incànsciu , nm: incàscinu, incàsciu, incàssiu Definitzione genia de buidu fatu apostadamente (in linna, pedra, metallos o àteru) o naturale (de un’arremu de sa carena) inue intrat apare un’àtera parte fata a cunforma a su buidu, cosas diferentes chi portant s’una su chi mancat a s’àtera a manera de allobare bene impare Sinònimos e contràrios incartu 1, incastru, intassu, mortisa / amadura, apigiadura, incasciadura Maneras de nàrrere csn: i. de sos ossos = innujadolzu; i. de sas dentes = càncara, su boidedhu, in s'ossu de sa barra, ue est ficada sa dente; i. de s'ogu = chea o calanca de s'ógiu; èssere a i. = intrare bene apare, torrare zustos; a l'as s'incàsciu!… = ses diaderus cumbintu chi…, tenis s'idea fissa chi… Frases in coru fai un'incàsciu e poniminci su coru! 2. su mare si altzat e si falat e torrat a s'incànsciu sou 3. a l'as s'incàsciu, tue, chi cussa fémina est bella!… Ètimu ctl., spn. encaix Tradutziones Frantzesu assemblage, emboîture, creux Ingresu dap Ispagnolu encaje Italianu incastro, incavo Tedescu Einschnitt, Vertiefung.

mortísa , nf Definitzione istuvonadura in su linnàmene po nche incasciare àteru orrugu de linnàmene trebballau Sinònimos e contràrios incàsciu, incastru, intassu, stuvioni Frases seu cument'e mortisa de granitu a s'incàsciu Ètimu itl. mortisa Tradutziones Frantzesu creux, cavité, emboîture Ingresu dap, cavity Ispagnolu encaje, mortaja Italianu incavo, incastro Tedescu Aushöhlung, Vertiefung.

stuviòni , nm Definitzione istampu mannu fintzes calanca de muru Sinònimos e contràrios mortisa, stuviolu, tuviolu, stuvuladura Ètimu srd. Tradutziones Frantzesu cavité Ingresu hollow Ispagnolu cavidad, hueco Italianu incavatura, incavo Tedescu Aushöhlung.

«« Torra a chircare