Legenda Incurtzaduras | Legenda Sìmbulos

confusionéri , agt, nm: cubisioneri, cunfusioneri, cuvusioneri Definitzione chi o chie pesat cuvusiones, ponet a brigare s'unu cun s'àteru, betat apare is chistiones; fintzes chi o chie cunfundhet cun tropu facilidade cosas diferentes Sinònimos e contràrios confusionajolu, cunvisionadori, cunfusionista / carraxeri Frases a s'imprabastuleri no lu acrustes ca est confusioneri! Terminologia iscientìfica ntl Ètimu ctl. confusioner Tradutziones Frantzesu semeur de discordes Ingresu sow seeder of discord Ispagnolu sembrador de discordia Italianu seminatóre di discòrdia Tedescu Zwietracht Säer.

cuvesiòni , nf: cuvisione, cuvisioni, cuvusione Definitzione briga, su èssere a iscórriu / pesai, pònnere, tzacare c. = brigare, fàghere brigare, pònnere s'unu contras a s'àteru, pesare burdellu Sinònimos e contràrios discóldia / trambullu | ctr. acódriu, cuncórdia Frases nd'est bénniu a bidha a ponni cuvisioni, cussu! 2. dh'at postu su sàmbene in cuvisione Ètimu itl. confusione Tradutziones Frantzesu discorde Ingresu discord Ispagnolu discordia Italianu discòrdia Tedescu Zwietracht.

disamistàde, disamistàdi, disamistàte , nf Definitzione su èssere nemigos, a zirma, in malas, s'unu contra a s'àteru cun ódiu e faendhosi dannu Sinònimos e contràrios arrealia, inimigànscia, inimistadi | ctr. amigàntzia, amistade Frases in disamistade bi ndhe at rutu pro lassas de eredidades male divididas ◊ in cussu locu non connoschiant su sinnu de sas paràgulas "gherra", "malíssia", "disamistade" Ètimu srd. Tradutziones Frantzesu inimitié, grave désaccord Ingresu hostility, discord Ispagnolu enemistad, desamistad Italianu inimicìzia, discòrdia profónda Tedescu Feindschaft, Zwietracht.

discuncóldia, discuncórdia , nf Definitzione su èssere de pàrreres o de cumportamentos diferentes, contràrios Sinònimos e contràrios cuvesioni, disacórdiu, disamistade, discóldia, iscórriu, scuncórdiu | ctr. acódriu, cuncórdia Frases comente bidiat ca fiaus a discuncórdia mi at cantau custu frore ◊ pro mamma no esistiat sa discuncórdia, poniat sempre sa zente in paghe Tradutziones Frantzesu discorde Ingresu discord Ispagnolu desacuerdo, desconcordia Italianu discòrdia Tedescu Uneinigkeit, Zwietracht.

iscórriu , nm: scórriu Definitzione segada in su trastu, in su bestimentu; disacórdiu grave, murrúngiu forte tra personas Sinònimos e contràrios iscorriolada, iscorrioladura, iscratzadura / girma / biscóidu, disacórdiu, iscóntriu, pletu | ctr. acódriu, cuncódria Maneras de nàrrere csn: èssiri, essire a i. cun ccn. = brigare, essire in malas; movirisí a i. = a s'istòntona istòntona; i. de ccn. cosa = arrogu, parti, bículu Frases a s'iscórriu su tàpulu! ◊ su tzàpulu est peus de s'iscórriu ◊ sa massaja fut a fàere cosiduras e a betare tzàpulos, s'iscórriu fut a dhu cosire e s'istampu a dh'atzapulare! ◊ nimmancu un’iscórriu de luxi in cuss’isperevundu de miniera dhui fiat! 2. - E comenti istait su tali? - No isciu, seus a iscórriu 3. si movit arrullendu a iscórriu a iscórriu me in s'arruga Ètimu srd. Tradutziones Frantzesu déchirement, déchirure, discorde Ingresu gash, discord Ispagnolu desgarradura, desgarramiento, desavenencia Italianu lacerazióne, squàrcio, discòrdia, spaccatura, conflitto, conflittualità Tedescu Riß, Uneinigkeit, Spaltung.

«« Torra a chircare