Legenda Incurtzaduras | Legenda Sìmbulos

amantiósu , agt Definitzione chi dhi praghet meda, chi tenet passione a calecuna cosa, chi dhi praghet a si ndhe interessare Sinònimos e contràrios amassiosu, apedhiau, apichirriau, istimadore Frases essendhe santu as piedade de onzi coro amantiosu de bene (A.Serra)◊ su críticu amantiosu de ischintidhas osservat isbrigliadu totu cun briu ◊ sa zente amantiosa de sa poesia andhat a sa gara ◊ so amantiosu de sa sintzeridade ◊ sa beridade ponet predischedha in s'iscarpa a chie de issa no est amantiosu Ètimu srd. Tradutziones Frantzesu passionné Ingresu fond Ispagnolu apasionado, aficionado Italianu appassionato, amante, dilettante Tedescu begeistert, Liebhaber.

divertídu , pps, agt: divertiu Definitzione de divertire; chi dhi praghet a s'ispassiare, amantiosu de is diverteras, de su divertimentu 2. cumparzo tzantzarache, divertiu, ispiritosu Tradutziones Frantzesu qui aime s'amuser Ingresu keen on fun Ispagnolu divertido Italianu amante del divertiménto Tedescu lebemännisch.

fancèdha , nf: fantzedha Definitzione fémina chi si dha intendhet e si abbitat cun aterun'ómine, cun ómine cojuau Sinònimos e contràrios amistari, fanta Frases s’arricu o s’arrica chi si faint sa fancedha o su fancedhu is giornalis ndi fuedhant bèni, si dhu faint is pòberus dhus nomenant coment'e corrudus! Ètimu itl. fancella Tradutziones Frantzesu concubine Ingresu lover Ispagnolu concubina Italianu concubina, amante, convivènte Tedescu Konkubine, Kebse, Kebsweib, Beischläferin.

fancédhu, fancéllu , nm Definitzione ómine chi si dha intendhet e si abbitat cun àtera fémina, cun fémina cojuada (fancellu est su foedhu antigu, chi però boliat nàrrere giovonedhu, pisedhu) Sinònimos e contràrios ancedhu, amistari, fantu Frases su bisconti de Serdiana at bociu su fancedhu… Sambenados e Provèrbios smb: Fancellu, Fanzellu Ètimu itl. fancello Tradutziones Frantzesu concubin Ingresu lover Ispagnolu amante Italianu concubino, amante Tedescu Beischläfer, in wilder Ehe Lebende.

«« Torra a chircare