Ditzionàriu in línia
de sa limba e de sa cultura sarda

frúsiu , nm Definitzione genia de sonu chi faet mescamente su bentu; genia de pitariolu po sonare Sinònimos e contràrios frúschiu, ifraschinzu, mughina, muizu, súlbiu, zúmiu / frusitu, ischéliu, sulitu, vuvusu Ètimu srd. Tradutziones Frantzesu sifflement, bruissement Ingresu whistle, rustle Ispagnolu crujido Italianu fìschio, fruscìo Tedescu Pfiff, Rascheln.

isfràtida , nf Definitzione moida de cosa chi si frigat apare comente dha movet su bentu, su sonu chi faet sa fògia de is matas candho tirat bentu Sinònimos e contràrios fràtita, frúsiu, ifraschinzu, ispulighistu, muizu, strivíngiu / cdh. sfraitzu Frases s'intendhet s'isfràtida de sa buda, in su riu (A.Porcheddu)◊ s'isfràtida de un'abbentada piús frusca ndhe acurtzieit su frusire de sos àlvures Ètimu srd. Tradutziones Frantzesu bruissement Ingresu rustle Ispagnolu crujido Italianu fruscìo Tedescu Rascheln.

tràchida , nf: tràchita, tràxida Definitzione genia de sonu de linna isperrandho, de cosa àrrida segandho, linna frisca cun fògia abbruxandho Sinònimos e contràrios trachedhada, trachedhu, trachidada, tzacarrada Frases a tràchitas fachent sas dentes, sos tronos, su fogu ◊ no s'intendhet de sa gherra sas tràchidas de fogu totu in tundhu ◊ si est intesa sa tràchida de sos ossos ◊ est sensada sa tràchida de sa trébbia ◊ in piata bi sunt sos ballos a tràchida Ètimu srd. Tradutziones Frantzesu crépitement Ingresu rattle Ispagnolu chasquido, chisporroteo, crujido Italianu scricchiolìo, crepitìo Tedescu Geknarre, Geknister.