Legenda Incurtzaduras | Legenda Sìmbulos

callèdha 1 , nf: callella Definitzione genia de addormigadura e de immarritzone po sa basca meda, ma fintzes pagu gana de fàere, genia de lentesa Sinònimos e contràrios basca, calura, cama Tradutziones Frantzesu lassitude Ingresu weariness Ispagnolu desgana, flojera, lentitud, flema Italianu fiacca Tedescu Mattigkeit.

cansàntzia, cansàntziu, cansàntzu , nf, nm: cantzàntziu Definitzione su èssere o su si pàrrere cansaos, immarrios Sinònimos e contràrios cansamentu, fiachesa, istrachidúdine, mugna | ctr. pàsiu Frases su cansàntziu e su giaunu dh'iant ammudhiau is cambas (R.Spissu) Ètimu spn. Tradutziones Frantzesu fatigue Ingresu weariness Ispagnolu cansancio Italianu stanchézza Tedescu Müdigkeit.

fadiòri , nm Definitzione immarritzone, pelea, matana Sinònimos e contràrios cansesa, istrachesa, istrachidúghine, istrachiore Frases su fadiori fait dromí asuba de is pedras puru! ◊ in su trenu de su fadiori at a bandai chini trabballat meda, coment'e is mamas ◊ su fadiori dhi allétiat is cambas ◊ babbu tú contóniat de su sartu cun su fadiori a codhu! 2. unu burrichedhu càrrigu de téula nci fut arrutu a frúmini e su meri, cun tanti fadiori, ndi dh’at tirau Ètimu srd Tradutziones Frantzesu fatigue Ingresu weariness Ispagnolu reventón Italianu affaticaménto Tedescu Strapaze.

irbalesiaméntu , nm Sinònimos e contràrios inflachimentu, irbalesiadura Ètimu srd. Tradutziones Frantzesu accablement Ingresu weariness Ispagnolu postración, agotamiento Italianu spossaménto Tedescu Erschöpfung.

istrachiòre , nm: istracore Definitzione su èssere istracos, su chi si sentit in sa carena chie e ca at trebballau meda Sinònimos e contràrios cansesa, fadiori, immarritzone, istrachesa, istrachidúdine Frases s'istrachiore li fortzicaiat totu sos sentitos ◊ antes de si fàghere iscuru dormiant deretas, dae s'istrachiore ◊ li est aumentatu s'istrachiore fenas chi si est irmalaidatu Ètimu srd. Tradutziones Frantzesu fatigue, lassitude Ingresu weariness Ispagnolu cansancio Italianu stanchézza Tedescu Müdigkeit.

istracúmene , nm: strachímini Definitzione su èssere fadiaos, immarrios Sinònimos e contràrios cansesa, fadiori, istrachesa, istrachidúdine, istrachiore Frases su sero torrat dogni nembroteri gàrrigu de fera e de istracúmene Ètimu srd. Tradutziones Frantzesu fatigue Ingresu weariness Ispagnolu cansancio Italianu stanchézza Tedescu Müdigkeit.

múgna , nf: múngia, munza Definitzione pelea manna, arrebbentu; totu is fainas de domo, su trebballu, su frutu chi giaet su bestiàmene Sinònimos e contràrios cadha, cària, dimazu, fadiori, frica, impodha, matana, pista, rebbatu / trabballu Maneras de nàrrere csn: m. de suore, de prantu, de tzacu; àcua de m. = abba pro samunare; giare una mugna a ccn. = donai una surra, una carda Frases s'assessore faedhanne s'afutat e achicat po sa munza (A.Cossu)◊ solu tue mi ses de cunfortu e m'illébias sa munza ◊ die e note peleo pro sas munzas chi mi leo ◊ betat s'arzola cun tribàgliu e munza ◊ l'apo leada crispa, sa munza, chirchendhe unu fiadu! 2. me is bidhas genti meda bivit de sa múngia de masoni ◊ s'àcua serbit meda po is múngias de domu ◊ su de cumpònnere s'orrostu est múngia de is ómines Ètimu ltn. munia Tradutziones Frantzesu fatigue, grande fatigue, surmenage Ingresu weariness, strain Ispagnolu reventón, paliza Italianu affaticaménto, strapazzo Tedescu Strapaze, Anstrengung.

«« Torra a chircare