerful, overflowing with joy Ispagnolu alegre Italianu ílare, gàio, traboccante di giòia Tedescu fröhlich.

scadrallútu , agt: iscardallutu*, scardallutu Definitzione nau de ccn., chi tenet un'atentzione bia, chi est abbistu, sèmpere atentu a totu Sinònimos e contràrios abbistu, allutinedhu, ispabillu, sciscitu, spiscinetu Frases e gei no est scadrallutu, su pipiu, lah! ◊ e chin'est cussu scadrallutu chi mi at bistiu aici?! ◊ giai ca ses scadrallutu, tui, bai e cica trabballu a fillu tuu! Tradutziones Frantzesu gai, spirituel Ingresu cheerful Ispagnolu alegre, gracioso Italianu allégro, spiritóso Tedescu fröhlich, lustig.

«« Torra a chircare