Ditzionàriu in línia
de sa limba e de sa cultura sarda

afilàda , nf: filada 1 Definitzione aperta longa, de pàrrere unu filu, chi si faet in linna, pedras, muros o àteru de tostau Sinònimos e contràrios abbelta, afiladura, cannidura, filidura, isperrada, tzacadura Ètimu srd. Tradutziones Frantzesu fissure, lézarde Ingresu cleft Ispagnolu hendidura, grieta Italianu fenditura, fessurazióne Tedescu Spaltung.

calpidúra , nf: carpidura, caspidura, crapidura Definitzione genia de segada chi si dhue faet in sa carre o in cosas tostadas (pedra, linna o àteru deasi) Sinònimos e contràrios abbelta, calpida, carfidura, fresadura, frísida 1, isperrada, secada, trapada / cdh. calpitura Frases s'abba essit de una carpidura in su granitu ◊ su sole comente si àlciat illúminat onzi carpidura ◊ no lu podiant agatare in perunu chizolu, ne in peruna istampa e ne in peruna carpidura de sa zona Ètimu srd. Tradutziones Frantzesu fissuration, lézarde, fente Ingresu cleft, spliting Ispagnolu grieta, resquebrajadura Italianu fessurazióne, screpolatura Tedescu Spaltung, Riß.

iscorriolàda , nf Definitzione su iscorriolare; segada in su trastu, in s'orrobba, in su bestimentu, fata prus che àteru de malesaura, coment'e dannu po pagu atentzione Sinònimos e contràrios irbinarjada, iscorriadura, iscorrioladura, iscórriu Ètimu srd. Tradutziones Frantzesu déchirement, fente, déchirure Ingresu laceration, split Ispagnolu desgarradura, desgarramiento Italianu laceraménto, squàrcio, spacco Tedescu Zerreißen, Spaltung.

iscórriu , nm: scórriu Definitzione segada in su trastu, in su bestimentu; disacórdiu grave, murrúngiu forte tra personas Sinònimos e contràrios iscorriolada, iscorrioladura, iscratzadura / girma / biscóidu, disacórdiu, iscóntriu, pletu | ctr. acódriu, cuncódria Maneras de nàrrere csn: èssiri, essire a i. cun ccn. = brigare, essire in malas; movirisí a i. = a s'istòntona istòntona; i. de ccn. cosa = arrogu, parti, bículu Frases a s'iscórriu su tàpulu! ◊ su tzàpulu est peus de s'iscórriu ◊ sa massaja fut a fàere cosiduras e a betare tzàpulos, s'iscórriu fut a dhu cosire e s'istampu a dh'atzapulare! ◊ nimmancu un’iscórriu de luxi in cuss’isperevundu de miniera dhui fiat! 2. - E comenti istait su tali? - No isciu, seus a iscórriu 3. si movit arrullendu a iscórriu a iscórriu me in s'arruga Ètimu srd. Tradutziones Frantzesu déchirement, déchirure, discorde Ingresu gash, discord Ispagnolu desgarradura, desgarramiento, desavenencia Italianu lacerazióne, squàrcio, discòrdia, spaccatura, conflitto, conflittualità Tedescu Riß, Uneinigkeit, Spaltung.

ispacadúra , nf Definitzione genia de aperta manna Sinònimos e contràrios calpidura, fresadura, isperrada, isperradura Ètimu srd. Tradutziones Frantzesu fente Ingresu split Ispagnolu grieta, hendidura Italianu spaccatura Tedescu Spaltung.

isperradúra , nf: sperradura Definitzione su isperrare; genia de aperta, de segada Sinònimos e contràrios fresadura, ispacadura, isperrada / cdh. spirredhu Frases fiat totu pesa e croca, castiendi me is isperraduras de su portallitu Ètimu srd. Tradutziones Frantzesu fendage Ingresu split Ispagnolu hendidura Italianu spaccatura Tedescu Spaltung.

sperradúra , nf: isperradura* Definitzione su isperrare; genia de aperta, de segada Sinònimos e contràrios fresadura, ispacadura, isperrada Frases in cussa sperradura de arroca cumparit una fémina bècia, totu frungia, trota e tzumburuda ◊ una sperradura podit bènniri in is murrus, in is didus, in is simingionis de is féminas Tradutziones Frantzesu fendage, fente Ingresu cleft Ispagnolu grieta, hendidura Italianu spaccatura, fessura Tedescu Spaltung, Spalt.