Ditzionàriu in línia
de sa limba e de sa cultura sarda

isalàciu , nm Sinònimos e contràrios burrúsciu 1, isperdíciu, istrubberia, stràgiu Frases su tempus no lu passaiat ne in isalàcios e ne faghindhe lite Tradutziones Frantzesu dissipation Ingresu squandering Ispagnolu derroche Italianu dissipazióne Tedescu Verschwendung.

istrubbería , nf Definitzione abbitúdine mala de perdimentare sa cosa ponendhondhe tropu, chentza bisóngiu Sinònimos e contràrios burrúsciu 1, dispéndiu, imperdidura, isperdíciu, istradhúsciu, paldígiu, példua | ctr. aorru, avitu Ètimu srd. Tradutziones Frantzesu gaspillage, gaspillage continuel Ingresu waste Ispagnolu derroche Italianu spèrpero, sperperìo Tedescu Verschwendung.

példua , nf: pérdua Definitzione su pèrdere o fintzes perdimentare cosa Sinònimos e contràrios ispéldua, pérdia / cdh. pàldua | ctr. balanzu, benefíssiu, conchista, profetu Frases penso chi sias penetida de sa példua e dannu chi as àpidu ◊ su tempus, chi riparat o addulchit totu sas àteras példuas, est su solu bene chi una bolta példidu piús no si riparat ◊ cun pérdua de onore e graves dannos 2. a l'ispizolare a leputzedhu, sa patata, bi at pérdua meda ◊ a fàghere gai bi at pérdua manna: est prus su chi frundhis chi no su chi conchistas Ètimu ctl. perdua Tradutziones Frantzesu perte, gaspillage Ingresu waste, loss Ispagnolu pérdida, derroche, despilfarro Italianu pèrdita, sprèco Tedescu Verlust, Verschwendung.

spedrítziu , nm: isperdíciu*, sperdíssiu, sperdítziu Definitzione su ispèndhere o pònnere cosa meda, tropu, chentza bisóngiu Sinònimos e contràrios burrúsciu 1, dispéndiu, disperdíssiu, istrubberia, stràgiu / cdh. spaldítziu | ctr. avitu, rispàrmiu Frases gei ndi faint de sperdítziu de dinai, cussus amministradoris!… ◊ tronu malu, oi soi donandumí a su sperdíssiu! ◊ oi biveus in tempus de sperdítziu Tradutziones Frantzesu gaspillage Ingresu waste Ispagnolu derroche Italianu dispèndio Tedescu Aufwand, Verschwendung.

stràgiu , nm Definitzione su stragiai sa cosa Sinònimos e contràrios isperdíciu Frases papendi at fatu unu stràgiu Ètimu srd. Tradutziones Frantzesu gaspillage Ingresu waste Ispagnolu derroche Italianu sciupìo, sprèco Tedescu Verschwendung.