Ditzionàriu in línia
de sa limba e de sa cultura sarda

arragiólu , nm: arrajolu, ragiolu Definitzione genia de maladia apicigosa chi benit mescamente a is canes, ma chi podet apicigare fintzes a sa gente (de is canes o àteros animales impestaos): leat a is céllulas de su crebedhu, unu si ammàchiat (timet s'abba, s'ària) e si morit (si no si curat in tempus, cun vacinu, cun innetzione antiràbbica, giaendho a su virus sa manera de lòmpere a su crebedhu); in cobertantza, arrennegu forte, genia de pentzamentu malu, ifadosu, dolore chi tirat a longas Sinònimos e contràrios arràbbiu, arrajoladura / afuta, aragoni, arrenigna, arrennegu, bischiza, bústica, búzara, cardedha, corina, crocone, febi, gormone, grema, mútria, stacu, studugu 2. lis mintei ódiu pro su chi mi aiant fatu e s’arragiolu non mi lassait in pasu Terminologia iscientìfica mld Ètimu srd. Tradutziones Frantzesu rage, hydrophobie, obsession Ingresu rage, hydrophobia, obsession Ispagnolu rabia, hidrofobia, desasosiego Italianu ràbbia, idrofobìa, smània Tedescu Tollwut, Erregung.

arretàda , nf Sinònimos e contràrios arretamentu, ingrillimentu Ètimu srd. Tradutziones Frantzesu excitation sexuelle Ingresu sexual excitement Ispagnolu excitación sexual Italianu eccitazióne sessuale Tedescu geschlechtliche Erregung.

birbílliu , nm: Definitzione genia de gana forte de calecuna cosa, móvia, ateneu / bocàrendhe sos birbíllios de conca a ccn. = fai passai is disígius macus, is ideas locas Sinònimos e contràrios birbúdhiu, dellíriu, intziurrinzu, ispédhiu, trubbuscadura Frases su bratzu lépiu de tzia Annedha li secabat su birbílliu ◊ su sole, su binu, sa preséntzia de Mallena lu fint ponindhe in birbílliu (S.Spiggia)◊ pro bona sorte a fizu meu no li benint a conca de cussos bribíllios ◊ mi est bénniu su birbílliu de iscríere Ètimu srd. Tradutziones Frantzesu excitation Ingresu excitement Ispagnolu excitación Italianu eccitazióne Tedescu Erregung.

birbúdhiu , nm Definitzione disígiu forte, budhidore de gana Sinònimos e contràrios birbílliu, dellíriu, intziurrinzu, trubbuscadura Frases birbúdhios e tochedhos de coro currillant in sa mente alluscada calabrinas de focu Ètimu srd. Tradutziones Frantzesu excitation Ingresu excitement Ispagnolu hervor Italianu bollóre, eccitazióne Tedescu Erregung.

emossiòne, emotziòni , nf Definitzione genia de sentidu forte e de pagu dura chi si proat po calecuna cosa chi acontesset Tradutziones Frantzesu émotion Ingresu emotion Ispagnolu emoción Italianu emozióne Tedescu Emotion, Erregung.

ingrilliméntu , nm Definitzione su s'ingrillire, nau mescamente de su mascu inganiu, disigiosu; nau de erba o sèmene, su fàere su cambu nou, sa tzeurra Sinònimos e contràrios arretamentu, arretúmene / scallentamentu / intzeurramentu, tudhidura Ètimu srd. Tradutziones Frantzesu excitement Ingresu excitement Ispagnolu excitación Italianu eccitaménto Tedescu Erregung.

zacaradúra , nf: giagaradura*, zagaradura Definitzione su zacarare; su èssere giagaraos / fàghere a zagaradura = impresse meda, tropu, coment'e chi unu portet canes aifatu, cun movimentu a cropos e impresse a sa sighia Sinònimos e contràrios agiàgaru, isuliadura, salarzadura, salarzu Frases sas berbeghes no las les a zagaradura, no lis fetat male! ◊ sa cosa no si faghet a zagaradura, ca essit male Tradutziones Frantzesu agitation soudaine Ingresu deep and sudden anxiety Ispagnolu agitación repentina Italianu agitazióne fòrte, improvvisa Tedescu Erregung.